ان شاء الله هعمل نقل ملكية و مش عايز تصريح

السلام عليكم

اشتريت عربية و فيها رخصة 6 شهور , اشتريتها بتوكيل و عملت عقد بيع لنفسى , عرفت بعد كده انى لازم انقل ملكية فى خلال شهر

انا مرور الوايلى و العربية مرور فيصل

قرأت هنا على المنتدى انى لو سلمت اللوحات و الرخصة و شهادة المخالفات فى مرور فيصل , و خدت منهم شهادة بيانات مكتوب فيها (لا يطالب باللوحات و الرخصة و المخالفات) , استلم رخصة على طول من مرور الوايلى و مش محتاج تصريح 3 شهور

1- هل الكلام ده صح ؟

2- هل الناس فى مرور فيصل هيعملوا الكلام ده بسهولة ولا مش هيوافقوا , و هل مرور الوايلى هيوافق على شهادة البيانات عادى ؟

3- هل ال 6 شهور رخصة دول هيروحوا عليا ؟

4- هل الحوار ده كده افضل فعلا ؟

لازم تصريح لحد ملف العربية يروح المرور الى هترخص فيه
انت ممكن تخلى التصريح 6 شهور

انا نقلت ملكيه لعربيه فى رخصتها شهرين وهى مرور اسكندريه وانا مرور المحله
وسلمت عقد البيع المسجل وشهاده مخالفات (لم اطالب بشهاده بيانات) وسلمت النمر والرخصه فى المحله
وسلمونى نمر جديده ورخصه بدون انتظار ملف ولا الكلام ده كل ده مااخدش منى ساعتين مع ان مرور المحله زفت وبيعقدها كتير

انا عملت كد اكنت بنقل من مرور مصر الجديده لمرور ابوحماد في الشرقيه . وسلمت النمر و المخالفات و الرخصة في مصر الجديدة. وخدت شهادة بيانات مكتوب فيها غير مطالب بيهم ونقلت من غير غير ترخيص رخصة 3 سنوات علي طول . بس الكلام في 2009

أنا نقلت من مرور لمرور وأنا أصلا المالك الاول للعربيه يعني مفيش ولا عقد ولا توكيل وادوني تصريح مره 3 شهور والتانيه 6 شهور وأنا اتأكدت دلوقتي ان الملف وصل المرور الجديد بس مكسل أروح الا بعد العيد لأن التصريح لسه فيه شهرين وعشان يوم المرور بيبقى يوم خنيق والواحد بياجله على قد ما يقدر.