غطـــــــــاء الزيت .......مشكلة ..........تعالى نشوف حلها

السلام عليكم ورحمة الله وبركاته

طبعا الموضوع مش عاوز شرح ولاكن عاوز اقول ان الحاجة ام الاختراع انا طبعا غطاء الزيت مدوختى بقى يطلع بالساهل وممكن يقع فى اى مطب فكنت بزود عليه شيكرتون (حشوة) من الخارج لتمكينة ولاكن اليوم بعد الفحص والتمحيص والتدقيق وجدت ان غطاء الزيت به جوان مطاطى غليظ وهذا الجوان عندما يتأكل يسبب المشكلة فقررت فى حل جزرى للمشكلة....

جبت سير عريض (سير الكاسيت البناسونك)من عند بتوع الاكترونيات)

قمت بخلع الجوان من الغطاء وركبت عدد 2 سير عريض ....

ثم قمت بتركيب الجوان وهكذا ارتفع بعض الملميترات وهذا يكفى لإحكام غلق الغطاء....

وهذه الصورة لغطاء الزيت....

http://www14.0zz0.com/2013/07/24/16/878228995.png

وهذا الجوان

http://www14.0zz0.com/2013/07/24/16/849364829.png

حل ممتاز انا اشتريت الجوان نفسة قبل كدة من بتاع قطع الغيار ب 5 جنية

فكره كويسه بردوا

وممكن تروح عند حد بيبيع رولمان بلى لانهم بيبيعوا اويل سيل

وتاخد الجوان القديم وتجيب اويل سيل نفس مقاسه وده هيكون حل مفيد ان شاء الله
لان الاويل سيل مخصص للتعامل مع الزيوت والحراره المرتفعه

فيه موضوع اكتشفتة بالصدفة ان مقاس الجوان اللى فى فلتر الزيت (اى فلتر قديم ) بتاع الفيليشيا هو نفس مقاس الجوان اللى فى غطاء الزيت ... جربوا وادعو لى

اقتباس:

---

المشاركة الأصلية كتبت بواسطة maged_samy

فيه موضوع اكتشفتة بالصدفة ان مقاس الجوان اللى فى فلتر الزيت (اى فلتر قديم ) بتاع الفيليشيا هو نفس مقاس الجوان اللى فى غطاء الزيت ... جربوا وادعو لى

---

لو ينفع فعلا
يبقى
ربنا يفتح عليك وييسر لك امرك
ودى اول دعوه اللهم تقبل

اقتباس:

---

المشاركة الأصلية كتبت بواسطة maged_samy

فيه موضوع اكتشفتة بالصدفة ان مقاس الجوان اللى فى فلتر الزيت (اى فلتر قديم ) بتاع الفيليشيا هو نفس مقاس الجوان اللى فى غطاء الزيت ... جربوا وادعو لى

---

معقولا اروح ادور على فلتر قديم وبكدا يبقى بجد ربنا يجزيك خير استاذ :مجدى

بس اللى انا لاحظته على الجوان انه فيه ميل بسيط يعنى جوان مسلوب بجراب بلاستك فية ودا اللى بيحكم بجسم الموتور

انا لسة فاكك جوان من فلتر ووجدته مختلف هو ممكن يكون نفس القطر ولاكن الخامة مختلفة بتاع الغطاء مطاط خفيف حيت يسهل فك الغطاء مع احكامة اما جوان الفلت اقل فى السمك ومن المطاط القوى الذى لا يقبل الضغت فيصعب تركيب الغطاء واخراجة....

هذا ما لاحظته على جوان الفلتر....وقد جربته على عوامة البنزين فيمكن استعماله للعوامة لأنه نفس الجوان وايضا يحكم غلق العوامة....

الميكانيكى كان دق على الشفة الألومنيوم اللى غطاء الزيت بيدخل فيها من تحت وطبقة شوية وده خلى الغطاء يدخل شحط ومبقاش يقع من غير ماغير الجوان !!

اقتباس:

---

المشاركة الأصلية كتبت بواسطة aw2100

الميكانيكى كان دق على الشفة الألومنيوم اللى غطاء الزيت بيدخل فيها من تحت وطبقة شوية وده خلى الغطاء يدخل شحط ومبقاش يقع من غير ماغير الجوان !!

