تزويد مية الريدياتير بنوع اخر ... هل الموضع دا خطر؟

**CarMania** · 22-07-2013 06:57 PM

السلام عليكم ورحمة وبركاته
ازيكم يا رجاله ..... ان شاء الله دايما بخير

دلوقتى انا كنت فى التوكيل بعمل صيانة الالف
فالفنى اللى كان شغال فى العربية شفته فى الاخر بعد ما خلص شغل قام مزود الريدياتير مية عادية من الحنفية
فلما قلت له انت بتعمل ايه مش المفروض نوع معين من المية هوا اللى بتزود بيه
رد عليا بكل ثقة انهم بيزودوا كل العربيات كدا وانى مش اقلق والكلام دا وقام مزود.

فهل المية العادية دى خطر كدا
هوا زود تقريبا نص لتر. علما بأن المية اللى كانت فى الريدياتير كان لونها ازرق وبصداحة انا مش عارف مواصفتها ايه؟

وشكرا مقدما.

**amoor89** · 22-07-2013 07:01 PM

اللى اعرفه ان المفروض تتزود ميه مقطرة لكن بتاعت الحنفيه مع الوقت هتعمل تاكل فى الدورة ناهيك عن اختلاف درجة غليان المية الملونة اللى فى العربية وميه الحنفية

**CarMania** · 22-07-2013 07:07 PM

طيب هل ينفع انى اصفى كل المية اللى فى الريدياتير واحط من اول وجديد مية زرقا؟

**aldesha989** · 22-07-2013 08:27 PM

اه ادخل اى بنزينه اعمل دوره تبريد بس استنى حد من الشباب يقولك على بنزينه نضيفه
وهات جيركن مايه زرقاء برضه

**lidosasa** · 23-07-2013 12:38 AM

بص سيبك من موضوع الفرق فى درجة الغليان .
الخلاصة إن المياه الخضرا فيها مواد كيمائية بنسبة تركيز مختلفة 33 او 34 % تقريباً والباقى مياه مقطرة فلما يحصل تبخر فى الدورة اللى بيتبخر هى المياه المقطرة وتظل المواد الكيمائية وترتفع نسبة تركيزها فى المياه فيتم تزويدها مرة أخرى بمياه مقطرة فالمفروض فى التوكيل كان زودها بمياه مقطرة ( دا الإزازة ب 2 جنيه وكان حاسبك عليها ) لأن مياه الحنفية فيها أملاح ذائبة فلما بتتبخر المياه الأملاح دى بتترسب فى الريداتير وبتعمل إنسداد فى دورة التبريد وتآكل أما المياه المقطرة فسبق تبخيرها وتكثيفها مرة أخرى فتم التخلص من كافة الأملاح الذائبة وفى حالة تبخرها مرة أخرى فى دورة التبريد فلا تترك أى أثر . بس الكلام ده لما يكون حط كمية كبيرة أو إنك بتزود مياه حنفية على طول . رأى المتواضع سيب المياه زى ما هى النص لتر مش حيفرق كتير ومش حيسيب رواسب كتير فى الريداتير واشترى إزازة مياه مقطرة خليها معاك أبقى زود منها المياه لو نقصت .
لكن لو الفلوس مش حتفرق معاك يبقى نزلها وحط مياه زرقا أو خضرا موبيل ( وهى أنضف نوع ) سعر الجركن 4 لتر 80 جنيه .