الموضوع: ليه ماينفعش اشتري العربية الأنا عايزهة من التوكيل ؟؟

أنا دلوقتي كدا داخل في سنة في عملية بحث عن عربية اشتريها، ونظراً لإن حصلتلي ظروف في النص فالموضوع اتعطل فترة، بس الحمدلله جت سليمة ودلوقتي الميزانية بتعتي أحسن وبقيت بدور وأنا مش مزنوق.

بس للأسف العربيات عندنا في مصر ماشية بأسلوب "الحلو مايكملش". أنا لي متطلبات معينة في العربية الهجبها، وديماً عمر ما في عربية وفة شروطي. يعني مثلاً عايذ عربية تكون ممتعة في سوقتها، شفت وأنا مسافر برة كام حاجة فل عربيات الصغيرة عجبوني كانو الفيستا والمازدا 2 والسويفت. جيت هنا لقيت الفيستة أوتوماتيك (أنا عايذ منوال) و سعرها مبالغ بشدة ، المازدا 2 مش موجودة والسويفت نازلة فئة واحدة هندي ومش هاتشباك، انما بديل ليها معمول عشان ينزل الهند لرخص سعره . البونتو الجديدة عجبتني رحت المعرض هنا لقيت أول فئة بس الموجودة منوال وبصراحة فئة ناقصة كذا حاجة مهمة، والتبلوه بتعهة قديم و وحش وكمان الموتور بتاعها هو أقل موتور فيات منزلاه والتوكيل مش جايب الموتور الجديد ال-multi-air ولو كان ده موجود كنت جبتو وأنا مغمض.

حاولت مع فورد أسألهم لو مكن يجبلي فيستا من برة منوال (وهدفع تمنها كاش كمان لو عيزين ) قالولي لازم نجيب كمية ماينفعش نجيب وحدة بس من النوع ده، بس أنا مش شايف إنه مشكلة لأن أكيد فورد اوروبا موجودة عندها بس هيزود وحدة لي في نفس ال-container بتاع الأوتوماتيك. بس طبعاً أنا مش خبير في إستيراد العربيات فممكن يكون لهم اسبابهم. بس بصراحة كانو قمة فل إحترام مع العلم إن الكلام ده كلو كان علنت من غير ما أشوفهم وجها لوجه وكان ردهم سريع ديماً

سوزوكي قلتلهم مكن اطلب ال-swift-sport ( و بردو هدفع تمنها قبل ما يطلبهلي لو عايذين) قالولي لأ وكان توكيل أكتر من السوء فل معاملة ومقليش حتى ليه لأ ده كمان سبني ومشي وأنا في وست كلامي!

مارحتش بصراحة المازدا بعد ما عرفت انها مش موجودة أصلاً وحتى المازدا 3 مش بينزل منها منوال وكمان أسمع إن غبور مش توكيل كويس من كذا واحد صاحبي.


وبالتالي محتاج أسأل السؤال، احنا سوق في مصر بيشتري عربيات كتير، ليه ماينفعش اشتري العربية الأنا عايزهة وموجودة بلفعل برة مصر و- كمان ليها توكيل في مصر من توكيلها !!! أنا مش عايذ حاجة تفصيل، بس علأقل التوكيل يجبلي العربية التابعه له وبتنزل بره!

أنا مش فارق معايا موضوع قطع الغيار وإعادة البيع أنا بس عايذ أجيب حاجة أنا عايزهة واتبسط بيها فترة ما أنا ركبها، هل ده كتير أطلبه؟