ممكن اعرف اماكن الافطار فى رمضان كويس سواء مطاعم او بواخر نيلية وشاكر ليكم جدا مع الاسعار لو سمحتم
وكل سنة وانتم طيبين
عرض للطباعة
ممكن اعرف اماكن الافطار فى رمضان كويس سواء مطاعم او بواخر نيلية وشاكر ليكم جدا مع الاسعار لو سمحتم
وكل سنة وانتم طيبين
كنت لسه عايز اسأل السؤال ده
المكان ده كويس جدا وأسعاره كويسه
مكانه في التجمع الخامس
https://m.facebook.com/#!/villa.fayo...user=722265736
spectra
Roastry في نبيل الوقاد في ارض الجولف.
Minimum charge = 50 L.E
بس بصراحة اكلو جميل جداً و المكان جميل جداً و هادي و السيرفيس تحفة و فعلاً بتشبع
مطعم سبكترا وفاتح في كذا مكان ومدينه نصر لوحدها فيها 3 فروع وفيه في 6 اكتوبر في سيتي ستار اللي جنب الكنيسه وفيه برضه موضوع مفتوح فيه اقتراحات تانيه في مناطق مختلفه
http://www.nilemotors.net/Nile/368467-a.html
بصراحة يا احمد باشا
انا مكنتش جربت مطعم استبكترا قبل كده قبل ما تقولي عليها ... وخدت بنصيحتك ورحتلوا ياااااااا جمااالوا يا جمالوا ده ايه الحلاوة والشياكة والطعامة والرقي ده وبعدين بقى مفيش منيو طعام زي بقيت المطاعم لالالا دول بيحطولك كتاب طبخ كده وانتا تفتح الكتاب وتقعد تزاكر ... وتقعد تزاكر تزاكر تزاكر لغايت ما تتعب خالص من المزاكرة وتقوم قافل الكتاب وتنادي على الجرسون وتقولوا جرسون هتلينا اي حاجة على مزاجك كده هههههه
لا بس بجد بجد انا لم استمتع بحياتي بمذاق الاكل مثلما استمتعت بيه في استبيكترا وقعدت وانا باكول كل لقمة. قعدت ادعيلك دعى من القلب واللهي لغايت ماجتلي الفاتورررة :) ههههههه. لا لا بس بجد بجد مش خسارة فيهم كل مليم دفعتوا ... اشكرك يا صديقي العزيز وتحياتي .
أنا مش باكل هناك غير الاكله اللي قلتلك عليها ومش بغيرها أبدا مراتي هيه اللي كل مره تجيب حاجه شكل. وعلى فكره انا قلت لناس قرايبنا في مدينه نصر عليه وراحو فرع جنينه مول ودعو عليا من قلبهم عشان الاكل والمعامله معجبتهمش أبدا فعزمتهم في فرع أكتوبر قالولي ده كانه مطعم تاني خالص وفعلا أنا شايف ان سبكترا اكتوبر من احسن المطاعم اللي ممكن تديك وجبه محترمه بسعر كويس ومعامله محترمه وشيك.
عايز تشوف حاجه تانيه جرب فرايديز تلاقي نفس الاكل نوع وكميه بس سعر اعلى أو روبي تيوزداي هتدفع 50-100% زياده عن سبكترا والكميه أقل كمان وهتقوم جعان او تطلب وجبه تانيه عشان تشبع.
كنتاكي والمطاعم اللي في فئتها واخد قرار نهائي مدخلهاش وأخرها معايا دليفري بس عشان مش قادر انسى يوم ما كنت في الفرع اللي في الحصري والكاشير زعق في الناس وقال بالظبط "لو موقفتوش طابور محدش هياخد أكل" وكأننا جايين نشحت. حتى لو عايز الناس تقف بنظام منعا للمشاكل ميبقاش الاسلوب كده فيه حاجه زي "بعد اذن حضراتكو نقف بنظام عشان نقدر نخدمكو بشكل كويس" بس تقول لمين بقى. اللي بيغيظني ان نفس الناس دي هيه اللي شغاله بره وماشيه زي الساعه وبتتكلم كويس جدا بس هيه مشكله اداره.
