شقي عمري :(

**hassanin_lada** · 24-07-2013 01:07 AM

السلام عليكم جميعا

يمكن اسم الموضوع غريب شوية بالنسبه للي هقوله

اعرفكم بنفسي الاول

اسمي احمد حسنين مشواري في التعليم عادي جدا مافيش غير في الثانوية العامة اختها علي 4 سنين بدل 3 والحمدلله ربنا كرمني ودخلت كلية تجارة انجلش

المهم انا حاليا في اخر سنه بس للاسف الحلو مايكملش

الترم الاولاني تقديرات بسم الله ماشاء الله والترم التاني نفس الكلام بس الترم الاول في ماده شايلها ض ج (ضعيف جدا )

وصمت عار خصوصا انها اخر سنه طبعا كده يادور نوفمبر ياعيد السنه علي ماده واحده واكع 3500 حنيه
طبعا الجنيه يفرق معايا

ناس كتير قالتلي طالما تقديرك العام جيد او اعلي من الجيد يبقي مافيش مشاكل ادخل دور نوفمبر وكده كده لو بتقدم في شركة هو بيبقي فاهم انه ماكتوب في الشهادة دور نوفمبر بسبب ماده واحد وطالما تقديرك كويس هو بيقدر ده وبيقبل يعمل معاك مقابلة عادي جدا وبيقارن بين اللي مقدمين علي شغل ده غير اني انا دفعة تانيه في الجيش يعني هستني لشهر 7 اللي جاي ومتعلق وطبعا هما مسمينها دفع العبيد يعني لو لبست هحضر 2 رمضان في الجيش

والرئ التاني هو اني اعيد السنه علي الماده دي عشان مايبقاش في مشاكل في الشهادة لانهم بيقولو انها هتبقي بصمة في حياتك كلها وصعب تلاقي شغل بيها وبكده هقدم جيش في شهر 11

يعني كده تقربيا في سنه ضايعه في الحل الاولاني وسنه ونص في الحل التاني وانا طبعا هيفرق معايا اوي اليوم الواحد فانا مش عارف اعمل ايه

ياريت ياجماعه تفيدوني لحسن انا احترت وتعبت وياريت يكون الرد عن تجربه

اسف علي الاطالة والسلام ختام

**eslamrace** · 24-07-2013 01:37 AM

بص رايي الشخصى الشغل فى مصر رزق وحظ وواسطه فانت مش حتضمن اي حاجه حتى لو جايب تقدير امتياز فمش معنى دور نوفمبر انك مش حتشتغل او انك دور اول انك حتشتغل ولا ليها اى علاقه
بس عمرك و الوقت اللى حيضيع هو اللى انت ممكن تستفاد بيه وخصوصا انك السنه اللى حتعيدها حتبقى مش بتعمل اى حاجه سوى انك مقضيها فحتعتبر سنه ضايعه من عمرك .
رايي انك تدخل دور نوفمبر وتجتهد فيه ولما تخلص جيشك ال3500 جنيه تاخد بيهم كورس فى اى مجال انت بتحبه وحيساعدك تلاقى شغل او توفرهم علشان لو حبيت تعمل مشروع او تشتغل شغل خاص .
وده راي الشخصى واللى يحتمل يكون غلظ والقرار حيكون ليك وانتظر اراء باقى الاعضاء .
بالتوفيق.

**mr_vampire** · 24-07-2013 01:41 AM

ولا حد بياخد باله من دور ايه ولا اخدتهم في كام سنة.

كلها بتساهيل ربنا.

**mohammadrashee** · 24-07-2013 01:44 AM

دور نزفمبر مبفرقش حاجه في الشغل لأنك بتكتب في السي في بتاعتك التقدير مش دور نوفمبر ولما تتقبل بتقدم ورقك ومفيش اتش ار في شركه يقدر يعترض طالما ناجح في الاختبارات

**hassanin_lada** · 24-07-2013 01:51 AM

انا الكلام ده كله بالفعل مقتنع بيه جدا بس الناس بتخوفني و دي حاجه هتفضل معايا العمر كله

**hassanin_lada** · 24-07-2013 01:52 AM

فخايف اخد قرار اندم عليه

**amrelsaqqa** · 24-07-2013 01:57 AM

دور نوفمبر هيفضل معاك العمر كله ، وبرضه لو دبلرت سنة هتفضل معاك العمر كله
انت بتعمل انترفيو بناء على السي في بتاعك والتقدير اللى انت كاتبه ، واثناء الانترفيو اولا واخيرا اللى بيفرق هو مهاراتك ، وبعد ما تتقبل ، يقولك هات ورقك ، فمش هيبقى انت خلاص اولريدى اشتغلت ويقولك لا معلش اصلك طلعت دور نوفمبر !

فكك دى حوارات فكسانة كلها ، الواحد نسى شكل الشهادة اصلا ونسى ايام الكلية دى خالص ، بكرة لما ربنا يكرمك بشغل هتفتكر كلامى ده ان شاء الله

**mr_vampire** · 24-07-2013 01:58 AM

ولا عمر كله ولا حاجة . هتتخرج ان شاء الله هتتشغل فالحياة العملية ومحدش هيبقي فايق يسال او انتا نفسك تفتكر انتا كنت دور ايه .

توكل علي الله ومتضيعش سنة من عمرك في تفكير ( اسف ) فاضي.

**hassanin_lada** · 24-07-2013 02:01 AM

هو كده كده هستني لان جيشي التقديم في شهر 4 والعزل في 6 فكده كده قاعد سنه من دلوقت

**mohamed handy** · 24-07-2013 02:14 AM

بص ياباشا انا زيك وكنت بردو مقللك بس من الاخر ولا بيقرق انت تخلص وتعمل زى تدرس cma هتفرق معاك الارض من السما بكتير اوى وساعتها هيبقى معاك زماله المعهد الامريكى ولا حد هيبص على التقدير اصلا لانك اتصنفت وبقيت معتمد عالميا وبالنسبه للجيش انتا ونصيبك ممكن متدخلش اصلا ورمضان فى الجيش مش زى ماانتا متخيل
استخير ربنا بردو ولو فى اى اساله بخصوص cma ودراستها انا فى الخدمه والسنه الى هتضيعها فى الكليه بالفلوس دى تاخد اول بارت فى cma
وبالتوفيق

الموضوع: شقي عمري :(

LinkBack

أدوات الموضوع

عرض

شقي عمري :( - انشر الموضوع فى :

-

-

-

-

-

-

المواضيع المتشابهه

شقى عمري راح .. أدعولي العربيه ترجع

مشروع عمري

إمبارح كان عمري سنتين

صدمة عمري

اسمي .. عمري .. طريقي

الكلمات الدلالية لهذا الموضوع

المفضلات

المفضلات

ضوابط المشاركة