ازيكو يا جماعة كل سنة وانتو طيين .....
النهاردة هعملكو تقرير عن عربيتي الجديدة الاوبل استرا gtc لسة جايبها من 4 شهور بالظبط جبت اول فئة اللي هيا انجوي ب 213500
ومبسوط بيها جدا العربية انا قبل مشتري العربية دي كونت محتار مبينها و بين الميني كوبر كانت عاملة 225 الف بس طبعا الميني كوبر منفعتش لاني معرفتش اعد جواها الكنبة الخلفية ضيقة جدا وهتبقي متعبة في السفر وكمان مفهاش شنطة شنطتها 160 لتر بس مقارنة بالgtc اللي شنطتها 380 لتر دي تتفوق علي اغلب المنافسين في الوسع الداخلي والكنبة واسعة جدا تشيل تلاتة براحة تامة وبرضو قبل ماشتريها كونت هخلص خلاص في audi a1 كانت هتخلص علي 198 الف الكلام دة من خمس شهور بس لغيت القرار في اخر لحظة لقتها عربية صغيرة وفيها نفس العيوب اللي في الميني كوبر لو هنتكلم عن

الموصفات العامة للسيارة:
موتور اكوتك بيطلع 140 حصان تربو وعزم 200 نيوتن بتاخود بنزين 92 عادي من غير كركرة دفع امامي الفتيس استيبتروك ست سرعات العربية التسارع بتاعها من 0 ل100 في 10 ثواني والسرعة القصوي 200 بس في ناس جايبة بيها 230 علي اليو تيوب مش عارف دة حقيقي ولا لا انا اقصي سرعة جبتها كان 180 وكان لسة فيها كتير

الشكل الخارجي :
انا شايف الشكل الخارجي جميل جدا لان العربية حجمها مش صغير طولها 4466 وتعتبر عربية كوبية رياضية نفس فئة الفولكس شيروكو العربية مميزة جدا علي الطريق والعيون بتبقي عليها كتير


تم التعديل بواسطة منسق القسم