ما هي الطرق للسفر الي امريكا

**al_manara** · 22-07-2013 10:57 PM

السلام عليكم
اخواني في شوية حاجات عاوز اعرفها ومحتاج منكم معلومات اكيدة

لو عاوز اسافر امريكا . اعمل اية ؟ (زيارة لمدة 3 شهور)
في ناس بتقول لازم يكون عندك رصيد كبير في البنك ؟
وناس بتقول انسا مش هاتعرف .
وناس بتقول اجرائات صعبة جدا .
وناس بتقول لازم تكون هجرة مش تروح كام سنة او كام شهر وترجع .
وناس بتقولي سافر الاول اي دولة في اوربا عشان يكون معاك التاشيرة وبعدها ممكن تروح امريكا بشكل اسهل .

وعاوز اعرف اية هي الاجرائات الي المفروض اعملها . مع العلم ان لي صديق عايش هناك . وممكن يساعدني لو في استطاعتة اي حاجة .

**Patrickologyy** · 22-07-2013 10:59 PM

متابع

**prof2013** · 22-07-2013 11:23 PM

اتجوز بولنديه وخد الجنسيه وبعدها سافر من بولندا على امريكا وبعدين اتجوز امركانيه وافلش البولنديه وخد الجنسيه الامريكيه هههههه تهييس من الاخر بس ينفع

**marsguy** · 23-07-2013 02:30 AM

السلام عليكم ورحمة الله وبركاته

تأشيرة أمريكا بتكون 5 سنين وليك في كل مره تقعد 6 شهور متواصل

أنا على يدي 2 معاهم باسبورت فاضي تماما وعواطليه خدوا الفيزا بمنتهى ااسهوله

وفي ناس تانيه سافروا كتير قبل كده وشغالين في شركات أمريكيه كمان وما عرفوش ياخدوا الفيزا

الموضوع مالوش مقاييس واضحه خالص

قدم وانت وحظك بس ما تحاولش تكدب في الإنترفيو

**al_manara** · 23-07-2013 04:42 AM

المشاركة الأصلية كتبت بواسطة marsguy

السلام عليكم ورحمة الله وبركاته

تأشيرة أمريكا بتكون 5 سنين وليك في كل مره تقعد 6 شهور متواصل

أنا على يدي 2 معاهم باسبورت فاضي تماما وعواطليه خدوا الفيزا بمنتهى ااسهوله

وفي ناس تانيه سافروا كتير قبل كده وشغالين في شركات أمريكيه كمان وما عرفوش ياخدوا الفيزا

الموضوع مالوش مقاييس واضحه خالص

قدم وانت وحظك بس ما تحاولش تكدب في الإنترفيو

الكلام دة كان من وقت قريب ولا بعيد ؟
هل كان عندهم رصيد في البنك زي ما بسمع ؟

ومش واضحة بالنسبالي الي شغالين في شركات هناك وماعهمش فيزا ؟

شكرا لردك

**حسام السويدي** · 23-07-2013 12:33 PM

انسي موضوع صاحبك والدي الله يرحمه كان معاه الجرين وبقاله 17سنه ومجوز هناك وبعتلي زياره واترفضت قالك لما ياخد الجنسيه

قدم علي الهجره من النت انا كنت فزت بيها بس كان والدي توفي فمرضتش

**Amr_MO** · 23-07-2013 02:06 PM

السلام عليكم ورحمة الله وبركاته

مبدئيا صديقك الي في امريكا ميقدرش يساعدك في حاجة لأنه ميقربلكش حاجة

موضوع تأشيرة الزيارة ملهاش اي مقاييس ولا اعتبارات ممكن يكون ورقك متستف وسليم ولكن القنصل الي بتعمل معاه المقابلة يبصلك من فوق لتحت ميقتنعش بيك او يشك في اجاباتك ويرفض يديك الفيزا

موضوع انك تسافر بلد اوروبية تاخدلك كم ختم على الباسبور ساعات بتقوي فعلا موقفك وساعات القنصل مبياخدش بيها

