عرض للطباعة
يا جماعة ما رأيكم فى السيارة الجيلى ck 11 هل هى عربية معمرة ام لا وانا لا اقصد الصيانة والتوكيل ولكن اقصد هل هى عربية تصلح ام لا وهل السيارة الجيلى احسن ام الالتو 1100 cc افضل لانهم تقريبا نفس السعر والالتو أغلى كمان رغم صغر السيارة لكنها يابانى
من افضل
واشترى ايه
التو 1100
ام جيلى ck11
تم النقل للمقارنات بمعرفتى
مشرف الساحه
علي فكرة الآلتو هندي مش ياباني
وآعتقد انها احسن من الصيني
في راي لا دي ولا دي
ياما تزود شوية و تجيب سبارك او هيونادي i10 او بيكانتو
ياما اسبرانزاA113 علي الاقل توكيلها موجود و مبيعاتها عالية جدا .
اصبر و هات حاجه زيرو تستاهل
و لو مش قادر يبقي عليك و علي الالتو
اعتقد انها هاتكون افضل
و ربنا يوفقك للخير ان شاء الله
لو المقارنة بين الجيلي والالتو فدي صيني ودي هندي انا شايف الاسبرنزاA113 عاملة انتشار حلو ودة اكيد مش من فراغ
فخليك في الالتو او A113
يا جماعة الألتو هندى بس الموتور وأغلب المكونات الميكانيكية يابانى ..
يعنى زى التقفيل المصرى كده ..
المكونات الرئيسية من الشركة الأم والمكونات محلية من بلد المنشأ .......
انا في نفس الحيرة مش عارف الجيلي دي حلوة ولا لأ
بلاش جيلي خالص
لو عاوز صيني خلاص يبقي الاسبرانزا a113
انما ما تشتريش حاجه تانيه
الجيلي اللي نازل سنه 2006 اتفرج علي شكله انهارده كده؟؟
مافيش منه اصلا
توكل علي الله وهات a113 احسن ومضمونة عن باقس الصيني بجد علي الاقل قطع الغيار بقت موجوده بره التوكيل في اماكن كتيررررر دي سوقها هيكون احسن من الدايو
السلام عليكم يا شباب
يوجد عرض من وكيل جيلي في مصر شركة توب جير على السيارة جيلي MK ، الإعلان نزل يوم السبت الماضي جريدة الأخبار، وقد إتصلت بيهم. رقم الإتصال المختصر 19042
السيارة سعرها خلال العرض هو 59.900 ( تسعة وخمسون ألفاً وتسعمائة جنيهمصري )، قبل العرض هو 63.500 ( ثلاث وستون ألفاً، وخمسمائة جنيه مصري )
الـ MK المعروضة مانيوال ، وهذا هو المتاح حالياً منها، ولا يوجد أتوماتيك في الوقت الحالي.
ويوجد أيضاً في الإعلان السيارة جيلي باندا بسعر 48.900 ، بس أعتقد أنه لايوجد عرض عليها، لأن تقريباً هذا هو السعر الذي تباع به في الأيام العادية.
أنا بصراحة بأفكر أشتري واحدة منهما
الذي لا أعلم عنه شي هو أسعار قطع الغيار والمصنعية لدى توب جير ، فهل يستطيع أحد الإفادة؟
أنا دخلت على موقع اليو تيوب ووجدت فيدوهات كويسة لهما، ويوجد أيضاً إختبار تصادم لل MK.
أجمل ما شاهدته هو الفيديو الخاص بالسيارة الباندا ، هو فيديو إستعراضي ، أتمنى أن يراه الجميعمقالاتي
بسم الله الرحمن الرحيم انا معة السيارة ck2 اعمل لحتى دلوقتى 16000 ك ماشى لحتى دلوقتى زى الفل وفى الثبات 160ك كويسة ومع العلم انا بسفر بة كل شهر الصيعد والوكيل اسلوب فى المعامل كويسة جدا جدا جدااا
و يا ترى العربية عامله معاك إيه دلوقت؟
و هل جربت التعامل مع توب جير تاني؟
و إيه تقييمك للتوكيل و مدى توافر قطع الغيار ... باختصار؟!
عملت صيانة 20000ك والحمد لله مغيرتش فية اى قطع غيار والمعامل كويسة فى التوكيل يوجد جميع قطع الغيار وعنوان التوكيل الكيلو6.5 طريق مصر اسكندرية الصحراوى تليفون 38387410