طولت عليك وكل خروجه وانت طيب وجيبك مش طيب هههههههههههه
حبيب قلبي يا احمد باشا
لا جرب بقه فرع الشيخ زايد وهتدعيلي اكتررر ... وفعلاً ياباشا معاك حق وحتى لو الادارة وحدة. تصور طعم الاكل ذات نفسوا بيختلف من فرع لفرع. يعني مثلاً على سبيل المثال. عارف ساعتك ( حسني الكبابجي بتاع الاسكندرية ) تعاله. روح كول عند الفرع الي هو في شارع عبدالناصر في العصافرة تستطعم يا اخي الاكل تعاله كول حضرتك نفس المطعم. بس في الداون تاون تلاقيه خدمة زفت واكل كارف بطعم الفحم او طعم جاز .... حتى كنتاكي تصور رغم ان فرع الحصري معاملتهم زفت الا انهم الوحيدين في اكتوبر الي اكلهم طازة بطازة تعاله جرب تاكول في فرع هيبر هتلاقي الفراخ كلها زيت وشاربه زيت لغايت ماقالت يا بس ... فرع سيتي ستار اكتوبر تلاقي وجباتهم باردة وهكزا كل فرع في عيب بس بصراحة بقه بجد بجد في اكتوبر هنا احلى مطاعم احلى مطاعم هيا المطاعم السورية اكلهم نظيف جداً طعم رائع مظهر شيك ( عنيك تاكول قبل بوقك ). سعر في متناول الجميع
يعني مثلاً وجبة بروستيد ( فراخ كنتاكي ) من عند ابو عبيدة + رز + بيبسي + مخلل + سلطة تومية ب ٢٨ جنية فقط
وجبة طبق مشاووووي ( كباب وكفته ) على الطريقة السورية + سلطة وعيش مشروح ب ٣٥ جنية من مطعم باب الحارة .
تحففففففففففه
وجبه نص فراخ مسحب مثلا من مطعم سلطان الشام + رز + بطاطس + ثومي + خبز صاج ب٢٦ جنية
وكتيرررر كتيررررر في مطعم بقه فاتح قبال الحصري. حاطط شواية فراخ متبلة كده والفرخه عمالة تلف كده وتتشوي بشواي استاند
الفرخة كاملة + رز + بطاطس ومخلل وسلطة ثومية وسلطة خضرة ب ٤٥ جنية وحاجة ايه بقه كول وادعيلي .... ومعاملة محترمه جداً للمصريين ... بجد بجد الي عاوز ياكول اليومين دول ينزل اكتوبر ويجرب كل يوم مطعم شكل في اكتوبر ... عارف يا احمد باشا كنت خارج من الحصري فلقيت كوشك هناك واحد سوري مؤجروا بيبيع ( بوظااا ايس كريم ) ولقيتوا فارش كمان بيبيع عصير تمر هندي وعرق سوس وعناب. ... الكيس ب ٦ جنية فانا قلت خليني انفعهم حرااام ... واشتريت كيس تمر هندي وكيس عنااااب
وياااااااااااااااااه. يا جمالوا يا جمالو. على طعم العناب غير غير غير غير اي عناب شربناه قبل كده تحس كده فيمتو على عناب على كركدية على تمر هندي وطعم طعم. مذاقه سلسبيلا ههههه جربوا وادعيلي ... وتحياتي
طبعا الاداره بتفرق حتى لو الاتنين نفس المطعم. بيبقى فيه مدير هفأ مقضيها وسايب الناس تعمل أي حاجه على مزاجها وتخرب الدنا ومدير بتاع شغل بيحب كل حاجه تبقى 100% وميرضاش ب 99%. مثال برضه قدوره بتاع السمك اللي في المنتزه في اسكندريه احلى بكتير في الاكل والخدمه عن قدوره بتاع المهندسين.
طبعا جربت كنتاكي سيتي ستار اكتوبر مره واحده وزي ما قلت بس عشان هوه معليهوش رجل. تخش بقى فودافون اللي جنبه مزاج تحس ان الشركه كلها فاتحه عشانك العيال قاعده تلعب وتقعد تدردش وتستفسر براحتك من غير ما تحس ان الواد عايز يقلبك من على الكرسي ويجيب العميل اللي بعدك :d
فين بقى باب الحاره ده؟ وفين سلطان الشام؟ رد الجميل بقى وظبطني :d
أنا بحب وجبة المشاوي السوري واللبناني والعرايس (الحواوشي بس على خفيف) وبحب فطاير المسحب قوي ورحت مطعم سوري في الشارع اللي قصاد الحصري من ناحيه زمزم مول وبقوله عايز فطاير مسحب الواد مفهمش أنا عايز ايه قلتله انت شكلك مش سوري تلاقيك اتجوزت سوريه وخدت الجنسيه يقولي لا سوري قلتله طب ازاي متعرفش المسحب بس. بس جبت منهم شاورها طلعت حلوه قوي بس مش فاكر اسم المحل كان ايه.