---

اكبر غلط الدق على الشفة الألمونيوم لأن دا حيخلى انحرافات فى غطاء الزيت وممكن يتسرب الزيت منه لنه مش ممكن حتكون الحافة مستوية سيكون هناك اعوجاج من ناحية وهذا يسبب تسرب الزيت منها الحل كما قلت او تغيير جوان غطاء الزيت....*

انا ياحضرات ريحت نفسى ولفيت شكرتون على الغطاء وعلشان انساه خالص خرمت الغطاء بحرص من شفته الخارجيه وربطت سلك شيك قوى فى ثقب الغطاء والطرف الثانى فى خرطوم الهواء الواصل من الفلتر والعمه دا علشان انا انجكشن لكن يفرق المكان مع العمه العاديه
وخلص الكلام

اقتباس:

---

المشاركة الأصلية كتبت بواسطة elandlos

انا ياحضرات ريحت نفسى ولفيت شكرتون على الغطاء وعلشان انساه خالص خرمت الغطاء بحرص من شفته الخارجيه وربطت سلك شيك قوى فى ثقب الغطاء والطرف الثانى فى خرطوم الهواء الواصل من الفلتر والعمه دا علشان انا انجكشن لكن يفرق المكان مع العمه العاديه
وخلص الكلام

---

ههههههههههههههههههههههه شيكرتون مهو الشيكرتون اللى خلانى افكر فى حاجة تانيه لأن كل فترة مع السخونية الشيكرتون بيجف وبيبقى سهل وممكن يقلقع ويعمل فراغ يتسرب منه الزيت دى كانت مشكلة مغلبانى ففكرت فى الفكرة اللى فى الموضوع والحمد الله نجحت ....*

ما شاء الله كلها حلول جميله لقسم عبقري صحيح الحاجة ام الاختراع

الموضوع ده بيحصل عندى ومكنتش باهتم بيه والظاهر كدة انو مهم فعشان كدة فكرة وانشا الله هنفذ الى هو هجيب شمبر كوتش قديم واقوم بقصه على قد مقاس الجوان الموجود وهعمل من كدة شواية وهقوم بتركييب جوان او اتنين اواكثر لحد مايتم احكام الغطاء والزيادة الى عملتها هتكون معى فى علبة لحين الاحتياج ليها وبكدة تعمل جوانتات على قدر ماتستطيع وحاجة ببلاش و عيش يا باشاة كلى فترة لم يبوظ الجوان تبقى تغيره

اقتباس:

---

المشاركة الأصلية كتبت بواسطة محمود السيد

الموضوع ده بيحصل عندى ومكنتش باهتم بيه والظاهر كدة انو مهم فعشان كدة فكرة وانشا الله هنفذ الى هو هجيب شمبر كوتش قديم واقوم بقصه على قد مقاس الجوان الموجود وهعمل من كدة شواية وهقوم بتركييب جوان او اتنين اواكثر لحد مايتم احكام الغطاء والزيادة الى عملتها هتكون معى فى علبة لحين الاحتياج ليها وبكدة تعمل جوانتات على قدر ماتستطيع وحاجة ببلاش و عيش يا باشاة كلى فترة لم يبوظ الجوان تبقى تغيره

---

شنبر الكاوتش حتى لو شمر دراجة مش حينفع دا غليظ ومستحيل ان تتمكن من غلق غطاء الزيت الفكرة انك جوان غكاء الزيت بيتاكل من كتر اخراجة وتركيبة لذا وجب رفع الجوان مليمتر فقط زهذا لن يكون الا بسير كاسيت البناسونك السير الصغير اشتريه من اى واحد بتاع الكترونيات رب25 للسير ومش حتتستعمل الكثر من سيرين بجوار بعضعهما فلو وضعت سيرن فوق بعضهم سيحدث مشكلة حشر فظيعى للغطاء وربما يؤدة الى تمزيق الجزان....

صدقونى وريحوا دماغكم وخرم وسلك وانسى زى ماشرحت