نوبيرا كورى 2000 بتنتش وتقطع

**abdousharkawy** · 25-07-2013 06:12 AM

انا عندى نوبيرا كورى موديل 2000 من فترة كده حصل حاجه غريبه هى بتدور كويس ولا يوجد دخان والسحب كان جميل كدا وفجاه بدات تقطع وتنتش وبيحصل كمان حاجه غريبه انها تكون على السلانسيه صوتها جميل جدا ومابتقطعش ولما اجى ادوس بنزين تتخنق جامد وتتهز زى ماتكون هتبطل وافضل ادوس واكارك تتظبط شويه وترجع تانى وتقطع وتنتش جامد روحت للميكانيكى قالى كل حاجه عندك تمام موبينه وطلمبه بنزين وبوجيهات فمش عارف اعمل ايه انقذونى ارجوكم

**meno2000** · 25-07-2013 02:18 PM

انا كان عندي نفس المشكلة و طلع المشكلة في البوابة و غالبا عربيتك البوابة الكتروني
الموضوع سهل لو انت ليك في الفك هتلاقي جزء رابط العمة بالواير بتاع البنزين هتفكه هتلاقي تحتيه دائرة كهربائية هتجيب اسبراي جاف و تنظف الدائرة كويس و كمان نظف بوابة البنزين
و هتلاقي العربية بقى سحبها جميل و بطلت تقطيق
ممكن تغيرها بس هتكلفك مبلغ على الفاضي

**abdousharkawy** · 25-07-2013 05:30 PM

ممكن توضيح من حضرتك عشان انا مش فاهم حاجه وبعدين انا عندى البوابه فيها واير اكسراتير

**mmarco** · 27-07-2013 02:36 PM

بص يا استاذ عبدة المشكلة اللى عندك دى غالبا هاتكون (حساس الشكمان )
اولا حضرتك هاتودى العربية عند كهربائى كويس عندة جهاز اسكان وتحط العربية على الجهاز وهايكدلك اذا كان هو الحساس او لا بس
الاحتمال التانى انها تكون (موبينة) ودة اذا الجهاز مطلعش مشكلة فى القراية بتاعت الحساس بس اهم حاجة يكون كهربائى كويس بيفهم
انا المشكلة دى كانت عندى وطلعت عينى 3 اشهر وفى الاخر اكتشفت انة حساس الشكمان وغيرتة بواحد استيراد
وياريت حضرتك تبقى تقولنا عملت ايه .

**mmarco** · 27-07-2013 02:39 PM

اه معلش دى صورة حساس الشكمان
http://www.google.com.eg/imgres?q=%D...1&tx=114&ty=73

**abdousharkawy** · 27-07-2013 03:26 PM

انا متشكر جدا ياجماعه على الردود
ثانيا انا شيلت فيشة حساس الشكمان اللمبة مانورتش فى الاول لاكن بعد مامشيت شويه اللمبه نورت والعربيه زى ماهى مبرجلة بردو فركبت الفيشة تانى لان مافيش فرق بس اللمبه لسه منورة مع انى شيلت كابل البطرية
السؤال بقى اعرف ازاى ان هو الحساس او الموبينه

**mmarco** · 31-07-2013 11:55 AM

تعرف ازاى الحساس او الموبينة ؟
حاول تشوف واحد كهربائى معرفتك تكون عندة موبينة يركبهالك وتطلع مشوارين تجرب عليها لو العربية اتظبطت تبقى الموبينة على طووووول
لكن لو زى ما هى يبقى لازم لازم تحط العربية على جهاز اسكانر مينفعش الطريقة اللى عملتها وعلى الاقل علشان تكون مطمئن اكتر وميكونش فى حساسات تانية اللى بايظة

**abdousharkawy** · 31-07-2013 04:21 PM

انا متشكر جدا ياجماعه على المساعدة وطلعت طرمبة البنزين هى اللى مشكلة وفلتر البنزين

**Mohamed ELOoL** · 31-07-2013 04:51 PM

ممكن طلمبة البنزين ضعيفة ( الضخ بتعها وحش )

**FAR!D** · 01-08-2013 12:29 AM

من الاخر لو حاجه من الحساسات عموما روح لمحمد السيد الكهربائي او اي كهربائي عارف شغله باجماع الناس و خليه يشوف قرايه الحساسات على الجهز الفحص يعني من الاخر مشكلتك كهربائي محترم