فعلا السوريين مشهورين قوي في مجال الاكل وخصوصا الفطاير والمعجنات. معلمين درجه اولى وبعد الشاورما السوري بالعيش الصاج متاكلش شاورما من ايد حد تاني ولا مصري ولا هندي.
كفايه أكل بقى أحسن فيه تيران هايجه في بطني دلوقتي أول يوم أجوع في رمضان بسبب الكلام الكتير عن الاكل ده :d
Spectra Restaurant & Cafe | Egypt
السايت بتاعهم والمنيو بالصور ..حاجه اخر جمال :)
معليش يا جماعة توضيح علشان ربنا ميحاسبنيش
الواد السوري الي قدام الحصري في ٦ اكتوبر الي قلتلكم بيعمل فراخ جامدة
النهرده رحتلو قبل الفطار واشتريت منو وادي منظر الفراخ الجامدة
https://fbcdn-sphotos-a-a.akamaihd.n...25023665_n.jpg
المهم بعد ما اشتريت الفرخة واروح البيت اجي افتح الفرخة ملاقيش الخاتم ههههه. لا لا بجد الفراخ تتبيليتها جميلة جداً بس لتاني مره اجي افتح الفرخة الاقيها نايهة من جوا ومش مستوية. كنت عاوز ارجعلوا ابهدلو بس قلت يالله مره تاني بقه لذلك وجب التنويه محدش يشتري منوو شكل وتتبيلة على الفاضي !
اما مطعم باب الحارة بالضبط في نفس المنطقه مشهور جداً اسئل اي حد عليه هيدلك لانوا قديم في اكتوبر ومشهور جداً بالمشويات عندوا واسعاروا الي في متناول الايد والخدمة الممتازة والراقية زي ما قلتلكم طبق مشاوي لفرد واحد ب ٣٥ جنية
وطبق اسبيشل للاكيلة يعيني سيخين شيش طاوق على تلات اسياخ كفته سورية على. سيخين كباب سوري شقف على سلطة هلى عيش مشروح ( ميكس بين العيش التميس والعيش الصاج ) كل ده ب ٥٥ جنية فقط
يعني لو جربت تاكول في مطعم باب الحارة انسى بقى تاكول كباب وكفتة من مصر تاني لاتقلي ابو شقرة ولا الدهان ولا بلبلع ولا فرحات هتكتشف ان كول دووول شوية كفتاجية وعكاكيين عككك
@@@@@@@@@@@
اما الراجل بتاع العصير الي قلتلكم عليه
صورتلكم الكشكش بتاعوا اسمو ( ابو سمير )
https://fbcdn-sphotos-g-a.akamaihd.n...61828399_n.jpg
العصير الي بقلكم عليه بقه الي طعمو تحفههه عرفتلكم اسمو ايه
طلع بيسموه في سوريا ( جلالالاب ). اسمو كده عصير جلاب الكيس النهردة عاملة ٥ جنية بس ايه بقه. مذاقه سلسبيلا
https://sphotos-a.xx.fbcdn.net/hphot...18138175_n.jpg
@@@@@@@
وتحياتي
ايه يا عم ده انت جوعتنا بعد الفطار هههههه
انت طلعت استاذ ده انا بقالي في اكتوبر سنتين معرفش حاجه نت اللي انت بتقول عليه
بس هقولك جربت الشاروما من ابناء العراق اللي ورا قسم السابع
جميله ويا سلام لو خدتها في العيش بتاعهم بيسموه صمون
وكمان المطعم السوري اللي جنب جاد اللي غند الجامعه اكلوا جميل جدا مع ان العيال اللي شغالين مش قد كده بس اكله حلو اوي انا جربت الفته تحقه
يا عم شوقتنا
طيب ما تيجي نتقابل كلنا اعضاء نايل موتورز في 6 اكتوبر ونفطر يوم مع بعض
حبيب قلبي ياريت ... وانا على اتم الاستعداد اننا نتقابل مدام هتعزم ههههه
