اعتقد ان الأيميجراند سعرها مبالغ فيه
و سعر ال 1600 المصرى 78000 الف
و سعر 1500 المستورد 80000 الف بدون ايرباج
برضه محدش قال الصيني احسن من المصري في ايه ؟
محدش اشتكى من المصري على حد علمي
1600 موتور لانسر و بالتالي قطع الغيار الصيني و الياباني و الصنايعية كله موجود
1500 موتور سيتي ... لا صنايعية فاهمينه و لا قطع غيار موجودة ... لسه بقى هنستنى لما القطع تنتشر و الصنايعية تفهم و ندور على البدائل ؟
المصري كل حاجة فيه معروفة و الصنايعية حافظينها من كتر التاكسيات في البلد
بالرغم اني مش مطمن للموتور 1500 بس مش عارف ليه حاسس انه هيعمل اداء كويس مع اف 3
لكن المشكلة اللي ممكن ملاكها يواجهوها هي قطع الغيار او اللي يعرف يشتغل فيها و بالتالي مفيش غير التوكيل الوحيد اللي تتعامل معاه في حوار الموتور لأنه عشان يتعرف عايزله كام سنة
انا رحت التوكيل لاقيت العربية تقفيل مصري كوتشة الباب طالعه بشكل ملفت ومستفز وبتلعب والباب مكنش عايز يقفل الا بعد 3 مرات . معرفش الموضوع دة موجود فى التقفيل الصينى ولا لا وركبت مع سواق تاكسي سمعت اصوات كتير اوي فى العربية يمكن يكون العيب من عدم الصيانة .
بالنسبة للعفشة هى هى القديمة ولا برضو اتغيرت؟؟؟؟؟؟
التقفيل الصيني لقيته أفضل كتييير و مشوفتش اي عيوب ظاهرة في التقفيل
بخصوص الأصوات لاحظ انك بتكلم ع تاكس يعني عربية عمالة تتخبط و تترزع طول الوقت و طبعا اكيد مفيش صيانة و اعادة تربيط للمسامير الخاصة بالعربية كلها لأنك المفروض كل 20-30 الف ع حسب تراجع ع كل مسامير العربية و تعيد ربطها
الحمد لله انا جبت التقفيل الصيني وفعلا التقفيل الصيني أفضل من المصري بس فعلا العربية لازم تتبعها دائما في التوكيل وتلتزم بالصيانة الدورية