الموضوع: اصطحاب عائلتي معي للسعودية قبل الاستقدام

شكرا يا محمد ربنا يخليك و فكرة حلوة موضوع الزيارة دا
مش قادر اقولك انا محتاس اد ايه عشان الموضوع دا
هاجمع معلومات اكتر عن موضوع النطاق.
شكرا جدا لمعلوماتك القيمة
انا شايف انك كاتب جدة و انا ان شاء الله شغلي في الرياض يعني ل بتيجي أكيد هاكون سعيد لو شوفتك و ارجو تقبلني كأخ و صديق
أحمد

المشاركة الأصلية كتبت بواسطة محمد بازيد

اخى احمد أول شى انت تعرف الشركة من مكتب ولا من حد تعرفة يعنى انت لازم تتاكد من نطاق الشركة النطاق دة لو أحمر مش هتعرف تعمل استقدام والنطاق ملوش دعوة شركة محترمة ولا لا المهم عدد السعوديين فى الشركة لو تعرف حد فى الشركة ممكن تجيب رقم الاقامة بتاعتة واحنا نعرف نطاقها من النت بسهولة جدا بس انت من ساعة لما بتدخل المملكة الموضوع بتاع تطليع الاقامة مش بياخذ أكثر من 48 ساعة وتقديمك لطلب الاستقدام بياخذ 3 ايام عمل بس انا عندى ليك فكرة انت ممكن تعمل زيارة للعائلة بعد استلامك للاقامة يجيوا يشوفوا البلد والعيشة بدل لما تدفع مبلغ محترم فى الاقامة والزيارة مش بتكلفك 350 ريال وبتستلمها على طول والمدة ممكن 180 يوم لان الاقامة بتتكلف وانا تحت امرك فى اى شى
أخوك محمدبازيد

شكرا يا محمد ربنا يخليك و فكرة حلوة موضوع الزيارة دا
مش قادر اقولك انا محتاس اد ايه عشان الموضوع دا
هاجمع معلومات اكتر عن موضوع النطاق.
شكرا جدا لمعلوماتك القيمة
انا شايف انك كاتب جدة و انا ان شاء الله شغلي في الرياض يعني ل بتيجي أكيد هاكون سعيد لو شوفتك و ارجو تقبلني كأخ و صديق
أحمد

المشاركة الأصلية كتبت بواسطة محمد بازيد

ربنا يخليك يا احمد الشرف ليا انك تكون أخ وصديق بس نصيحتى ليك الاول تعال لواحدك شوية وانا متاكد انك هتتعب شوية من غير العائلة ودة خصوصا لو اول مرة تسافر وتسيبهم بس الاول تبقى عارف كل حقوقك وواجباتك تجاة الشركة اقصد طبيعة العمل توفير سكن بدل مواصلات تذاكر السفر فئة التامين الطبى لان كل الحاجات دى غالية السكن والتامين الطبى وكل دة لازم تبقى عارفه قبل لما تسافر
اى خدمة كلمنى لما توصل بالسلامة او على الوات ساب لو عندك 00966533785725

شكرا لك محمد علي ذوقك العالي و نصائحك سوف اتأكد ان شاء الله من كل شئ قبل السفر
حاليا انا لسة بظبط الورق و بحاول اعمل كل الاوراق اللي عائلتي ممكن تحتاجها من قبل ما اسافر. تحياتي لك و اول ما اوصل ان شاء الله هاكللمك

لو عايز نصيحتي حضرتك سافر الاول لوحدك لعده أسباب :-
- هتبقي لسه مسافر جديد و محتاج تبقي حركتك اسهل في البحث عن سكن مناسب او حتي لشراء بعض الأثاث المكمل لو كانت هناك شقه و كمان ممكن تحتاج تغير مكان السكن اكتر من مره لو ما عجبكش او لقيت حاجه افضل او اقرب لعملك
- هتبقي محتاج تعرف اماكن شراء كل حاجه منين و الاسعار و ده هيستلزم انك تلف شويه في البلد و هيبقي صعب تعمل الموضوع ده ومعاك الاسره
- شغلك كمان هيبقي محتاج من حضرتك تركيز في الاول علشان تثبت نفسك فيه لان ده الهدف الأساسي للسفر
- هتبقي محتاج تقلل التكاليف في الاول لحد ما تقدر تعرف تكاليف المعيشة قد ايه و تضبط امورك

من خلال ما سبق هتلاقي انه عمليا يفضل ان حضرتك تسافر الاول لوحدك تتعرف علي المكان و تظبط عملك و السكن و حياتك هناك و بعد كده تاخدهم معاك و الدنيا متظبطه و الامور مستقره و لحد لما يجولك ممكن تكلمهم كل يوم علي سكايب مثلا صوت و صوره و تطمئن عليهم