المطعم الي جمب جاد حلو وفتح بقوة. وكل حاجة بس جربت من عندو البروستيد طلع اي كلام. يعني الفراخ مش نيه بس كمان مكنيتش مستوية فيها مية من جوا. تحس انها كانت متجمدة وشلوها ورموها في الزيت قوام ... بصراحة كينج البروستيد. هو ابو عبيدة الدمشقي ده ملك البروستيد في اكتوبر وعلى فكرة اخوه اخوه اسمو انس فاتح في مدينة نصر جمب ميدان الساعه وسيتي ستار ( انس الدمشقي )
بس انا شايف ملحوظة مهمة السورين يا اخي اول ماجم اكتوبر كنت تاكول الاكل من وراهم. متعرفش تدوق اكل تاني غيروا نهائي ... فعلاً استذة الطبخ بس زي ما انتوا عارفين الاكل ده نافس وفن وابداااااع ... وبتنعكس الحالة النفسية على الشيف الي بيطبخ علشان كده تلاقي الشيف في المطاعم الراقية ميقلش مرتبوا عن ٣٠٠٠ جنية لغاية ٤٥٠٠ جنية وفي مطاعم الفاست فود زي مكدونلاز والشباروي والتابعي وكده ١٥٠٠ في الحدود دي القصد اني اقول بياخدوا مرتبات عاليه علشان الحالة النفسية تنعكس على الاكل ويطلع اكل ممتاز
السوريين ياعيني بقيت حاسس ان مستواهم قل جداً في الاكل .... وبقوا يعملوا الاكل من غير نفس زي زمان ... يمكن لان القضية بتاعتهم طولت. واطبعوا بطبع المصرين من عاشر القوم ٤٠ يوماً. فاتعلموا الاهمال مننا .
بس معذورين يعني واحد ايجار بيتوا يقطم الوسط ومصاريف تقطم الوسط وناس مستغليين ... وجواز سفرهم قرب يخلص ومفيش اقامات ومفيش تجديد ليهم وكل شوية واحد ناطط لهم وبيقلهم ملقيش عندكم عروسة وحاجة بقت اخر مسخرة بصراحة لذلك كل ده اثر على نفسيتهم فبالتالي اثر على مستوى الاكل وبدليل النهرده بفتح الفرخة لقيتها مش مستوية. لتاني مره على التوالي :)
جربت في أكتوبر شاورما دمشق القديمة في الحي الاول قرب مدرسة الحصري وعجبتني جداً.
وجاري تجربة الحاجات اللي قال عليها yaris :)
حبيبى ياريس باشا. :)
النهاردة كنت فى اكتوبر علشان اتفق مع بتاع المحارة اللى هايمحر البيت و قولت اشوف الراجل بتاع العصير اللى قولت عليه بس للاسف مش لاقيته :( . مش عارف انا روحت بدرى ولا ايه انا كنت هناك الساعة 2 الظهر...
ان شاء الله اروحله المرة الجاية بس ياريت تعرفلى هو بيكون من الساعة كام؟
هههههههه حبيبي ياجوست ميدو
ماهو الناس متعرفش انك جي من ميدان لبنان لغايت ٦ اكتوبر يعني على سفر ... ياباشا العصير بيبقى بعد العصر مباشرةً انشالله يكون جاهز مش على الظهر ... المره الجيه ابقى قولي وانا ابقى اسقعلك قزازة. تاخودها معاك وانتا مسافر على ميدان لبنان ههههههههه حبيبي ياجوست رمضان كريم :)
هههههههه حبيب قلبى والله انا مبسوط انى قربت انقل اكتوبر علشان عارف انى هايكون جنبى ناس من المنتدى زى العسل زيك وكمان الاكل فى اكتوبر لسه ماوصلش لمرحلة الهرجلة اللى فى البلد.
بقولك الصورة اللى انت حاططها للكشك انا لقيت واحد واقف مكانها بيبيع حلويات سورى..
خدوا بالكم من مستوى النظافة هناك شكله ايه
ده المهم يا جماعة مش بس الطعم
اللهم انى صائم
هههههههههههههههههه