المشاركة الأصلية كتبت بواسطة macathius
1-شنطة العربية فيها لمبة .. مين اللى قال ان مفيهاش لمبة
2-الباور كويس جدا ...مش بيلف زى دركسيون عربيات الملاهى يعنى لكن بالعكس ناعم بدون ما يكون خفيف.. حلو جدا
3-استهلاكها للبنزين مثالى جدا على طرق السفر.. انا فولت التانك و خدتها من عند موقف العاشر لغاية المنيا يعنى قطعت حوالى 300 كيلو و اول شرطة مكانتش نزلت وكنت ماشى على متوسط سرعة 120 تقريبا و كنت مشغل التكييف فى بعض المناطق كمان مش طول الطريق...
4-موضوع الكلاكس دا مش عيب انما تعود
5- انا عمرى ماحسيت بموضوع الحرارة عند الدواسات.. جايز اكون ماخدتش بالى
6-موضوع ان دواسة البنزين بتقف... انا العربية معايا من يناير 2010 ... عمر ما دا حصل معايا.. بس للامانة من حوالى 4 شهور حصلت معايا ان الدواسة وقفت تحت رجلى بعد ماسيبتها ما رجعتش اتخضيت و بعدها الموضوع دا ماتكررش تانى ابدا الى الان.. بس دا ممكن يتعالج فى التوكيل يعنى لما اروح الصيانة الدورية
عيوبها ان ثباتها مش كويس بعد المية و اربعين... انا مشيت شوية على مية و ستين وكنت شايف الدركسيون بيرقص شمال ويمين.
صوت موتورها عالى ايوة
مش ناعمة اوى... بس دا على قد سعرها طبعا واى عربية فى السعر دا هتبقى زيها... مش بعتبره عيب انما على قد فلوسى باخد رفاهية و نعومة.
انا رايى ان موضوع الصينى دا خلاص انتهى .... ماتحكمش على العربية لمجرد انها صينى انما اسأل ملاكها... و التيجو كل الناس مبسوطين منها و ليا اصدقاء شخصيين بيحكوا عنها كويسة جدا.
اخيرا انصحك تبعد عن كل دا و تشتري ميجان موديل من 2007 او بعدها حتى لو ضغطت على نفسك شوية بس هيبقى معاك عربية محترمة ناعمة جدا و منتهى الامان و الثبات و هيبقى شكلها جديد برده.... و دى نصيحة اخوية