اهم شيئ القنصل بيدور عليه هو الرابط الي يخليك متكسرش الفيزا هناك وانك ترجع مصر تاني زي الوظيفة وانها تكون مثبتة في جواز سفرك وتجيب HR Letter من شغلك بما يفيدك انك بتتشغل في وظيفة معنية بالراتب والفترة الزمنية، وان يكون مثلا عندك املاك هنا في مصر هترجع علشانها او ورابط اسرية قوية زي الزوجة والابناء لو انت مسافر لوحدك، الاب والام مينفعوش

الحساب البنكي ساعات كتيرة مبيسألوش عليه لأنك سهل تستلف فلوس من اي حد وتحطها في البنك بإسمك لحد يوم مقابلة السفارة فهما هارشين الحوارات دي

وخلي بالك لو ربنا وفقك وسافرت متحاولش تكسر فترة ال 6 اشهر لأنك لو عملتها ورجعت مصر حبيت تسافر تاني بتتحط بلوك 10 سنين متعرفش تدخل امريكا تاني

**moody_687** · 23-07-2013 04:49 PM

طيب والحل ايه
الواحد عايز يسافر ع امريكا يشتغل هناك وهنا ف مصر مفيش عقود عمل لامريكا او لاوروبا
دلوقتي الواحد يسافر ازاي

**moody_687** · 23-07-2013 04:51 PM

المشاركة الأصلية كتبت بواسطة amr_mo

السلام عليكم ورحمة الله وبركاته

مبدئيا صديقك الي في امريكا ميقدرش يساعدك في حاجة لأنه ميقربلكش حاجة

موضوع تأشيرة الزيارة ملهاش اي مقاييس ولا اعتبارات ممكن يكون ورقك متستف وسليم ولكن القنصل الي بتعمل معاه المقابلة يبصلك من فوق لتحت ميقتنعش بيك او يشك في اجاباتك ويرفض يديك الفيزا

موضوع انك تسافر بلد اوروبية تاخدلك كم ختم على الباسبور ساعات بتقوي فعلا موقفك وساعات القنصل مبياخدش بيها

اهم شيئ القنصل بيدور عليه هو الرابط الي يخليك متكسرش الفيزا هناك وانك ترجع مصر تاني زي الوظيفة وانها تكون مثبتة في جواز سفرك وتجيب hr letter من شغلك بما يفيدك انك بتتشغل في وظيفة معنية بالراتب والفترة الزمنية، وان يكون مثلا عندك املاك هنا في مصر هترجع علشانها او ورابط اسرية قوية زي الزوجة والابناء لو انت مسافر لوحدك، الاب والام مينفعوش

الحساب البنكي ساعات كتيرة مبيسألوش عليه لأنك سهل تستلف فلوس من اي حد وتحطها في البنك بإسمك لحد يوم مقابلة السفارة فهما هارشين الحوارات دي

وخلي بالك لو ربنا وفقك وسافرت متحاولش تكسر فترة ال 6 اشهر لأنك لو عملتها ورجعت مصر حبيت تسافر تاني بتتحط بلوك 10 سنين متعرفش تدخل امريكا تاني

يعني ايه يكسر فترة 6 شهور ؟؟

**SaSa.FireBlade** · 23-07-2013 06:52 PM

انا نفسى اسافر ياءما امريكا ياءما السويد ياءما كندا ياءما فرنسا مش عارف هعمل حادى بادى واشوف ونا ونصيبى

الموضوع: ما هي الطرق للسفر الي امريكا

LinkBack

أدوات الموضوع

عرض

ما هي الطرق للسفر الي امريكا - انشر الموضوع فى :

-

-

المواضيع المتشابهه

أفضل الطرق للسفر من أسيوط الى الأقصر

للسفر جولى فيل شرم

4 جنوط حديد 14 وارد امريكا فى هوندا سيفيك 92 جايا من امريكا

دليل للسفر

الكلمات الدلالية لهذا الموضوع

المفضلات

المفضلات

ضوابط المشاركة