المحاوله الثانيه فيات 128 top speed

**salah_biso** · 24-07-2013 06:11 AM

بسم الله ماشاء الله ده والا ايديك بتتهز والا العربيه بتتهز وبعدين ياباشا ده مصر كلها عارفه تسارع ال 128 ده لو انت بتلف المؤشر بايدك مش هايلف كده.

**2CODE** · 24-07-2013 06:24 AM

من الاخر كده انت معدل ايه في العربية ؟ متقنعنيش نهائي من هنا للسنة اللي جايه ان ده تسارع الـ128 ابداً انا بركبها كتير ولغاية دلوقتي بركبها مع واحد صاحبي ضحك السنين على سرعتها

فمن الاخر كده ايه اللي مغيره في العربية ؟ ومتقوليش مفيش معلش

**fouady** · 24-07-2013 06:37 AM

أنا مش عاوز اكدبك ... بس أنا لسة متفرج دلوقتي على عربية 200 حصان بتجمع ماجمعتش كده ! تفسر ده ب إيه إنت طيب

**mido_soliman** · 24-07-2013 08:05 AM

الموضوع مش موضوع تجيمع يا جماعة فى حاجة اهم بكتير
الكاميرا متحركتش والعربية متهزتش
ملهاش حل غير ان الكاميرا متثبته فى الكرسى او سقف العربية
وان الراجل كمان ماشى على حرير فى حرير :)

العربية مرفوعه ومفيش صوت للموتور كمان علشان ميبانش انها فى مكان مقفول

**Terrible_DaRsH** · 24-07-2013 10:01 PM

شفت مكن خرافى على 28 وسقطت مكن كمان

الفيديو ده غير حقيقى تماما

**ابو لؤى** · 24-07-2013 10:12 PM

ناهيا اقرب من كرداسه المؤشر بتاع السرعه ده رافع يعنى بايظ انا جبت بعربيتى 120 ولمه جيت اهدى بالفرامل حسيت انى هتقلب ده كلام مايدخلش عقل

**eslamsubaru** · 24-07-2013 10:52 PM

يعنى صاحب الموضوع تاعب نفسك و تصور و تعمل فيديو و ترفعه علشان تضحك على الناس!!!!!!!!!!!!!
تعامل بذكاء شوية انت بتكلم ناس مش عبيطة و ناس بتسوق عربيات .
كفاية استخفاف بعقول الناس .. العربية مرفوعة و عامل كأنك بتسوق تهدى شوية و تكمل تانى !!!! و العربية و لا بتتهز و لا كأنها الماي باخ بتاعت مرسيدس ..

مش عيب لو قلت الحقيقة للناس ان ده تسارع ال 128 و هى مرفوعة .. الصدق حلو على فكرة.

**ahmed salah90** · 24-07-2013 11:09 PM

عموما ربنا يكفيك شر طريقك بس انا معايا كيا ريو 2001 و مابتعديش 140 و بتجبهم بالعافيه و بعدين كل العربيات القديمه بتيجي عند 70 الى 100 و بترعش مشاكل في العجل و الكبالن لو جر امامي او عمود الكردال لو دفع خلفي و ده موش ظاهر على الفيديو

**طارق _عبد السلام** · 24-07-2013 11:10 PM

الموضوع ده فكرنى بنكته الواحد اللى كان معاه عربيه 26 وعطل على الطريق وجاله واحد صاحبه معاه بى ام
وقطره وراه وبعدين بتاع البى ام شاف واحد صاحبه معاه مرسيدس بصوا لبعض وقعدوا يشدوا مع بعض وبتاع ال 26 عمال يصرخ ويقلب نور لبتاع البى ام علشان يهدى عدوا على رادار الظابط بلغ فى الاسلكى للكمين قال للكمين هيعدى عليك بى ام ماشى سرعه 200 عديه ومعاه مرسيدس ماشيه 200 عديها وهاتلى بتاع ال 26 اللى عمال يقلب لهم نور علشان يعدى ده

**monamize4** · 25-07-2013 01:01 AM

المشاركة الأصلية كتبت بواسطة طارق _عبد السلام

الموضوع ده فكرنى بنكته الواحد اللى كان معاه عربيه 26 وعطل على الطريق وجاله واحد صاحبه معاه بى ام
وقطره وراه وبعدين بتاع البى ام شاف واحد صاحبه معاه مرسيدس بصوا لبعض وقعدوا يشدوا مع بعض وبتاع ال 26 عمال يصرخ ويقلب نور لبتاع البى ام علشان يهدى عدوا على رادار الظابط بلغ فى الاسلكى للكمين قال للكمين هيعدى عليك بى ام ماشى سرعه 200 عديه ومعاه مرسيدس ماشيه 200 عديها وهاتلى بتاع ال 26 اللى عمال يقلب لهم نور علشان يعدى ده

بعيد عن الموضوع
النكته جاااااااااااااااااااااااا مدة