ايه احسن عربية ب 60 الف

**Mr_SelvesteR** · 24-07-2013 01:12 AM

ايه هي احسن عربية ب 60000
ومتكونش كوري نهائي
وتكون موديل من 2004 فيما فوق ويا ريت كل ما يبقي اقرب يبقي احسن
ومش فارق معاية راشة جمبيين
ارجو الرد للاهمية القصوي

**hamaka** · 24-07-2013 01:54 AM

ميجان 2005 أو 2006 ، سيتروين سى 4 2005 أو 2006 ، أوبل كورسا سيدان 2005 و 2006 (دى فى الخمسينات) و أوبل أسترا سيدان 2004-2006 (دى ستينات) ، هوندا سيتى 2005 و 2006 ، لانسر بومة بس هتبقى 1300 cc ، صنى 2004-2006

**Mr_SelvesteR** · 24-07-2013 02:01 AM

انا لسة شايف علي كونتاكت كار اوبل استرا هاتش باج 2009 في الستينات وعجباني اوي

**amrelsaqqa** · 24-07-2013 02:04 AM

المشاركة الأصلية كتبت بواسطة mr_selvester

انا لسة شايف علي كونتاكت كار اوبل استرا هاتش باج 2009 في الستينات وعجباني اوي

ستينات ما تجيبش 2009 خالص
ده واحد بيتسلى او عربية فيها حاجة او مسروقة

**amrelsaqqa** · 24-07-2013 02:06 AM

بس على فكرة ومش عايز احبطك مش معنى انك هتبعد عن الكوري ان رينج الـ 60 هيجيبلك حاجة نضيفة اوروبى

في رأيي احسن حاجة تجيبها في الرينج ده اوكتافيا a4 99 مثلا بس شرط الحالة طبعا ودى صعبة

**Mr_SelvesteR** · 24-07-2013 02:18 AM

http://www........cars.com/usedcars_...?CarID=1311165

http://www........cars.com/usedcars_...?CarID=1310766

http://www........cars.com/usedcars_...?CarID=1311213

http://www........cars.com/usedcars_...CarYearTo=2009

دا لينكات لعربيات كتير سعرهم كلهم في الستينات
والصراحة العربية شداني اوي
شكلها عاجبني اوي بس معرفش عنها اي معلومات

الاوكتافيا موديل واقع اوي اوي

**mhopa2440** · 24-07-2013 02:21 AM

على فكرة ف عربيات كتير على موقع كونتاكت اوبل استرا 2007 2008 كلهم ف الخمسينات واخر الاربعينات

وطبعا لازم تفكر ف الاوكتافيا مع الاسترا

**amrelsaqqa** · 24-07-2013 02:28 AM

طيب ليه العربيات دى كلها على الموقع من فترة اقل من 12 ساعة كلها ؟

جرب تتصل بالارقام كدة وكمل للاخر ، غالبا هتلاقى نمر وهمية وموبايلات مقفولة
دى حركة بيعملوها عشان يوقعوا سعر عربية
لما 2009 بـ 62
الشكل اللى قبله يبقى بكام بقى ؟
لو كدة يبقى الكورسا مثلا تبقى بـ 35 بقى مش 50 ، كفرق بين العربيتين

**Mr_SelvesteR** · 24-07-2013 02:37 AM

طب بعيدا عن سعرها ممكن اعرف مميزاتها وعيوبها ولو عجبتني للاخر ولقيت سعرها علي قدي اشتريها ... الاوكتافيا هبقي موديلها تحت اوي علي اد فلوسي حاليا يبقي الاسترا ممكن اختيار مثالي لو تقولولي مميزات وعيوب الشكل دا والشكل الي اقدم منو

**amrelsaqqa** · 24-07-2013 02:48 AM

بص انا مكنش عندى اوبل قبل كدة بس مريت بالمرحلة اللى انت فيها دى
درست كل عربية على حدة بمعنى اصح ، وفكرت في كل واحدة انى اشتريها

الكورسا : تاكل دسك واسطوانة بسرعة جدا ! ، وسعرهم غالى + ممكن تكسر عمود كامة ، قطع غيار غالية نسبيا على سعرها في السوق وفئتها السعرية ، المميزات سعرها حلو وركوبة محترمة مقارنة مثلا بالفيرنا واللانوس اللى بنفس السعر واغلى دلوقتى ..

الاسترا القديمة ، البرازيلى ، مالهاش قطع غيار استيراد ودى مشكلة في حد ذاتها ، بتجيب كنترول موتور ، وده تمنه غالى جدا

الاوبل عامة توكيلات سيئة ما بتفهمش في العربية اصلا ( التوكيل نفسه مش فاهم العربية ) وطبعا صنايعية فتايين بيعكوا الدنيا ، وده لان ميكانيكتها مش سهلة وقطع الغيار غالية فالناس بتلجأ للصنايعية مضطرين وهنا الصنايعية بيعيشوا حياتهم في العربية وبيخترعوا فيها ، وده بيدمر العربية بمعنى الكلمة خصوصا في الحاجات الحساسة زي الكهربا ودورة التبريد

طبعا نتيجة لكدة اعادة البيع صعبة جدا ، وبتخسر جدا زي ما انت شايف ، ومش بتلاقى اللى يشتريها برضه ، كله بيخاف منها ، وده اللى منزل سعرها جامد

من الاخر لو العربية دى مفيهاش الهوا ، ايه اللى يخلى عربية كانت من 3 سنين زيرو بـ 150 الف على الاقل تتباع بـ 63 الف النهاردة ومش لاقية اللى يشتريها ؟

انا قلتلك الاوكتافيا عشان دى اللى في حدود امكانياتك ، والا ما كلنا نفسنا نركب عربيات موديلات حديثة ، بس العربية مش موديل بس ومش حالة بس كمان ، لازم تبقى مطمن ان العربية مش هتيجى في يوم تلاقيها محتاجة حاجة مش لاقيها الا عند 2 او 3 وكل واحد بيبيع ويشتري فيك بأرقام خيالية