عرض للطباعة
وبدءت اللعبة تسخن والنوايا تظهر.
السيسي : بيطلب من الشعب ينزل يوم الجمعة عشان يدوله تفويض او شرعية للتعامل مع الارهاب المحتمل.
طب وبالنسبة للموظف اللي بدرجة رئيس جمهورية الموجود في رئاسة الجمهورية ده اللي انتا اقسمت ادامه القسم . ملوش كلمة فالليلة ده ولا ايه ؟؟؟؟؟؟؟؟؟
يااما خايف يقوم بدوره فحماية الدولة عشان يتفادي اي مسائلة ممكن تحصله ادام ؟؟؟؟ زي مالشرطة كانت بتقول ؟؟؟؟؟
يااما ده بداية النهاية للحكم المدني ويبقي هو الجامد الوحيد اللي يقدر يمسك البلد فخلاص امسكها بقي وعسكر عسكر دول حتي حلوين وبيمسكو البلد كويس.
يلا بالشفا.
ده وضع طبيعي في ظل خيانة المخابرات ( اللي مسرحة البلطجية علينا ) و الداخلية و قيادة الجيش و اتباعهم في المحليات .... بس خلاص السيسي الخاين نهايته قربت خالص ...
هو الايقاف بيجي لما الواحد يقول رايه بس ولا لما يعمل اعجاب بمشاركات الارهابيين كمان ؟؟!؟!؟ اصل عمري ما اتعملي ايقاف قبل كدة
واحد ايقااااف هنا وصلحه
وضع بقاله مدة فالشارع المصري
هوجه 30 زفت
أنا بتكلم ف جزئيه معينه بس حبيت أوضح عشان ماحدش يفتكرني فلول..
مافيش حاجه هتتصلح .. حسني مبارك مافيش كلمه قالها إلا وطلعت صح .. ومافيش حاجه عملها إلا وكانت صح .. قال اخاف لو تركت السلطه أن يستولي عليها الإخوان ( حصل ) قال انا أو الفوضى ( حصل ) ولما كان امن الدوله لامم زباله المتأسلمين كان على حق .. وإن كان في ناس غلابه راحت ف الرجلين .. لكن كان على حق .. ولما مبارك كان حابس الإخوان كان على حق ولما ولما ولما .. حاجات كتير عملها كانت صح .. وإن كان له اخطااااااااء كتيييييييييييييير أبرزها السرقه والنهب .
الأصل بقى ف الموضوع .. هو المواطن .. المصري اللي واقف بيبيع ف محطة المترو ده لو رحت حضرتك كلمته بأدب ممكن يعورك .. ولو راح أمين شرطه كلمه بأدب ممكن برضه يعوره .. لكن لو راح نفس أمين الشرطه ده وهوووووب طرااااااخ على قفى أمه .. هيقوله خدامك ياباشا ..
دي بقى المشكله إن في عينات من الشعب والله العظيم ماينفعش معاها غيرالتعامل بالقفا .. وفي عينات كتييييييييير جداااااا محترمه قوي .. هنا بقى مشكلة رجل الشرطه .. إنه يعرف يعامل ده إزاي وده إزاي .. وماحدش يقولي حقوق إنسان والهزي ده الله يباركلكم .. العينات ( بتاعت القفا ) اللي بتكلم عليها دي بتكلم عليها من خلال عدة تجارب يمكن مرت على غالبيتكم .. وهو ده فعلا حلها الوحيد على قفاه وإديلوه .. وطبعا هيطلع واحد ويقولي طب ماهو مش لاقي شغل يعمل أيه يقف يبيع ف الشارع ولا يسرق أحسن ؟ أنا ماتكالمتش على النقطه دي أنا بتكلم على إنه مش هيستجيب لك لو حاولت تنصحه يعني مثلا :
خد واحد من البياعين دول وقوله شيل فرشتك من هنا عشان الطريق وهنوفرلك مكان تاني على جنب هنا تبيع فيه براحتك .. مش هيوافق وممكن يتخانق معاك .. لازم تيجي ترفس الفرشه بتاعته ف وشه وتقوله قوم ياض منها روح أقعد هناك .. هو بيتخاطب كده .. مالوش طريقه تانيه وأقسم بالله زي مابقولكم كده .
ربنا يصلح الحال .