مكتأب جدااا بسبب خبر عرفته من نص ساعه بس

مش عاوز اتكلم فى السياسه لأنى قرفت منها
لكن عرفت ان زميل سابق و صديق شخصى حالى اعتقل من رابعه فى 30/6 (لاحظ التاريخ - حتى من قبل ما السيسي يقول الانذار بتاعه )

https://www.facebook.com/photo.php?f...type=1&theater
محمد على مش اخوان اساسا - هو صحيح من مؤيدى الشرعيه (زى حالاتى) و اللى عرفته ان اتلفقتله تهمه حيازة سلاح و الشروع فى القتل !!!! و تم حبسه 15 يوم على ذمة التحقيقات , هو دلوقتى اترحل على طره
الكلام ده لو كنت عرفته عن اى حد تانى كنت قولت ممكن يكون حقيقى لكن ده انا اعرفه و اضمنه برقبتى زى ما بيقولو

الاخبار دلوقتى بقيت زى الزفت فى كل حته و عاوز اى حاجه تفرحنى و مش لاقى

ربنا يفك كرب كل مظلوم و لا حول ولا قوة إلا بالله

ان شاء الله هيطلع هى بس مسئلة وقت انما ان شاء الله هيطلع خصوصا انه مش مسجل جنائيا بس الدنيا تهدى شوية

معلش ان شاء الله هيطلع وفعلا الدنيا دلوقتي كلها اعتقالات وتلفيق تهم وبهدلة ..... ربنا يستر على البلد ونعدي الازمة ده على خير يارب

اقتباس:

---

المشاركة الأصلية كتبت بواسطة aboomar22

ان شاء الله هيطلع هى بس مسئلة وقت انما ان شاء الله هيطلع خصوصا انه مش مسجل جنائيا بس الدنيا تهدى شوية

---

انا ماعرفشى فى القضاء و الكلام ده
لكن اللى عرفته ان كان فيه استئناف يوم 17/7
و امبارح واحد كاتب على الوول بتاعته
"في المواقف الجسام يظهر معدن الرجال وصلابتهم ،وانت يامحمد من اغلى واثمن المعادن يارب فرج همه ارجوا الدعاء لاخيكم اليوم بكره يوم مهم يارب يوقفلك قاضى عادل يراعى حرمة الشهر ويرعى الله فى حكمه ...يارب"
معنى كده ان الحكم حيطلع الناهرده و لا ايه ؟؟؟

حرام الأمس أصبح حلال اليوم
كان حرام تلفيق التهم على البلطجية وحرام أكتر القبض عليهم لتزيد الفوضى لإسقاط الإخوان
دلوقتي لو جت فرصة للقبض على أي واحد له جار أخواني أو طفل يشتبه أنه أخواني وماسك لعبة أصبح إخواني إرهابي
ياااه على الأخبار المتفبركة وإستمرار المؤامرة
وأصبح تلوين الحقائق وتلبيس الحق ثوب الباطل والباطل ثوب الحق ( فن وحرفة )
فالواحد مش عارف يقول أيه ؟ ربنا معاهم ولا منهم لله
اللهم أنصر الحق وأهله وأهزم الباطل وحزبه
ربنا يفك كربه إن شاء الله

حسبنا الله ونعم الوكيل

اقتباس:

---

المشاركة الأصلية كتبت بواسطة aboomar22

ان شاء الله هيطلع هى بس مسئلة وقت انما ان شاء الله هيطلع خصوصا انه مش مسجل جنائيا بس الدنيا تهدى شوية

---

منطق غريب
و هو الوقت بتاعه ده مالوش حساب ؟؟ و الظلم ده مالوش حساب خالص
و هو مال اهله بالدنيا لما تهدى و لا تولع ؟؟

حسبي الله و نعم الوكيل في الظلمه
خلاص ابشروا بوكسات الفجر رجعت خلاص و عل كل مواطن غلبان انه يصبر و يحتسب عل ما الدنيا تهدى
بيفكرني بسيد بلال الله يرحمه و يرحم شهداءنا ....
عل فكره انا مش بنتقد رايك لسبب شخصي انا بنتقد نفس يالاول لان كلنا فكرنا زيك لما قرينا الخبر

