استفسار لانسر ماكوة هام جدا ربنا يكرمكوا

السلام عليكم ورحمة الله وبركاته

انا قدامى لانسر موديل 2003 بعد فحص العربية العربية رشة بالكامل خارجى بالسقف فابريقة دواخل نواصفات خليجى العربية كاربريتير - اوتوماتيك - 1300 سى سى - مغيرة اكصدام امامى وفانوس وفى تريحة بسيطة فى الشنب نتيجة انها نزلة فحفرة بس الحوض سليم والاسسيات سليمة الحمد لله - ماشية 196 الف كيلو - لسة مغيرة بطارية وكاوتش من 6 شهور والكاوتش مقاس 15 عادى مش جنوط سبور - العربية تكييف ممتاز - لون العربية سيلفر حالة الدهان جيدة ولا يوجد تجريحات بها - فقط بعض تقشير فى الاكصدام الخلفى والامامى - العربية معمول لها مفتاح تانى تقليد - فهل ده فى مشكلة - وتحتاج من الجهة اليمنى ظبط الاكصدام مع الفنوس لان اللى ركبه ركبه بقلة ضمير - الصالون من جوة جيد ولكن يحتاج الى كسوة - السنتر بيعلق سعات ومبيعملش صوت التكة بتاعته - العربية سحبها حلو مش وحش وجربتها - اول بس اما دورت الماتور خسيت برعشة كده قوية هل ده نتيجة انها كاربرتير مش انجكشن والعربية بتحتاج تسخن الاول

العربية دى من مالك اول ليها وفيها رخصة ل 2015 العربية مطلوب فيها 62 الف نهائى رايكم ياجماعة فى كل ماسبق بامانة وهل كده السعر مناسب وهل فى حسارة جامدة تحصل فيها لو جيت بعت مثلا بعد سنة

كتييييير اوي يا باشا علي الكلام دة
علي فكرة السعر دة يجيبلك موديل 2005 بومة انجيكشن اوتو 1300
انا جايب بتاعة والدتي رشة برة ماعدا السقف وفابريكة بالكامل من الداخل وعداد 165 الف كم موديل 2005
وجايبها ب 62

اقتباس:

---

المشاركة الأصلية كتبت بواسطة mamoud salah h

كتييييير اوي يا باشا علي الكلام دة
علي فكرة السعر دة يجيبلك موديل 2005 بومة انجيكشن اوتو 1300
انا جايب بتاعة والدتي رشة برة ماعدا السقف وفابريكة بالكامل من الداخل وعداد 165 الف كم موديل 2005
وجايبها ب 62

---

هو ده اللى مخلينى متررد بس الخلات اللى شوفتها كويسة الاوتو عاملة 68

اصبر شوية وهتلاقي ان شاء الله انا اصلا جبتها بالصدفة البحتة كنت في سوق لعاشر في مدينة نصر وبعد اللف والبحث طووول اليوم ومقيتش حاجة نضييفة خاالص ووقولت هروح وطلعت برة علي الشارع عند بنزينة وطنية كدة مستني الميني باص روحت مريح ضهري علي عربية كانت واقفة (لانسر بومة 2005) وكان صاحبها جواها ومكنش اصلا في الخطة اني نجييب لانسر خااااالص كنت بدور علي صني او ماتريكس او نيواكسنت المهم لفت نظري الصالوون البيج ونظافته جدا وسالت صاحبها علي السعر والمواصفات وكان طالب 65 الف ومن هنا لهنا خلصت ب 62 الف وروحت كششفت عليها في بنزينة كلتكس في يوسف عباااس كشف كااامل بالكمبيوتر وكبس الموتور وعفشة ودهان وكل حاجة ب 120 جنيه وعلي فكرة مكنتش من تاجر كانت ن مدرب في نادي الزمالك وروحت دفعت الفلووس وكملت البيعة في النادي هناااك ومازالت العربية معايا من 5 شهوور تقريبا

عايز اقول لحضرتك متستعجلش خااااااااااالص في شرا المستعمل واهم حاجة الكشف ولو عند حضرتك اي استفسار انا معاك وتحت امرك

غالية و الموديل ده ماستر الدبرياج بتاعه جوه الفتيس و بيعمل مشاكل سخيفة جدا

اصبر شوية

انا قدامي واحدة بومة 2006 في الرحاب بقالها اسبوع بتتباع علي 68 الف و هي 1300 سي سي و لونها اسود و تقريبا فبريكة برة مش متأكد لانها بتقف في الطريق اللي بروح منه و عليها ورقة و كلمت الراجل قولت اشوف نظامها ايه لواحد معرفة و قالي 68 الف نهائي و صاحبي استغلاها

اقتباس:

---

المشاركة الأصلية كتبت بواسطة mamoud salah h

اصبر شوية وهتلاقي ان شاء الله انا اصلا جبتها بالصدفة البحتة كنت في سوق لعاشر في مدينة نصر وبعد اللف والبحث طووول اليوم ومقيتش حاجة نضييفة خاالص ووقولت هروح وطلعت برة علي الشارع عند بنزينة وطنية كدة مستني الميني باص روحت مريح ضهري علي عربية كانت واقفة (لانسر بومة 2005) وكان صاحبها جواها ومكنش اصلا في الخطة اني نجييب لانسر خااااالص كنت بدور علي صني او ماتريكس او نيواكسنت المهم لفت نظري الصالوون البيج ونظافته جدا وسالت صاحبها علي السعر والمواصفات وكان طالب 65 الف ومن هنا لهنا خلصت ب 62 الف وروحت كششفت عليها في بنزينة كلتكس في يوسف عباااس كشف كااامل بالكمبيوتر وكبس الموتور وعفشة ودهان وكل حاجة ب 120 جنيه وعلي فكرة مكنتش من تاجر كانت ن مدرب في نادي الزمالك وروحت دفعت الفلووس وكملت البيعة في النادي هناااك ومازالت العربية معايا من 5 شهوور تقريبا

عايز اقول لحضرتك متستعجلش خااااااااااالص في شرا المستعمل واهم حاجة الكشف ولو عند حضرتك اي استفسار انا معاك وتحت امرك

---

هى البنزينة بتاعت كالتكس دى فين بالظبط فى يوسف عباس فى اوله كده

هى العربية حالتها كويسة بس انا حاسس ان السعر عالى شوية

ولا ايه راى حضرتك فى السعر تعملها كام تقريبا

يا باشا السعر غالي جدا عل يالموديل دة اخرة 58 لو هتركب وتمشي علطوول من غير ولا جنييه مصرووف
والبنزينة دي بعد السراج مول كدة في اخر الشارع