وأخيرااااااا تم توفير 316i بالجير الأوتوماتيك + facelift للعربية !!

**شاهين - بنز** · 31-08-2008 03:59 PM

وأنا بتصفح موقع بي إم بالصدفة لقيت إن ال 316 تم توفير جير أوتوماتيك 6 سرعات لها وتسارع ممتاز للوصول لل 100 في 11.7 ثانية (نفس تسارع ال 318 القديمة بالضبط)
وسرعة قصوى 207 كم/ساعة
وأعتقد العربية حتنزل في مصر قبل نهاية 2008
والمصدر كتالوج B.M.W للفئة الثالثة (إضغط هنا)

خلاص وداعا لل 320 وإحتكار البافارية لها إللي كل يوم بترفع في سعرها لحد أما وصلت ل 370 ألف !!!
وأنا متأكد إنه خلاص خط إنتاج ال 320 في مصر حيوقف لإن مفيش حد أهبل حيدفع فرق 100 ألف جنيه عشان كام سي سي زيادة لأ وتجميع مصري كمان
وطبعا مبيعات الباسات حتتأثر جامد بموضوع الجير الأوتو بتاع ال 316

وهذه صور ال facelift للفئة التالتة :

**محمد عز** · 31-08-2008 04:05 PM

خلاص وداعا لل 320 وإحتكار البافارية لها

بعض الاسئلة للتوضيح
هوا مش البافاريه هوا صاحب توكيل بى ام فى مصر
وسواء كانت 316 او 320 فمعناه انه هتجي عن طريق الوكيل
فايه موضوع احتكار ال 320

المهم ان 316 كام سي سي يعنى 1600 ولا زى ال 318 2000 سي سي
لان الواحد مع البي بم بيبقى متلخبط

**شاهين - بنز** · 31-08-2008 04:12 PM

المشاركة الأصلية كتبت بواسطة casber

بعض الاسئلة للتوضيح
هوا مش البافاريه هوا صاحب توكيل بى ام فى مصر
وسواء كانت 316 او 320 فمعناه انه هتجي عن طريق الوكيل
فايه موضوع احتكار ال 320

المهم ان 316 كام سي سي يعنى 1600 ولا زى ال 318 2000 سي سي
لان الواحد مع البي بم بيبقى متلخبط

لإن زي محضرتك عارف إن توكيل البافارية هو إللي بيجمع ال 320i فهو كان مستغل إن ال 316(إللي بتيجي من بره) مفيش منها غير جير عادي وفي نفس الوقت متقدرش تشتري 320 من بره لإن جماركها 200% وساعتها سعرها حيعدي ال 500 ألف فبيقى الحل الوحيد إنك تجيب ال 320 التجميع المحلي فبالتالي كان رافع سعر العربية براحته لإن ملوش منافس وبدل ماتكون أغلى من ال 316 بحاجة بسيطة لأ هو وصل الفرق ل 110 ألف جنيه (أكيد فرق 400cc وجير أتوماتيك لاتستدعي كل هذا الفرق السعري)
وطبعا هو بيكسب من ال 316 لكن أكيد غير أما بيكون بيجمع عربية في مصنعه يعني مثلا ال 320 إللي بتتباع ب 370 شوف واقفة عليه بكام؟
وال 316 1600cc

**Ahmed Samy** · 31-08-2008 04:15 PM

بس أولا : هو ممكن يجمع ال 316 بسهوله علىنفس خط التجميع

ثانيا:يا ترى هاتبقى بكام ؟؟؟؟؟ وممكن تيجي من برة الوكيل ؟؟؟؟؟؟؟

**شاهين - بنز** · 31-08-2008 04:26 PM

المشاركة الأصلية كتبت بواسطة Ahmed Samy

بس أولا : هو ممكن يجمع ال 316 بسهوله علىنفس خط التجميع

ثانيا:يا ترى هاتبقى بكام ؟؟؟؟؟ وممكن تيجي من برة الوكيل ؟؟؟؟؟؟؟

معتقدش لإن مادام العربية 1600cc يبقى مش مستاهلة إنها تتجمع الفكرة من التجميع هي للعربيات فوق ال 2000cc لإن أما تتجمع محلي جماركها حتقل من 200% وحتبقى قريبة جدا من جمارك ال 1600
زي السوناتا إللي كانت ب 320 ألف ويعد التجميع المحلي بقت ب 165ألف

وأتوقع فرق في سعر الأوتو حيكون نفس الفرق في ال 116 المانيوال والأوتوماتيك تقريبا 20 ألف جنيه وحتى لو التوكيل منزلهاش ممكن أي حد يشحنها من ألمانيا

**farahat** · 01-09-2008 05:41 PM

بس فرق الكماليات كبير جداً بين ال-316 و ال ٣٢٠ , مش بس الفتيس و الموتور ، حاجات كتير ، د غير إن ال facelift مش هينزل مصر قريباً ، لأن التوكيل منزل الشكل القديم بس بكماليات زيادة في ال-316 و لكن بسعر ٢٩٠ ألف ، يعني اقتربت من ال-٣٢٠ ، حتى من غير الجير الأوتو !!!!

**cooleye** · 01-09-2008 06:01 PM

ازاي الفرق 400cc فقط بين ال316 وال320
ده فرق في كل شيء مختلفه كلي وجزئي مايجمعهمش بس غير الشكل

**fahd_628** · 01-09-2008 09:28 PM

شكرا على الخبر

**bassam nagy** · 01-09-2008 11:22 PM

مبيعاتها هاتزيد بس لو سعرها قرب من سعر المانيوال
مبيعاتها هاتبقى ضخمة

**farahat** · 13-09-2008 10:49 PM

المشاركة الأصلية كتبت بواسطة Amr_Moh

7ad 3ando fekra???
banzenha kaam octain we hal yenfa3ma3aha 92 zai el ablaha"318" 99-2006

نسبة الإنضغاط aw ال-compression ratio بتاعة الموتور ال-320 1:10.5 , يعني ممكن تحط بنزين ٩٢ و هتشتعأل بس مش هتدي أفضل أداء ، ٩٥ سحبها هيكون أحسن كتير ، و كمان إحتمال انها تسقف هيقل كتيييييير