ربنا يباركلك فيها ويكفيك شرها
لاكن انته لو عزتلها اي حاجه هتلاقيها في الحرفيين عند واحد اسمه الملك ;)
عرض للطباعة
اولا: اشكرك يا اخي على الافادة... انشاء الله ابقى انزل اشوف موضوع الكساحات والعتب ده!
ثانيا: مقاس الجنط 205/60 R16 وشكله فعلا جااامد وضخم كمان... واعتقد المقاس ده مع كاوتش الدانلوب (رغم انه مزعج جدا وانا مش حابه خالص) ممكن يكونوا من اسباب ثبات العربية الرائع...
ثالثا: انا اضطريت اشتري من القصراوي عندنا في طنطا... كنت بدور على تصفيات 2012 ومكنتش لاقي ولا عربية في اي حتة في مصر (شهر فبراير) غير عربية واحدة الفئة قبل الاخيرة عند القصراوي... المهم لما حجزتها قالولي ان اول دفعة من 2013 نازلة خلاص... فتوكلت على الله وجبت الهايلاين فيراني...
المهم... بصراحة لما صديقي اشترى بومة 2013 من شهرين من اباظة الغردقة... حسيت بالفرق في التعامل والشياكة والمواعيد وكل حاجة لصالح اباظة... بقراحة القصراوي ده على قده خالص وتحس انهم موظفين حكومة... ده غير انهم جابولي العربية سواقة من ابو رواش لطنطا ولما رحت استلمها لقيتها متربة كدة ومهانش عليهم ينظفوها... ده غير الجرأة في طلب بقشيش لمندوب المبيعات والسواق... ومفيش حتى طقم دواسات...
يعني... خليك في اباظة وابعد عن القصراوي والمصرية (لي تجربة سيئة مع فرع الغردقة برضه)...
بالنسبة للاسعار... ما اتعقدش في حاجة هتنزل خصوصا مع شبه ثبات سعر الصرف.... ده غير اني شايف ان سعر الشارك اقل من امكانياتها بصراحة خصوصا مع الاسعار المتخلفة بتاعت بقية الشركات... يعني تدفع 168000 في شارك ولا تدفع 196000 في سيراتو؟؟؟؟؟
رابعا: انا اشتريت عربيتي ب167000 ومواصفاتها كالاتي:
جنوط اسبور... فوانيس شبورة... فتحة سقف... اسبويلر... سمارت كي... بصمة.... ابانوس في التابلوه والابواب الامامية (مع تبطين الابواب الامامية بالجلد)... شاشة راديو سي دي باللمس... عدد 6 سماعات مع صب ووفر Rockford Fosgate في الشنطة... اوكر نيكل من الداخل... مالتي فنكشن... تكييف اوتوماتيك (مع حلى نيكل حول فتحات التكييف)... فرش بيج.... طي الكنبة الخلفية بالكامل (مش تلت وتلتين).... فرامل ABS EBD BAS.... زجاج خلفي حراري.... بصمة للشنطة مع امكانية فتحها بالريموت.... كمبيوتر رحلات متطور... وطبعا 02 Airbags.... يعني اعتقد دي كل حاجة...!!
اه... نسيت اقولك ان برضه في فتحة usb وطبعا الدركسيون والهاند بريك والفتيس مبطنين بالجلد!
دى أرقام فريق مبيعات دايموند موتورز تقدر تشتري ديركت من التوكيل
Hussain Mostafa: 01223459672
Mahmoud Fahmy: 01223899906