انا كنت سمعت عن الكويل الخارجى ده قبل كده و انه شبه الفيديو كده او التكييف السبليت و بيبقى جوه العربيه تحت الطابلو فعلا
عرض للطباعة
انا كنت سمعت عن الكويل الخارجى ده قبل كده و انه شبه الفيديو كده او التكييف السبليت و بيبقى جوه العربيه تحت الطابلو فعلا
السلام عليكم ورحمة الله
انا بقى شوفته راكب فى عربيه 127 فى سوق مدينه نصر بس بصراحه ماجربتوش
معلش احنا بتقل عليك لكن لى استفسار الكويل ده هيوزع الهواء لوحده
اسفل التابلوه ولا هيتاخد منه خراطيم للهوايات(سواء ان كانت هوايات
التابلوه او هوايات خارجية)
تانى حاجة انا احتمال افك التابلوه علشان العزل فاحسن اركب كويل داخلى
ولا لا وخصوصا وجود المروحة والهوايات ونظام التحكم
انا النهاردة فكت حوض المروحة وطقم التحكم(مفتاح سرعة المروحة -
مفتاح التبريد - مفتاح التسخين _مفتاحان لتغيير مسارات الهواء)
الخلاصة:
المميزات؛
1- وجود حجم كافى لوضع الكويل فى حوض المروحة
2-طقم التحكم فعلى (يعنى مفتاح التبريد مش واقف فى الهواء لكن متصل بسلوك وسوست)
العيوب:
1- السيستم كله غرقا تراب انا اسودت من كتر التراب اللى عمانى(يعنى هيقرف اللى هيشتغل فيه اوى)
2- طقم التحكم قديم اوى (مفتاح التبريد منفصل عن التسخين - مفتاحان لضبط مسارات الهواء) حبذا لو تم تغييره
بص ياباشا انا افضل الكويل الخارجى علشان الهواء بيتوزع فيه زى العربيات الجديده لانه بيحتوى على ريش ممكن توجها فى الاتجاه اللى انت عاوزة او لو عاوز تركب كويل داخلى من الافضل تركب تابلوه تانى غير اللى فى العربيه بتاع كيا برايد مثلا علشان فتحات التكييف تبقى قريبه من الاشخاص علشان تحس بالتكييف وبالنسبه للمفاتيح بيجى مع الكويل مفتاح (عامل زى الزمبلك )فيه 3 سرعات للتبريد واى استفسار انا فى الخدمه ان شاء الله
ياباشا فتحات التكييف مش بعيدة اوى كده المشكلة انهم فتحتين بس فى
النص وانا جبتلك صورة لتابلوه الفيورا
http://up.stop55.com/upfiles/cY293178.jpg
هو بصراحة الكويل الخارجى هيبقى اسهل فى التركيب لكن معنى كده انه
هيبقى تحت الكاسيت يعنى تقريبا على الارض او ممكن اغير مكان
الكاسيت وهو تمن الكويل ده بيبقى فى حدود كام
السلام عليكم ورحمة الله
بص ياباشا انت ممكن تركب كويل خارجى لان الفتحتين قريبين من بعض بالتالى مش هيبقى الهواء قريب من الاشخاص داخل العربيه ثانيا مفروض انه يكون اربع فتحات لان الكويل اربع مخارج وبصراحه انا مش عارف سعر الكويل الخارجى كام بس انا شايف الاحسن ليك والارخص هو انك تجيب تابلوه بتاع اى عربيه تانيه زى البرايد او الفيات البونتو او العربيات الصغيره وبالتالى هتبيع التابلوه بتاعك وتكمل عليه ودى صوره لعربيه 127 فى مصر مركب ليها تابلوه كيا برايد
http://www.postimage.org/aV1kqwTr.jpg
هو التابلوه دا ينفع ل 128 وسعره كام والاوبل كورسا سعر التابلوه بتاعها كام
السلام عليكم ورحمة الله
بص بصراحه انا مش عارف الاسعار كام بس تابلوه الكيا برايد ينفع على 128&127 وأكيد تابلوه الاوبل هيكون اغلى وممكن تسأل على السعر فى الوكاله او عزبة شلبى لان هو هيكون موجود هناك واى استفسار انا فى الخدمه
بالنسبه لاسعار التابلوهات:
تابلوه اونو عامل من 400 الى 600 جنيه حسب الحاله
تابلوه اوبل كورسا عامل 700 الى 800
الاتنين دول يركبو على ال 128 وانا بفضل الكورسا طبعا وفى ناس ركبت تابلوه لانوس فى ال 128 وعلى العموم مش موضوعنا والى عايز يستفسر عن موضوع التابلوه ياريت لو يعمل موضوع مستقل وانا هرد عليه بأذن الله.
