محتاج شوية حاجات ل w123

السلام عليكم ازيكم يا رجالة المرسيدس كل سنة وانتم طيبين انا معايا w123 (معدل) موديل 1982 وبشدها اليومين دول برة وجوه وكنت محتاج شوية حاجات لو ممكن حد يساعدني اشتريها من فين وحدود الاسعار ايه اليومين دول
1-تابلوه(يا ريت يكون لونه كحلي )
2-فتحة سقف كهرباء(الي عندي عادية مش كهرباء وسمعت من ناس كتير على النت بس برة مصر انهم بيركبو بتاعت ال w126 هل الكلام ده صح ولا محتاج تعديل ولا فيه اصلا فتحة كهرباء نزلت في ال 123؟)
3-مرايات كهرباء
4_
-اكصدامات(لو ممكن اسعار الاكصدامات العادية والامريكاني)
5-جنوط amg 16 او 17
6-فتيس اوتوماتك(العربية عندي اصلا مانيوال مش اوتو بس انا عاوز اسقطلها فتيس اوتوماتك عشان رجلي باظت من الزحمة والدبرياش ممكن حد يديني سعر تقريبي للفتيس الاوتوماتك مع العلم ان الموتور الي عنديال102 الاسود 2000 سي سي كاربيراتير)
ومتشكر جدا ليكم بس يا ريت الي يعرف اسعار اي حاجة من الحاجات دي يفدني ويقولي اجيبها من عند مين عشان ترحموني من اللف على بتوع قطع الغيار.

(اولا) الطابلوة الكحلى بحوالى 1600 جنية (ثانيا) موجود فتحة السقف كهرباء w123 وضع بلادها تعملها حوالى 1000 جنية بالماتور بالزرار (ثالثا) المرايا الكهرباء بتكون اليمين فقط بحوالى 150 جنية والزرار بـ 30 جنية والضفيرة الاصلية 30 جنية (رابعا) الاكصدامات العادية الاتنين بحوالى 500 جنية ولكن الامريكانى بحوالى 1800جنية وفى نوع تانى من غير ضوافر يعنى نوع وسط مابين العادى والامريكانى بحوالى 650 جنية (خامسا) الفتيس الاتوماتيك نوعين الاول ابيض بحوالى 1500 جنية والاخر فتيس احمر بحوالى 4500 بتركبية وانصحك بالفتيس الاحمر بتاع 1984 او بتاع الزلموكة 1994 الاتنين نفس السعر

متشكر جدا على اهتمامك وردك مستر مصطفى

اقتباس:

---

المشاركة الأصلية كتبت بواسطة mr mostafa

(اولا) الطابلوة الكحلى بحوالى 1600 جنية (ثانيا) موجود فتحة السقف كهرباء w123 وضع بلادها تعملها حوالى 1000 جنية بالماتور بالزرار (ثالثا) المرايا الكهرباء بتكون اليمين فقط بحوالى 150 جنية والزرار بـ 30 جنية والضفيرة الاصلية 30 جنية (رابعا) الاكصدامات العادية الاتنين بحوالى 500 جنية ولكن الامريكانى بحوالى 1800جنية وفى نوع تانى من غير ضوافر يعنى نوع وسط مابين العادى والامريكانى بحوالى 650 جنية (خامسا) الفتيس الاتوماتيك نوعين الاول ابيض بحوالى 1500 جنية والاخر فتيس احمر بحوالى 4500 بتركبية وانصحك بالفتيس الاحمر بتاع 1984 او بتاع الزلموكة 1994 الاتنين نفس السعر

---

اﻷخ العزيز بعد إذن صاحب الموضوع طبعا أنا شايف حضرتك ملم بقطع غيار المرسيدس فهل ده شغلك ولا خبرات بتجمعها زيي فلو ده شغلك يبقه أتمنى لو تعرف تجيبلي قطع غيار المرسيدس ال 180 موديل 1958 بصراحة أنا بجيب بس أحب أنوع مصادري وكمان عايز كراسي شبح أمامية بزرايرهم وكراسي كهربا أمامية لعربية مرسيدس كوبيه أرجو اﻹفادة وشكرا مقدما