الكاوتش اتخرم

**micho129** · 23-07-2013 12:31 AM

كاوتش الفيرنا 2013 ماشيه 2500k الفرديتين اللي قدام فرده داخل فيه مسمار وكام حته زجاج وكانت نايمه والتانيه داخل فيها كم حتة زجاج بس ماكنتش نايمه عملتها عند بتاع الكاوتش في البنزينه اتكلف 165 جنيه ! كتير ولا عادي هو حط ماده كده ب 15 جنيه الواحده x ١١ خرم

**Deshahcoka** · 23-07-2013 12:45 AM

يا باشا اتنصب عليك :) كلنا حصلنا الموقف ده اول ما جبنا العربيات :(

محدش بياكلها بالساهل :( الفرد عموما كدة بقت وحشة خليها تاخد وقتها و غيرها :(

و اوعى تروح لبتاع بنزينة تاني بتاع اكسر العجل و الفقافيع و الكلام الفاضي ده !

**Deshahcoka** · 23-07-2013 12:45 AM

بعدين الخابور الامريكي بالتركيب ب 8 جنيه بس !

**Land_Cruiser** · 23-07-2013 12:52 AM

موضوع ال ١١ خرم ده في الاغلب نصب من بتاع الكاوتش و اكيد ده مبلغ كبير جدا و بيبقي ليهم حركات زي انه بيخبط علي العجله بحاجه مليانه مسامير و كأنه بيكشف عليها يعني في حين انه بيخرمها علشان يدفعك ثمن إصلاح بالشكل ده . المهم قدر الله و ما شاء فعل و ربنا يعوض علي حضرتك بس خللي بالك باللحامات دي كلها خطر تخللي العجله دي قدام و يستحسن ترجع العجلتين اللي قدام توديهم ورا و تجيب اللي ورا قدام و ترصصهم او حتي تحط الاستبن مكان اللي فيها ١١ لحام دي خاصه في الجو الحر ده لان العجل مع السرعه بيسخن جامد و الهواء داخل الاطار بيتمدد مع السخونه و ممكن لاقدر الله يعملك مشاكل كبيره فخللي بالك ضروري

**micho129** · 23-07-2013 01:38 AM

المشاركة الأصلية كتبت بواسطة deshahcoka

يا باشا اتنصب عليك :) كلنا حصلنا الموقف ده اول ما جبنا العربيات :(

محدش بياكلها بالساهل :( الفرد عموما كدة بقت وحشة خليها تاخد وقتها و غيرها :(

و اوعى تروح لبتاع بنزينة تاني بتاع اكسر العجل و الفقافيع و الكلام الفاضي ده !

طب معلش اغيرها بعد اد ايه ? وهو فعلا عمل زي ما حضرتك بتقول!

**micho129** · 23-07-2013 01:41 AM

المشاركة الأصلية كتبت بواسطة deshahcoka

بعدين الخابور الامريكي بالتركيب ب 8 جنيه بس !

هو كان معلق ورقه كده مكتوب عليها خابور الماني ب 15 جنيه وجنيه تركيب

**micho129** · 23-07-2013 01:44 AM

المشاركة الأصلية كتبت بواسطة land_cruiser

موضوع ال ١١ خرم ده في الاغلب نصب من بتاع الكاوتش و اكيد ده مبلغ كبير جدا و بيبقي ليهم حركات زي انه بيخبط علي العجله بحاجه مليانه مسامير و كأنه بيكشف عليها يعني في حين انه بيخرمها علشان يدفعك ثمن إصلاح بالشكل ده . المهم قدر الله و ما شاء فعل و ربنا يعوض علي حضرتك بس خللي بالك باللحامات دي كلها خطر تخللي العجله دي قدام و يستحسن ترجع العجلتين اللي قدام توديهم ورا و تجيب اللي ورا قدام و ترصصهم او حتي تحط الاستبن مكان اللي فيها ١١ لحام دي خاصه في الجو الحر ده لان العجل مع السرعه بيسخن جامد و الهواء داخل الاطار بيتمدد مع السخونه و ممكن لاقدر الله يعملك مشاكل كبيره فخللي بالك ضروري

الحمد لله على كل شئ طول ماهو نصب ربنا مش حايباركلو في الفلوس اللي خدها , شكرا علي النصيحه بس هو الترصيص يكلف كام