-
عايز اشترك في شبكة نت
السلام عليكم ممكن حد يفيدني بخصوص شبكات النت المشتركة الي هي بيكون واحد عندوا شبكة نت و بيوزع نت لان عندي فلاشة اتصالات بنظام منجز و طبعا مقرفة فايه هو عيوب شبكة النت المشتركة طبعا واح هيقولي طب ماتركب نت تي داتا هقوله ياريت دا اقل اشتراك تي داتا ب75 جنيه و بيديك 4 جيجا بس 75 جنيه هيكون كتير عليا و اشتراك شبكة النت ب30 جنيه فاهتكون مناسة ليا فلو حد مشترك في شبكة نت يقول ايه نطامها
و شكرا
-
نظامها وجع قلب وتحكم ملوش لازمة .. مفيش افضل انك تكون حر نفسك
وطبعا ممكن تدور حواليك اكيد هتلاقى حد عامل شبكة وبيوزع
او ممكن تركب خط 512 بـ 95 جنيه وتدى وصلة لحد من جيرانك والاشتراك بالنص
يعنى هتدفع 45 جنيه فى الشهر .. ده اقرب حل
-
الحل انك تشوف كام واحد عندك فى الشارع وبيستخدم النت على طول وتجيبو وصله مع بعض
انا عملت كده اتفقت مع تلاته كمان وجبنا وصله 1 ميجا بايت وعليها عرض تخفيض 25% على الاشتراك يعىن بدل 140 بقى 105 لمده 6شهور
و50% تخفيض على تمن الراوتر بدل 250 بقى 125
-
بلاش هتكره النت و تتعقد مـ الجهاز ، الحل زي ما قالك الإخوه ، 2 أو 3 بالكتير تدخلوا ف خط 512 أو 1 ميجا.
-
انصحك تبعد عن السكة دى
انا واخد وصلة من محل كمبيوتر و اجهزة و نت و موزع لناس هيفضل يتحكم فيك و يقطعه و قصص كتير هتقابلها انا بندم انى اشتركت فى القصة دى
حتى التحميل مش هيبقى مفتوح هيبقى محددلك مساحة كمان
Content Relevant URLs by
vBSEO 3.6.0 PL2