اقتباس:

---

المشاركة الأصلية كتبت بواسطة wawamoha

منطق غريب
و هو الوقت بتاعه ده مالوش حساب ؟؟ و الظلم ده مالوش حساب خالص
و هو مال اهله بالدنيا لما تهدى و لا تولع ؟؟

حسبي الله و نعم الوكيل في الظلمه
خلاص ابشروا بوكسات الفجر رجعت خلاص و عل كل مواطن غلبان انه يصبر و يحتسب عل ما الدنيا تهدى
بيفكرني بسيد بلال الله يرحمه و يرحم شهداءنا ....
عل فكره انا مش بنتقد رايك لسبب شخصي انا بنتقد نفس يالاول لان كلنا فكرنا زيك لما قرينا الخبر

---

هو الراجل يقصد يطمنى لأن مافيش فى ايديك حاجه
اوضاع البلد بقيت زفت زى زمان - و زوار الفجر رجعو تانى زى زمان
حنعمل ايه يعنى - ماهو فيه جزء كبير من الشعب مبسوط بالكلام ده
صاحبى ده مالهوش اى انتماء حزبى و لا سياسى اساسا
و اتاخد برضه
ولو حتتكلم عن الظلم و الوقت فخد بالك ان ده خلاص اتعمله ملف و ربنا يستر مايتحطش فى القائمه اللى بتتلم قبل اى اطرابات او احداث زى ماكان امن الدوله بيعمل زمان
و ربنا يستر و يكون لسه مكمل فى شغله و الشغل مايكنشى رفده
ربنا يستر عليه و على مستقبله
و اهلا اهلا بالدوله البوليسيه

ربنا يفك اسرة بس شكلنا كلنا هنحصله يا سجون يا مقابر

http://www.nilemotors.net/Nile/369943-a.html

«السيسي» يطالب المصريين بالنزول الجمعة لمنحه تفويضًا لمواجهة «الإرهاب المحتمل» | المصري اليوم

اخر الاخبار غمتنى اكتر
عرفت تفاصيل " القبض عليه " - طلع و لا كان فى رابعه و لا حاجه هو كان مع اصحابه فى المقطم و العربيه اتسرقت هناك
هو راح "زى اى مواطن طبيعي" هو و اصحابه يعملو محضر سرقه فى القسم - اتاخدو و لبسو قضيه سلاح و شروع فى القتل - الكلام ده كان يوم 30/6
و القضيه بتاعته فيها 25 واحد - و كان فيه استئناف امبارح و اترفض - و هما فى طره دلوقتى

نفس الكلام سمعته عن اللى اتحرقت عربياتهم فى النهضه فى القلق بتاع المبارح - برضه لما راحو يعملو محاضر اتحبسو و لبسو قضايا سلاح و شروع فى قتل
الظاهر ماعندهمشى غيرها

من الاخر كده ماحدش يدخل قسم الشرطه برجليه - او حتى يعدى قصاده
حاجه قلة ادب
الحجات دى بتفكرنى بالظبط بفيلم "احنا بتوع الاوتوبيس"

اقتباس:

---

المشاركة الأصلية كتبت بواسطة khaled_sabry

اخر الاخبار غمتنى اكتر
عرفت تفاصيل " القبض عليه " - طلع و لا كان فى رابعه و لا حاجه هو كان مع اصحابه فى المقطم و العربيه اتسرقت هناك
هو راح "زى اى مواطن طبيعي" هو و اصحابه يعملو محضر سرقه فى القسم - اتاخدو و لبسو قضيه سلاح و شروع فى القتل - الكلام ده كان يوم 30/6
و القضيه بتاعته فيها 25 واحد - و كان فيه استئناف امبارح و اترفض - و هما فى طره دلوقتى

