الموضوع: حل مشكلة السحب و استهلاك االبنزين فى الريو

على فكرة انا كنت عاوز حد بيعمل شغل كويسيعنى كربون فامية زنون فرش جلد انا من شبرا ف ياريت حد قريب وسعرة كويس

طيب وهو مش المفروض حضرتك تقلنا اتحلت ازاي....وحضرتك عامل كام كيلو بالعربية والعربية سيدان ولا هاتش باك وخليجي ولا وكيل .... ولا ايه بقه لزمت الموضوع .... حضرتك كده بتحنس الناس يعني ولا ايه ........ الموضوع كده ملوش اي تلاتين لزمه

اسف يا جماعه الموضوع كلة ان انا امبارح عملت صيانة العشرين الف العربية سيدان 2013 انا غيرت فلتر هواء و زيت وتكيف و بوجيهات وانا اقدر اقول ان الحل فى البوجيهات لان الباقى وانتم ادرا منى مش هيقلل استهلاك و يظبط السحب وكدة
اسف ما كنتش بحنسكم ولا حاجة بس اتا لسة واصل من شرم الشيخ من كام ساعة ونمت واتا قاعد .

المشاركة الأصلية كتبت بواسطة hanykap

اسف يا جماعه الموضوع كلة ان انا امبارح عملت صيانة العشرين الف العربية سيدان 2013 انا غيرت فلتر هواء و زيت وتكيف و بوجيهات وانا اقدر اقول ان الحل فى البوجيهات لان الباقى وانتم ادرا منى مش هيقلل استهلاك و يظبط السحب وكدة
اسف ما كنتش بحنسكم ولا حاجة بس اتا لسة واصل من شرم الشيخ من كام ساعة ونمت واتا قاعد .

ايوة كده يعم ....... كده انت وضحتلنا الصورة تماما .....الف مبروك على الصيانة وعقبال صيانة ال 200000.... وحمدالله على السلامة ..... وفعلا رائي معظم الناس هنا ان العيب في البوجيهات ...... بس هستئذن حضرتك بقه تكملنا المعلومة وتقلنا عملت الصيانة فين و غيرت البوجيهات بكام ونوعها ايه وعربيتك وكيل ولا خليجي

العربية خليجى سيبك من عملت الصيانة فين انا عملتها فى توكيل كيا فى شرم ودة اسوا توكيل ممكن تقابلة فى مصر ممكن تقول ورشة و البوجيهات ب 176 جنية و النتيجة مهما اكى مش هتصدقوا انا كنت بعمل 350 كم من غير تكيف و النهاردة عامل 500 بالتكيف بس مش طول الوقت يعنى على فترات كنت بفتح الشباك شوية يعنى 400 بتكيف و 100 من غير وتخيلوا الفرق.

موضوع السحب وموضوع سخونه التابلوه ده في الخليجي بس - محدش اشتكى من مشاكل السحب والتابلوه الا الخليجي

عندنا في التوكيل مشكلة البنزين وده اتحلت بسوفت وير من التوكيل انما العربية سحبها ممتاز جداً معايا ومع معظم الاخوه هنا الا الخليجي بس هو اللي بيشتكي من كده