الموضوع: واحد خبطلي عربيتي ... والظابط صاحبو كان عاوز يلبسني جناية وجنحة كمان هههههههه

المشاركة الأصلية كتبت بواسطة trise2

بص حضرتك الناس دي بتنزل من بيتها مش عارفه هترجع لبيتها وعيالها ولا لا ...وسيادتك عامل فرح وهلله وموضوع طايح يمين وشمال علي فانوس عربيه
مش قادر علي مصاريفها متركبهاش ...ومخربتش الدنيا علي فانوس بتاع سيادتك

لا هو ساعتك هو مش فرح ولا هوليلة
بس انا حاسس بالظلم ... وحاسس ان حقي راح هدر وفيلم اتعمل عليا ... فحاسس اني هنفجررر ... عارف احساس لمن تكون مظلوم. ... فاقل حاجة. بفضفض ... لكن انا بمنتهى البساطة هروح اجدد. رخصتي انشاء الله كمان يومين واروح اعمل محضر في اي قسم واكدب بجددد وبحق وحقيقي. واقول ان العربية اتخبطت وهيا واقفه من ورى .

بس برضو الموضوع مش موضوع فانوس .... وانا زي ما قلت لحضارتكم كده لو الواد نزل بكل ادب وقلي انا اسف مخدتش بالي سامحني ورمضان كريم هقولوا الله اكرم. اتكل على الله وابقى خلي بالك بعد كده. بس انو يخبطني ويقلي انتا الي وقفت قدامي.وانتا الي ماشي قدامي وانتا مش عارف ايه ... وعلى فكرة البت الي معاه قالتلي نفس الكلمة قالت لي مش قادر على مصاريفها متركبهاش ... بس مين قالكم اني مش قادر علا مصاريفها .... هو الموضوع مش موضوع فانوس الموضوع قهررررر من قلت ادبوو وكان الموضوع فتونه انا مش غلطان ان مش عارف ايه ... تصور واحد يخبطك ويقلك معليش انا ورايا ميعاد وفي ناس مستنيني وعاوزين نجيب دهان جوتن واي كلام هبل في الجبل وشوية شوية هيقولي مش فاضيلك ... فزي ما فهمت حضرتك القضية معاه قضية قلت اددب واسلوب زفت عاملني بيه بدل ما يعتذر .

الموضوع الاساسي بقه .... هو ازاي اكون صاحب حق ويطرمخ على حقي ويطبخ ويستوي حقي بالشكل ده في بلد القانون ! يعني. المجني عليه يبقى جاااني ويتحجز على عربيتو ويتسجن ...!

وعلى فكرة انا ياسيدي مبعرفش اسوق ولا صديقي الي سايق بيعرف يسوق كمان الناس الي في الشارع الي لا يعرفوني ولا اعرفهم. وكانوا حاضرين وغلطوه كمان مبيعرفوش يسوقوا ... ده حتى البت الي معاه بتقولي الناس دي انتا جايبهم يشهدو معاك ... طب قولي دي اقولها ايه

اما من حيث ان الناس دي ( الشرطة) بتضحي باروحهم علشان يحمونا ... طيب هيا فين الحمايه هنا ساعدتك في الموقف ده وانا اتاكل حقي ... وهل دي منه منهم طيب شوف حضرتك كام كهربائي ضحى بحياتوا علشان حضرتك تنور اوضتك وتشغل لاب توبك ... شوف حضرتك كام سباك غرق في بلاعه ولا اتكسر ظهروا وجاتلوا اعاقة علشان توصلك مية الشرب ويفضي الصرف الصحي من عندك .... شوف حضرتك كام مدرس ضحى بحياتوا في غبار الطباشير. والسكر والضغط والمرارة الي اتفقعت وهو بيعلم جيييل بحالوا ... شوف عيالنا واولادنا واخوتنا لمن اتجندوا وراحوا وقفوا على الحدود بيضحوا بحياتهم بره علشان الضباط يحرسنا جوا ... حتى عامل الزبالة. ابو مريلة خضرة بيوقف بيضحي بحياتوا في الشواااااارع العمومية. بيكنس الشارع في عز مالعربيات طايرة. باقصى سرعة في الشوارع الهاي واي .... مشفناش عمرنا عامل زبالة وقف وقال انا بضحي بحياتي علشان انتوا تعيشو في نظافه. ولا شفناش كهربائي قال انا بضحي بحياتي وانا بتشعبط على عمدان النور علشان. انورلكم حياتكم ... كل واحد فيكي يا مصر بيضحي بحياتوا علشانك يامصر

وعمرنا ماشفنا ضابط شرطة في العاااالم كلو في اي دولة في العالم طالع بيعاير الشعب انو بيحميه
او محتاج حد من الشعب يطب طب عليه ويمسح دمعتو ... وبسئل نفسي سؤال هو انا علشان فانوس عربيتي اتكسر محتاج واسطة علشان اخود حقي ..وتحياتي