المشاركة الأصلية كتبت بواسطة land_cruiser

لو عايز نصيحتي حضرتك سافر الاول لوحدك لعده أسباب :-
- هتبقي لسه مسافر جديد و محتاج تبقي حركتك اسهل في البحث عن سكن مناسب او حتي لشراء بعض الأثاث المكمل لو كانت هناك شقه و كمان ممكن تحتاج تغير مكان السكن اكتر من مره لو ما عجبكش او لقيت حاجه افضل او اقرب لعملك
- هتبقي محتاج تعرف اماكن شراء كل حاجه منين و الاسعار و ده هيستلزم انك تلف شويه في البلد و هيبقي صعب تعمل الموضوع ده ومعاك الاسره
- شغلك كمان هيبقي محتاج من حضرتك تركيز في الاول علشان تثبت نفسك فيه لان ده الهدف الأساسي للسفر
- هتبقي محتاج تقلل التكاليف في الاول لحد ما تقدر تعرف تكاليف المعيشة قد ايه و تضبط امورك

من خلال ما سبق هتلاقي انه عمليا يفضل ان حضرتك تسافر الاول لوحدك تتعرف علي المكان و تظبط عملك و السكن و حياتك هناك و بعد كده تاخدهم معاك و الدنيا متظبطه و الامور مستقره و لحد لما يجولك ممكن تكلمهم كل يوم علي سكايب مثلا صوت و صوره و تطمئن عليهم

شكرا لك صديقي علي ردك و اري ذلك منطقي و عندك حق فيه 100000000000000000000%
لكن المشكلة الوحيدة هي كون زوجتي وحيدة و لا يوجد اقارب و ابني 9 شهور دا اللي كان بيخليني ادور علي طريقة اخودهم معايا بس الحمد لله اعتقد بعد كلام ا/ محمد (فوق) انا استوعبت ان الموضوع مبياخدش وقت ان شاء الله.
تحياتي و سكرا لمرورك
أحمد

المشاركة الأصلية كتبت بواسطة engaass

انا اسف جدا ان كلامى ممكن يكون محبط بس هيا دى الحقيقة
اولا موضوع مينفعش تعمل اى حاجة فى السعودية حاليا من غير اقامة
انا هاحكى تجربتى الشخصية
اولا فترة اصدار الاقامة ليه علاقة بحجم الشركة يعنى كل ما الشركة تكبر كل وا وقت صدور الاقامة يزيد لان المعقب بيبقى معاه عدد اكبر
انا شغال فى بن لادن والاقامة خدت 81 يوم عشان تطلع وورق الاستقدام خد 3 اسابيع عشان يتمضى من الشركة بس اول ما مضيت الورق عملت استقدام فى خلال 10 ايام كانو معايا
اهم حاجة داوقتى انك تكون موثق شهادة التخرج من السفارة السعودية بالقاهرة ودى مش الملحقية الثقافية ده الختم اللى بالطابع ابو 30 ريال لانك هتحتاج تخنم الشهادة فى السعودية من وزارة الخارجية عشان بيشترطو ده فى الاستقدام
انا مهندس والكلام ده بيسرى على كل الوظائف المسموح لها بالاستقدام ما عدا الاطباء متهيئلى مش بيحتاجو موضوع ختم الخارجية
للامانة فيه واحد صاحبى جاب مراته بعد حوالى 40 يوم من مجيئه السعودية وانا خدت 4 شهور
الموضوع هنا لا يخضع لاى قواعد بس الميار الرئيسى هو حجم الشركة وعدد العمالة فيها
انا اسف جدا اذا كان كلامى محبط بس انت فكرتنى بنفسى فى موضوع الاستقدام ده فانا بحاول انقلت الصورة الصحيحة لان كل واحد بيحكى تجربنه من وجهة نظرة ودى مش ثابتة فى السعودية
وعلى فكرة موضوع وزارة الخارجية ده بيصروا عليه جدا فى جدة بس الرياض مش بيدققوا عليه بس لو ختمتها فى مصر مش هنخسر حاجة لان ارسال الشهادة مصر للتوثيق عملية بتاخد حوالى 10 ايام
وزى مباقولك القواعد ممكن تختلف من محافظة لمحافظة
وربنا يقدملك اللى فيه الخير
واسف مرة تانية اذا كان كلامى محبط بس بصراحة انا كنت خلاص هاقرر انزل بسبب تاخر صدور الاقامة وعدم القدرة على عمل اى حاجة بدون الاقامة

الأول احب اشكرك جدا علي كلامك و صراحتك و ولا داعي للاعتذار الموضوع ان شاء الله مفيهوش حاجة ولا في احباط انا متفهم قصدك.
بص انا اللي طلعت بيه من المواضيع دي انه بالزن كل حاجة بتخلص و حاليا بخلص في ورقي و ورق زوجتي اللي بيتعمل في مصر عشان مسيبهاش تلف كتير علي اد ما اقدر.
القلق بالنسبالي في حاجة تانية ان شاء الله لما اقدم علي الاستقدام؛ انا معايا مؤهل ليسانس حقوق لكن مجال شغلي هو المشتريات و علمت بعد كدا ماجيستير لوجيستيات تجارة خارجية و دا اللي علي اساسه جالي شغل في الرياض. الموضوع بقا اني شغلي ان شاء الله في المشتريات و كدا كدا هاقدم الماجستير و المؤهل في السفارة هنا للتوثيق بس قلقان ان الاختلاف دا يعملي مشاكل في الاستقدام. ايه رأيك؟
تحياتي ليك و شكرا جدا لصراحتك
أحمد