-
مقارنة بين m11 و الـ FSV
حابب اعمل مقارنة بسيطة كده بين العربيتين عشان انا عارف أد ايه بتكون مهمة لأي حد بيفكر يشتري أي واحده فيهم
المقارنة بعيده تماما عن ارقام البروشورات وكلام التوكيلات هي انطباعات شخصية نتيجة الاستخدام
الام 11 عاملة 85 الف كيلو موديل 2010 ... البرليانس 500 كيلو فقط 2013
الصالون الداخلي :
تصميم التابلوه : الاسبرانزا افضل ( ده رايي الشخصي طبعا ومسألة اذواق )
الكراسي الامامية : الاسبرانزا اريح في قاعدتها
يعني مجمل القاعدة امام الدريكسيون في الام 11 افضل
الكنبة الخلفية : البرليانس اوسع
الشنطة الخلفية : البرليانس اوسع بجدارة
خامات الصاولن الداخلي وجودة التقفيل اعتقد متساويين
آداء السيارة في المجمل حتى الآن
آداء العفشة : البرليانس افضل حتى الآن لعدة اسباب
كان عندي عدة مشاكل مع عفشة الام 11 ومن خلال متابعتي للمنتدى اكتشفت انها موجوده عند معظم الناس
بالرغم من ان الام 11 ثبات جامد على الطريق الا ان عفشتها بها بعض المشاكل
1- اصوات بتصدر من العفشة تزيئ او تخبيط مع المطبات بشكل مستمر مهما ربط العفشة او زييتها ... بتقل احيانا وبيختفي بعضها احيانا لكن مش بتختفي
2- رجرجة وتخبيط في الدركسيون مع المطبات حتى ان لو واحد راكب جنبك حيسمعها بوضوح ...
وبالرغم من اني كان معايا لانوس 2002 وبعتها عاملة 85 الف كيلو بردو انما المشكلتين دول لم يقابلوني نهائيا فيها
ووالدتي معاها نيو اكسنت عاملة نفس العداد تقريبا ومبيحصلش فيها كده
3- الفرامل
البرليانس افضل
بالرغم من اني مقدرش اقول اني اختبرت البرليانس بالشكل الكافي حتى الان لكن اعتقد ان فراملها افضل لاسباب
لما تفرمل بالام 11 وسط مطبات صغيرة او زلط او عين القطة اللي موجودة في الشارع تحس ان دواسة الفرامل بتهوي للنص كده وتنزل على الايه بي اس على طول يعني مش بتستجيب مباشرة وكنت حعمل حادثة على الطريق الزراعي مرة للسبب ده
البرليانس حتى الان معنديش فيها المشاكل دي ... الدركسيون ثابت والعفشة صامتة تماما والفرامل كويسة الحمد لله
4- الموتور :
- صوت الموتور اوطي في البرليانس
- استجابة العربية لدواسة البنزين اسرع في البرليانس يعني سحبها اسرع بالرغم من انها 1500
- الآر بي ام في الام 11 اعلى من البرليانس ... يعني مثلا عداد السرعة بيكون على 100 ار بي ام على 3 وانت على الرابع ... السرعة على 80 وآر بي ام على 3 وانت على التالت ... فده بيدي فرصة انك تصبر شوية على الغيار وتظهر قوة الموتور
- الثبات حتى الان مقدرش احكم لاني معدتش ال100 كم سرعة ... بس الام 11 احسن ميزة فيه الثبات
-
تسلم عالمقارنة يا باشا ..
-
مشكور علي المقارنة الجميلة دي وبالنسبة للتكييف عامل اية ومقارنة تكييف البريليانس بالام 11 مين افضل
Content Relevant URLs by
vBSEO 3.6.0 PL2