لا حول ولا قوة الا بالله كان نفسى أعملكم تقييم بس خلاص هبيع

**kind** · 31-08-2008 03:44 PM

أعتقد تخصم مش اقل من عشرتلاف جنية من تمنها زيرو

شكرا على الرد

سمكرها واسمع الكلام اوعى تبيع هتخسر كتيير اوى
ولو قافل معاك موضوع البيع بردة سمكرها هتتكلف يجى 1000 جنية وبيعها بس بردة هتخسر لكن بدرجة اقل لو بعتها وشكلها كدا

شكرا على النصيحه والاهتمام يا استاذ محمد والله انا مش عارف اعمل ايه وربنا يقدم اللى فيه الخير واكيد هصلحها الاول فعلا

لاحول ولاقوة الا بالله
قدر الله ماشاء فعل
الحمد لله انك بخير وعموما مافيش داعي للتشاؤم لان الدين لا يدعو للتشاؤم من شيء
الحمد لله انها جت علي قد كده انا بردو كنت جايب عربية واتخبطت بعديها باسبوع وغيرت نص وراني والحمد لله وبعد كده ركبتها ومشيت بيها سنة
ربنا يصلحلك الحال ويبارك لك فيها

نصيحتي ماتبيعهاش و صلحها و خلاص تبقي كده اخدت العين و خلاص
انا الفيرنا اول ما جيبتها حد ربنا يسامحه رشلي عليها مية نار خدت القابم اليمين و المرايه اليمين
بس قلت الحمد لله قدر الله و ما شاء فعل و رش الباب المحكوك و غير الفانوس و ماتبيعش لانها هتبقي احسن من الفلوس
تحياتي و ربنا يوفقك,,,,

ربنا يكرمكو ويسترها مع الجميع يارب

**kind** · 01-09-2008 01:13 AM

منتظر اراء تانيه

**mohamed2002** · 01-09-2008 01:19 AM

صلحها وخليها معاك

**kind** · 01-09-2008 01:51 AM

يا أخونا العزيز ربنا يعوض عليك

اوع تفكر تبيع لان بالحالة دى منتهزى الفرص هيخسفو بتمنها الارض

وبعدين اللى فيها سهل جدا يتعالج ولن يتجاوز الالف جنيه ان شأالله وهترجع زى ماكانت

اتكل على الله وخد الخطوة وان شأالله مش هتندم

شكرا يا اخى العزيز على النصيحه

صلحها وخليها معاك

شكرا على الرد يا محمد باشا

**MOHAMED ABD EL SHAFY** · 01-09-2008 12:21 PM

مفيهاش اراء تانية
ياعم توكل على الله وروح شفلها مركز محترم يسمكرها ويرشها او حتى سمكرى كويس
الاراء كلها اجمعت على ذلك فلا يوجد راى ثانى
لان دا فعلا هوا الصح
وابقى ورينا الصور بقى بعد التصليح
وياسلام لو تدينا لفه بقى

**عزيز محمد** · 01-09-2008 01:32 PM

السلام عليكم ورحمة الله

يا سيدى الفاضل تصليح السيارة بحيث ترجع كأنها زيرو لن يكلفك الكثير

أما بيعها سواء قبل تصليحها أو بعده فهو خسارة مؤكدة، ولما تبيع برضه هتجيب عربية زيرو تانية هتكون معرضة إنها تتخبط، لاحظ إن كون العربية اتخبطت ده مش سبب يخليها تتباع (خصوصا لو الموضوع بسيط زى الحالة هنا).

السبب الوحيد اللى يخللى حضرتك تبيع إنك تكتشف إن العربية (فى حد ذاتها) سيئة، أو إن مصاريف تصليحها كبيرة جدا، وما افتكرش إن الأسباب دى متوافرة فى الوضع ده.

**hesham2004** · 01-09-2008 02:00 PM

يا بشمهندس محمد ، انت بتجمع آراء و بس و لا ايه ؟
الموضوع بسيط ، لو انت متشائم من العربية على الأخر و عندك استعداد تخسر فيها مبلغ كبير مش حيقل عن 10 الاف جنيه . فاعرضها للبيع حتى لو فى المنتدى .
و لو انت لسه بتحبها ، فكلنا بننصحك تصلحها حتى لو فى التوكيل و ان شاء الله مش حتتكلف كتير يعنى لو سمكرت و رشيت باب و رفرف حتكلف اللوحة فى حدود 600 جنيه يعنى 1200 جنيه ( كلام فارغ ) كانك جبتلها كاسيت و باظ او فرش داخلى و طلع سكه
احمد ربنا ان الحجات ده ما جتش فى عيل من العيال و لا حاجه ، قدر الله ماشاء فعل .

**RoadRush** · 01-09-2008 02:08 PM

u can repair it before sell

**shefa** · 01-09-2008 02:48 PM

أخى الحبيب توكل على الله زى ما الاعضاء الكرام قالوا وصلحها واوعى تفكر فى موضوع البيع خالص وربنا يعوض عليك وعلى فكرة انا فى واحد صاحبى كان معه عربية فيرنا وعمل بيها حادثة والعربية كانت زيرو والحوض كله ادمر وربنا كتب له عمر جديد وبعدين راح غبور قالوا هتتكلف 15 الف جنيه عشان ترجع زى الاول لكن طبعا ده كتييررررررر جدا فصلحها عند سمكرى برة وكلفته حوالى 6 الاف جنيه وبقت زى الفل وشغالة ميه الميه فموضوعك أظن انه اهون بكتييير من ده واتوكل على الله وسمكرها وربنا يكرمك ويبعد عنك عيون الناس