لمبة الشنطة للجين ٢

**mohamed2015** · 24-07-2013 12:32 AM

يا جماعة العطل دة حصل مع حد قبل كدة كل لما اركن العربية يومين البطارية تنام و بعدين روحت لعصام و صفا و حد ان لمبة الشنطة متفصلش شالولي اللمبة و بعدين في الصانة نشوف المشكلة و قالولي انها مشكلة عامة

**besso** · 24-07-2013 01:42 AM

هاتلاقى المشكله بس فى المفتاح اللى بيقفل النور لما تقفل الشنطه تلاقيه باظ او اتكسر ولا حاجه

**lordgemi** · 25-07-2013 11:47 AM

السلام عليكم و رحمة الله و بركاته

دي اول مرة اشارك في المنتدى الجميل دا و فعلا الناس هنا متعاونة جدا و ربنا يجازيهم خير

و الحمد لله بفضل نصايحهم و خبرتهم ربنا وفقني و اشتريت جين 2013 اوتوماتيك اول السنة دي

و بعد ما اشتريت العربية باسبوعين بدا يحصل نفس الموقف بتاع حضرتك دا

كل ما اركن العربية يومين او 3 ايام انزل الاقي جهاز الانذار مش شغال و العربية مش بتدور

المهم اول مرة قلت يمكن جهاز الانذار علق و قمت اديتها وصلة و انطلقت و لما وصلنا اخر الاسبوع ركنت يومين و حصل نفس الموقف المهم اديتها وصلة و رحت التوكيل فرع العجوزة خلف مسرح البالون و قلتلهم المشكلة.

المهم لقيت الرجل مباشرة كدا راح منزل الكنبة الخلفية و بص قى لمبة الشنطة شغالة مع انها مغلقة و دخلوها الصيانة و هي المشكلة في القفل بتاع الشنطة و زبطوها في ربع ساعة و انطلقت

لا تقلق يا فندم هيظبطوهالك في الصيانة

و الف مبروك و ربنا يباركلك فيها

كل عام و انتم بخير