خير يا باشا وصلت لحد فين ؟ طمننا أخبار العربية إيه ؟
عرض للطباعة
خير يا باشا وصلت لحد فين ؟ طمننا أخبار العربية إيه ؟
اخيرا يا جماعه الحمد لله بعد معاناه ربنا ما يوريها لحد من مركز محمود عثمان الى ميكانيكى فى ورشه الى الميكانيكون العرب الى مهندس فى الداهر تنظيف مانفل الى تغير بوجيهات الى تنضيف بوابه الى تغير موبينه الى الى انا كنت زاى فار التجارب الحمدلله العربيه اصبحت زاى الفل كانت مشكله رشاش هى ديه كل الحكايه
شكر خاص مره تانيه يا جماعه الى الاستاذ ايمن مش عارف اوصف لكم ازاى الرجل ده مسبنيش لحظه وعمل معايا مجهود لحد الحمد لله ما العربيه ظبطت ربنا إن شاء الله يوضعه فى ميزان حسناته وانا هخلى امى تدعيله الف شكر لايمن ايمن كان معايا مثال للانسان المصرى الجدع جدا اتمنا ان كل الناس تحزو حزو ايمن بارك الله لك يا اخى
اخر الاخبار خالص بالنسبه للعربيه العجيبه بتاعتى انى هبيعها إن شاء الله الاربعاء الساعه الثانيه صباحا الميكانيكيه عمالولى عقده من العربيه
حمد لله على سلامة عربيتك يا استاذ seeika وان شاء الله تكون آخر مشكله تطول كده مع العربيه وربنا يكفيك شرها ويديك خيرها ان شاء الله.
وطبعاً ايمن باشا الكلام لو فتحنا فيه مش هايخلص ربنا يكرمه ويجازيه خير ويجعله في ميزان حسناته لئنه بجد شخص جميل.
سؤال أخير بس حتى تعم الفائده بعد اذن حضرتك .......مشكلة الرشاشات كانت عاوزه تتنضف وخلاص ولا تم استبدالها .......وهل التوكيل اللي عمل الكلام ده ولا مين اللي ربنا كرمه وقدر يصلحها ؟
تحياتي أخي الفاضل مره اخرى وحمد لله على السلامه.
انا العربية عندى سعات بتكرك بس لما اكون ماشى فى الزحمة و مشغل التكييف بس مش بتقف مش عارف ده طبيعى ولا إيه بس المشكلة
ان فعلا سعات العربية بتتعبنى عشان تدور و روحت نظفت الحساس بس بعد 2000 كيلو رجع الموضوع تانى. أوقات تدور علطول و سعات تبقى مقرفة . حد عنده حل او يقولى مكان الحساس ده فين أنظفوا الزاى
شكرا
الحمد لله والشكر لله... العربيه بقت زي الفل ...رشاش واحد اتغير والباقي نظافه بس.
مع شوية اعادة الكهرباء الي وضعها السليم.
الكلام كان في التوكيل والتكلفة كلها كانت بسيطة الحمد لله.
يا جماعه احنا كلنا اخوة في المنتدي وربنا يدوم المحبة عالطول.
------------------------------
اللهم ما تقبل منا رمضان واغفر لنا جميعا