مراكز الخدمة و الصيانة بالاسكندرية

**SamerBassiouny** · 31-05-2009 02:42 PM

في ورشه في سيدي جابر

الميزه فيها ان صاحبها عنده لانوس و هراها فحص بنفسه

و الصنيعيه اللى عنده ناس محترمه

و مكانه بعد بنزينه التعاون اللى موجوده فى سيدي جابر على البحر

تدخل يمين بعديها و تفضل ماشى تقريبا 200 متر حتلاقي ورشه على ايدك الشمال معموله كلها بالسراميك الازرق

**ahmedfawzy14** · 31-05-2009 02:44 PM

بيتكلم عن واحد اعرفه كويس جدا
وكل عربيات العيلة عنده

ومن ايام والده الله يرحمه وانا بتعامل معاهم

حق الراجل عليا انى ارد عنه

**SamerBassiouny** · 31-05-2009 02:53 PM

المشاركة الأصلية كتبت بواسطة ahmedfawzy14

بيتكلم عن واحد اعرفه كويس جدا
وكل عربيات العيلة عنده

ومن ايام والده الله يرحمه وانا بتعامل معاهم

حق الراجل عليا انى ارد عنه

طب ما تعرفنا عليه

و قوله لما نروحله ما يسرقناش:):)

**ahmedfawzy14** · 31-05-2009 02:56 PM

المشاركة الأصلية كتبت بواسطة samer bassiouny

طب ما تعرفنا عليه

و قوله لما نروحله ما يسرقناش:):)

بره عنى بقى

**ah-gawad** · 31-05-2009 04:40 PM

انا مش عارف بجد الاخ احمد فوزي مزعل نفسه ليه كده انا بقول فعلا حاجات حصلت معايا بجد و علي العموم انا اتعرفت علي ميكانيكي تاني في المنطقة عندنا و هو امام بوابة نادي سبورتنج امام بنزينة كالتكس و هي ورشة الاسطي قدري و اللي شغال هناك اسمه علاء والله بمنتهي الامانة شغل فوق النمرة واحد و مصنعية معقولة جدا و علي فكرة دي اول مرة اتعامل معاه مش لازم اكون بتعامل معاه من 8 سنين و عربيات العيلة كلها عنده عشان احس اني باخد حقي في الشغل المطلوب و في النهاية الف شكر للاخوة اللي ردوا عني في الفترة اللي فاتت

**ahmedfawzy14** · 31-05-2009 04:45 PM

على فكرة علاء حبيبى جدا
وجابر قريبه اللى كان واقف معاه برده بيصلح ليا الشاهين لحد دلوقتى

فى الاخر حنطلع جيران ومتزعلش منى انى اتنرفزت شوية
بس صدقنى لو انتا معاشر حد ولقيت حد بيقول عليه نصاب او حرامى
شوف ردك وقتها
مستنى ردك وياريت متكونش زعلت احنا اخوات ونتمنى افادة بعض مش اكتر
محدش ليه مصلحة فى حاجة

**ah-gawad** · 31-05-2009 05:27 PM

يا اخي انا والله كنت محدد في كلامي جدا و قلت لو حد بيتعامل مع الاسطي علي ياخد باله بس من سعر قطع الغيار و يكون عارف الشغلة دي مصنعيتها تقريبا كام مش اكتر و انا مش زعلان منك طبعا لاننا جميعا اخوة هدفنا من النقاش ده افادة كلا منا للاخر و اكيد طبعا مفيش غير كل خير بينا و بين بعض و الف شكر لاهتمامك و ردك الذوق