أرجو الإفادة بعد إذنكم

صباح الخير الأول
عندي دايو لانوس كوري ٢٠٠٠ مانيوال وعامله ١٠٩ ألف كيلو ومنطف دايرة الإنچكشن ولسة مغير البوچيهات بـ NGK Platinum عاملين ١٢٠ جنيه من عند التوفيق نفسه ومغير فلتر بنزين وحساس شكمان. يعني من الآخر مظبطها بس: الصبح عند التسخين بالقي ريحة الشكمان جامدة قوي ريحة العادم يعني وبعد شوية يبقي صوت خروج العادم عالي ولما أزود بنزين جامد قوي يطلع دخان أسود بس بكون دايس بنزين على الآخر مع العلم إن حركتي بالعربية تكاد تكون معدومة هي بتتحرك يوم واحد في الأسبوع ومسافة صغيرة مش بلحق أجيب الرابع أصلاً. فهل ده علشان العربية مش بتمشي ولا فيه سبب تاني. وكمان الميه بتاعتة الطرمبة مش بتنقص خالص يعني الميه زي ما هيه.
أسف على الإطالة
وشكراً لحسن تعاونكم معنا

شيل البوجيهات البلاتنيوم وحط بوجيهاتها الاصليه وجرب

شكراً لحضرتك
بس إيه هيه بوجيهاتها الأصلية
وشكراً

البوجيهات الأصليه ngk - bpr6es

لو العربية بتطول فى الدوارة الصبح
او بيطلع دخان اسود فى اول الدوارة
يبقى احتمال الرشاشات
او جلد الصبابات

اخبار الزيت اية بينقص و لا لا

الريحة دي ممكن تكون جوان فرن او تنفيس في الشكمان

انا شايف ان احتمال البوجيهات دا ضعيف جداجدا ويمكن يكون معدوم مش هي السبب خالص

الريحة دي سببها الشكمان نفسه او الجوان المسئول عنه بنسبة كبيرة جدا والدخان الاسود دا لازم تراجع زيت الموتور شوفه بينقص ولا لأ بس طبعا لازم تتحرك بالعربية شوية كام يوم ورا بعض وعلى سرعات او تحرق على الغيارات شوية وشوف لسه ف دخان اسود ولا أيه ومتنساش تقيس الزييت

صباح الخير عليكم جميعاً وعلى مصرنا الغالية
أولاً بشكركم كل الشكر على إهتمامكم
ثانياً بالنسبة للبوجيهات هي ممتاز كشفت عليهم لاقيت حرقهم ممتاز والحمد لله
ثالثاُ بالنسبة للزيت أنا لسه مغيره في أول شهر 6 ومغير فلتر وبحط شل 5000 وبغيره كده كده كل 3 شهور ببقى معملتش 300 كيلو بالعربية وبغيره برضو كل 3 شهور
رابعاً أنا هكشف على الشكمان وجوان الفرن واشوف جلد الصبابات وربنا يسهل
شكراً لحضراتكم وكل سنة وإنتم طيبيين

حط العربية علي سكان وشوف قراية حساس الاكسجين وانتا دايس بنزين علي الاخر هتلاقيه بيقطع ودا الي بيزود البنزين في الشحنة وبيطلع الدخان الاسود