التكيف ضعيف اوى ؟؟؟؟؟؟؟؟

**hplv** · 25-07-2013 01:09 AM

السلام عليكم
لو سمحت يا جماعة انا لما بشغل المكيف على واحد او اتنين بيطلع هوا ساقع من فتحتين بس والفتحتين التانين بيجيبواهوا عادى ولازم اشغل المكيف على اربعة علشان الى قاعد ورا يبدا يحس باى حاجة فمش عارف ايه المشكلة دلوقتى هل عايز شحن ولا ايه ؟؟؟؟؟؟؟؟؟؟؟؟؟؟؟؟؟؟؟
العربية لانسر 2010 اتوماتيك ماشية 43 الف كيلو .
على فكرة هوا بيجيب هوا بارد بس ضعيف ؟؟؟؟؟

**Mamoud salah H** · 25-07-2013 01:24 AM

اظن عندك سدد في حاجة من التلاتة ومحتاج تنظيف او تغيير
الثلاجة
السربنتينة
فلتر التكييف

**Abo.Omar** · 25-07-2013 01:27 AM

4 ؟؟؟
انا لما بشغل على 4 بحس ان العربيه بقت vibration و رجلى بتنمل من كتر الاهتزاز
حضرتك كده برضه ؟

**hplv** · 25-07-2013 01:31 AM

المشاركة الأصلية كتبت بواسطة mamoud salah h

اظن عندك سدد في حاجة من التلاتة ومحتاج تنظيف او تغيير
الثلاجة
السربنتينة
فلتر التكييف

بس سد ازاى يا فندم انا لما بشغل على 3 او اربعة بيجيب هوا ساقع
وفلتر التكيف كنت لسه غاسل العربية والمغسلة رشت معطر على الفلتر ونضيف جدا
الثلاجة والسربنتينه ايه دول بقى ؟؟؟؟؟
وهل الموضوع بعيد عن الفريون ؟؟؟؟؟

**hplv** · 25-07-2013 01:33 AM

المشاركة الأصلية كتبت بواسطة abo.omar

4 ؟؟؟
انا لما بشغل على 4 بحس ان العربيه بقت vibration و رجلى بتنمل من كتر الاهتزاز
حضرتك كده برضه ؟

موضوع الاهتزاز ده مش للدرجة بس ده ممكن يكون قواعد الموتور بالنسبة دفع الهوا على اربعة بيبقى جامد بس مش ساقع للدرجة يعنى علشان احس انه ساقع اقفل فتحتين واسييب الاتنين التانين شغالين واوجهم عليا علشان احس بالبرودة

**Mamoud salah H** · 25-07-2013 02:11 AM

ممكن تراب زيادة عامل عائق لدخوول الهواء بقوة لان كانت عندي نفس المشكلة ونضفت السربنتينة ةالفلتر والمشكلة اتحلت

**MITSUKERO** · 25-07-2013 10:32 AM

دائرة التكييف معروفة و مكررة في جميع العربيات

من الخارج : سربنتينة لتبريد الفريون - كمبريسور لضغط الفريون - فلتر فريون - مروحة لتبريد السربتنيتة

من الداخل - سربنتينة داخلية بيمر عليها الهواء و هو ساقع - مروحة بتطلع الهواء ساقع لانه بيمر علي السربنتينة الداخلية - اكبنانشن فالف - ثرموستات لقياس درجة الحرارة و فصل الكمبريسور عند الوصول لدرجة الحرارة المطلوبة

المفروض في اي مشكلة تبتدي بالاسهل فالاصعب و هكذا

دلوقتي نضف السربتنينة الخارجية بالهواء ثم ضغط مياة قوي في بنزينة (الهواء الاول يشيل التراب ثم ضغط مياة قوي يشيل المواد اللي بتلصق فيها و تسد ريش التهوية)

تاني حاجة هتقيس الشحن في مكان محترم علشان ميتنصبشي عليك و افضل التوكيل او ورشة المتخصصون لانهم عندهم جهاز شحن بالكمبيوتر

تالت حاجة انت بتقول ان الهوايات كلها مش بتطلع هواء زي بعض و لو حضرتك تقصد الهوياتين اللي في النص فوق الكاسيت فعلي حد علمي انهم فعلا ضعاف شوية في البومية بس مش لدرجة انهم يطلعوا هواء ضعيف و سخن

اتاكد من مفاتيح قفل الهوايات جنب الهوايات

اتاكد من مفتاح ضبط درجة الحرارة الداخلية

والله اعلي و اعلم

**Eng.Peter** · 25-07-2013 07:19 PM

محتاج تنظيف مسارات الهواء

**Abo.Omar** · 25-07-2013 11:48 PM

المشاركة الأصلية كتبت بواسطة MITSUKERO

من الخارج : سربنتينة لتبريد الفريون

حضرتك تقصد اللى فسدر العربية ؟؟ هى دى مش بتاعت الردياتير؟؟

من الداخل - سربنتينة داخلية بيمر عليها الهواء و هو ساقع - مروحة بتطلع الهواء ساقع لانه بيمر علي السربنتينة الداخلية - اكبنانشن فالف - ثرموستات لقياس درجة الحرارة و فصل الكمبريسور عند الوصول لدرجة الحرارة المطلوبة

معلشى ممكن شرح اكتر للسربنتينة والمروحة و الفالف

**amro0000** · 26-07-2013 08:05 AM

طيب انا عندي مشكله غريبه التكيف علي الطرق السريعة الصحراوي مثلا وانا بجري بيكون جميل جداااااااااااااااااا حتي في الصيف لاكن اما باجي اهدي او اقف بحس اختلاف وانه بيضعف اوي ويادوب يبرد تبقي اية المشكله دي؟؟؟؟؟؟؟؟؟