نفس الكلام سمعته عن اللى اتحرقت عربياتهم فى النهضه فى القلق بتاع المبارح - برضه لما راحو يعملو محاضر اتحبسو و لبسو قضايا سلاح و شروع فى قتل
الظاهر ماعندهمشى غيرها

من الاخر كده ماحدش يدخل قسم الشرطه برجليه - او حتى يعدى قصاده
حاجه قلة ادب
الحجات دى بتفكرنى بالظبط بفيلم "احنا بتوع الاوتوبيس"

---

معلش الكلام إللى بتقولوا ده إنت متأكد منه ولا الموضوع فيه إن ؟

بجد مش عارف أقول غير حسبنا الله و نعم الوكيل

ربنا يخرجة منها على خير

بس ازاى يعنى مافية ناس بتتسرق عربياتها وبتروح تبلغ وبتطلع عادى جداااااااااا , من غير مايتلفقلهم حاجة

اكيد فية حاجة غلط , وبعدين ميدان النهضة مافيش فية عربيات اصلا , كلة شايل عربيتة من هناك , هو حد مجنون هيروح يركن هناك

اقتباس:

---

المشاركة الأصلية كتبت بواسطة mr_green

معلش الكلام إللى بتقولوا ده إنت متأكد منه ولا الموضوع فيه إن ؟

بجد مش عارف أقول غير حسبنا الله و نعم الوكيل

---

اقتباس:

---

المشاركة الأصلية كتبت بواسطة sameh_fouad

ربنا يخرجة منها على خير

بس ازاى يعنى مافية ناس بتتسرق عربياتها وبتروح تبلغ وبتطلع عادى جداااااااااا , من غير مايتلفقلهم حاجة

اكيد فية حاجة غلط , وبعدين ميدان النهضة مافيش فية عربيات اصلا , كلة شايل عربيتة من هناك , هو حد مجنون هيروح يركن هناك

---

بالنسبه لميدان النهضه فده خبر قريته على الفيس اول امبارح (قبل ما اعرف موضوع صاحبى اصلا) و شوفت فعلا صور عربيات محروقه - بس مقدرشى ااكد ان كان العربيات دى فى محيط ميدان النهضه و لا لاء

بالنسبه لموضوع صحبى فالكلام ده نقلا عن مراته و فيه اكتر من حاجه بتؤكد الكلام ده من اصدقائه اللى ممسوكين معاه برضه - غير انى اعرف صاحبى ده بشكل شخصى و عارف دماغه بتمشى ازاى
- و انا مابقولشى ان اى حد بيدخل قسم الشرطه مابيطلعشى - بس بقول ان احيانا بيحصل
و لما اسمع موقفين متشابهين فى نفس الفتره الزمنيه يبقى صعب انى اكدبهم هما الاتنين
لمجرد انى مش عاوز اخسر ثقتى فى الشرطه
و انا شبهت الموقف بفيلم "احنا بتوع الاوتوبيس" لأن تقريبا نفس القصه (مع اختلاف سبب دخول القسم) طيب هل فى احداث الفيلم كان اى حد بيدخل القسم بيتحبس ؟ لأ برضه بس ده مايمنعشى احتماليه حدوث الكلام ده

ربنا يفك كبره

البلطجية و الجيش و الداخلية و النيابة و القضاء و الاعلام ايد واحدة ضد الشعب المصري

الشعب المصري ايد واحدة ضد الشعب المصري

لاحول ولا قوة الابالله ...

حسبنا الله ونعم الوكيل.

نحن نعيش فى اسواء لحظات المشهد وربنا يسترها علينا ويفك كرب صاحبك...

مش عارف اقول ايه بس ياريت حد من اخوانا اللى داسوا على الديموقراطية برجليهم يقولنا احساسه هايكون ايه لو هو مكان صاحبك؟؟؟؟؟
وياترى احساس اسرته ايه؟؟؟

حسبنا الله ونعم الوكيل... كل فرد شارك فى عودة الدولة البوليسية انا خصيمه ليوم الدين حتى ولو كان شارك بتريقة على الحق...

مش مسامح كل منافق و مغيب وما اكثرهم.....