أيهما الأفضل byd 1500 ccتجميع صيني والا byd 1600 ccتجميع مصصري

**samy_laf** · 23-07-2013 04:14 PM

السلام عليكم :
أرجو المساعدة أنا رحت المصرية للسيارات فرع كلية البنات عشان أشتري عربية byd المهم هناك أقنعوني بأن العربية byd f3 2013 المجمعه في الصين أفضل من المجمعه في مصر رغم أنها 1500 cc
فهل هذا الكلام صحيح أم لا ؟
أرجو الإفادة للاهمية وجزاكم الله خيرا

**ahmedalaahosny** · 23-07-2013 05:51 PM

التقفيل المصرى كان كله عيوب اللى يشخلل واللى يزيق هى حاجات بسيطة بس بتزعل اوى لما تكع جامد (تحويشة العمر ) ف عربية تبقى مش طايقها من كتر الاصوات اللى مانتاش عارف دى جاية منين خاصة لو كنت شكاك او موسوس غير كده هى عربية روعة

**katoba** · 23-07-2013 05:54 PM

اعتقد ان كلامهم فعلا صحيح الصينى افضل

**samy_laf** · 23-07-2013 06:14 PM

أنا عارف فعلا أن التقفيل الصيني أفضل بس من ناحية الماتور العربية f3 المجمعه في الصين 1500 cc وهو ماتور هوندا سيتي بس مفيش علامة تدل علي ذلك بخلاف المجمعه في مصر ماتور 1600 ميتشوبيشي ومكتوب عليه ميتشوبيشي وباقي المكونات وحدة بعد ذلك فالأفضليه لمن ؟

**mohamed1979** · 23-07-2013 06:21 PM

هل فيه فرق فى السعر بين الأتنين

**YahiaAshraf** · 23-07-2013 06:26 PM

التقفيل الصينى أفضل بكتير
بالنسبة للمحرك 1500 سى سى نفس بتاع هوندا سيتى يولد 108 حصان

استهلاك اقل في البنزين عن الـF3 الـ1600 CC وسرعة اعلي عند عدد لفات اقل للموتور الفتيس ايضا هو نفس بتاع الهوندا سيتى

المحرك ال 1500 سى سى بينتج نفس قوة ال 1600 سى سى

لانه بتكنولوجى عالية

أنا سمعت كمان ان النسخة اللى بمحرك و فتيس الهوندا سيتى هتتجمع فى مصر قريب بدل من ال 1600 سى سى
تحياتى

**Patrickologyy** · 23-07-2013 11:43 PM

التقفيل الصينى أحسن بكتير من المصرى .. و الموتور ال 1500 سى سى موفر فى البنزين عن ال 1600 و بيطلع 108 حصان زى ال 1600 و ده موتور هوندا سيتى كده كده فالصينى أحسن بكتير من التقفيل المصرى

**mohamed1979** · 24-07-2013 12:10 AM

كنت عايز اعرف الاسعار كام لموديلات byd
بالنسبه للتقفيل الصينى و المصرى

**bassem.naguib** · 24-07-2013 03:30 AM

الموتور الـ 1500 هو نفس الموتور اللي نازل في العربية g3 .. ممكن تسأل ملاكها عن أداء الموتور عامل أزاي .

والتقفيل الصيني حيكون أفضل حالاً بنسبة قليلة عن التقفيل المصري وخاصة في الدهان .. إلا أن عدد بنط اللحام في التقفيل المصري أكثر من مثيلتها في التقفيل الصيني .

ومن رأيي أن عيوب التقفيل بيتم تلافيها في الصيانات اللي بعد كدة .. وزي ما قال الزملاء بالرغم أنها حاجات بسيطة إلا أنها تضايق .