بص اهم حاجه تعرف مهمه الكويل ايه ساعتها هتعرف هو مكانه هيبقى فين.
الكويل مهمته انه بياخد سائل التبريد الى هو الفريون ويخليه يعدى داخل ممرات فى الكويل ولما يعدى السائل الى بتكون درجه حرارته متجمده او تحت الصفر..ساعتها الكويل بيتجمد من الخارج وبتبقى درجه حرارته منخفضة جدا..
ساعتها بقى بيجى دور المروحه الى متركبه على الكويل (المروحه بتشتغل كأنها شفاط) بتروح تشفط الهواء وتخليه يعدى او يمر خلال الكويل وساعتها الهواء هيبقى ساقع لان الكويل ساقع...
هى دى فكره الهواء الساقع...
لو فرضا اتحط الكويل تحت التابلوه ده معناه انه هيحتاج مروحه!!!....طيب المروحه هتطحت فين؟؟؟؟ساعتها بقى اكيد المروحه والكويل جايين حته واحده ومتقفلين...طيب المروحه هتجيب هواء منين او هتشفط هواء منين..هرد واقولك هتشفط هواء من داخل السيارة لان المروحه داخل السيارةانما لو تكييف فبريقا هتبقى المروحه بين حوض الموتور وبين السيارة فتشفط هواء من خارج السيارة...
اهم حاجه للكويل انه يبقى فيه مروحه تمرر الهواء من خلاله...
صوره للكويل بدون مروحه وبتظهر فيها ان حجم الكويل صغير (الى جنب الكويل ده هو الاكسبنشن فلف وعامل زى علبه اسبراى):-
http://specialtauto.com/delorean-par...ator-kit-1.jpg
ودى صورة لعلبه تكييف بتحتوى بداخلها على مروحه وكويل تبريد والعلبه محكمه الغلق وبتاخد الهواء من خارج السيارة:-
http://www.fredsfab.com/images/large...01-437_640.gif
انا مشوفتش الكويل الى بيتحط تححت التابلوه بس اكيد هو بيوزع الهواء لوحده لانه اكيد متركب هو والمروحه (كويل ومروحه وهوايات لخروج الهواء الساقع)..
بص بالنسبه لمفاتيح التحكم فى ال 128 او الفيورا او اى عربيه غير مجهزة لتكييف..بتبقى مهمتها فتح وغلق بابين.
الباب الاول باب دخول الهواء البارد او الهواء الى خارج السيارة (طبعا بيدخلك الهواء الى بره السيارة سخن او بارد او فيه تراب او فيه عوادم)..
الباب الثانى بيدخلك هواء سخن عن طريق سربنتينه السخنيه او كويل السخونية وده بيشتغل عن طريق مرور الماء الساخن من الريداتير وساعتها السربنتينه تسخن ولما الهواء يمر خلالها بيسخن برده وبتجبلك هواء سخن..
بص المفاتيح الى انت هتحتاجها مفتاح سرعة المروحه ومفتاح لتشغيل الكومبرسور..والمفاتيح الى خاصه بفتح وغلق الابواب علشان تسمح اوتمنع مرور الهواء لداخل السيارة...
الى بيجى مع الكويل ده مفتاح خاص بسرعه المروحه ومفيش حاجه اسمها سرعه التبريد لان الكومبرسور سرعه واحده مبتتغيرش...
ومش شرط تغير التابلوه المهم انك تلاقى فتحات مناسبه علشان تخرج منها الهواء انت ممكن توصل خراطيم تكييف لعلبه المروحه (حتى لو فتحت فى العلبه) وساعتها تاخد الخراطيم دى وتركبها ورا اماكن الهوايات الى موجوده فى التابلوه....