السلام عليكم ورحمة الله
ممكن اعرف من حضراتكم
اجيب ايه يكون موجود معايا للاحتياط والاستخدام
فى الصيانات البسيطه للسيارة
من عدد وادوات من مفكات وكابلات وخلافه
وشكرا جزيلا
السلام عليكم ورحمة الله
ممكن اعرف من حضراتكم
اجيب ايه يكون موجود معايا للاحتياط والاستخدام
فى الصيانات البسيطه للسيارة
من عدد وادوات من مفكات وكابلات وخلافه
وشكرا جزيلا
كوريك تمساح 1.5طن
زراديه + مفك عاده + مفك صليبه + مفتاح 10 +مفتاح 13 علشان اوطيش البطاريه
ولو حبيت كابلات توصيله بطاريه
مفتاح بوجيهات
اتمني الموضوع ده يفيدك
http://www.nilemotors.net/Nile/195073-a.html
و بخصوص علبة العدة للصيانات الخفيفة
هتحتاج بنسة و قصافة و مفك عادة و صليبة يفضل في نفس المفك لتوفير مكان و مفاتيح بدءا من مفتاح 10 حتي 17 او 19 و سواء كل طرف مقاس او مفتاح نفس طرفين نفس المقاس طرف مفتوح و طرف مقفول و المقفول ده أفضل للمحافظة ع المسامير و ممكن بيبة كمان للمقاسات الصغيرة و مفتاح بوجيهات و بجنيه سلك ربط من اي موان و شيكرتون و wd-40 و علبة شحم صغيرة و لحام ايبوكسي
ديه بعض العدة اللي مخليها معايا في العربية دايما و بصراحة نفعت كتييير و مرة من المرات الريداتير اتخرم خرمين و اضطريت افكه في الشارع عشان اطلعه الحمه بالايبوكسي و ركبته تاني و اتخرم تاني بعد حادثة عملتها قريب و الايبوكسي نفعني في اللحام برده بس بدون فك لأن الاخرام كانت ظاهرة و غيرها من الصيانات الخفيفة من تغيير بوجيهات و تيل و الحاجات الخفيفة ديه :)
معلش يا متر ديما واجع دماغك بالاسئله ربنا يباركلنافيك هو الايبوكسى ده بكام ومنين
يا باشا تحت امرك
الايبوكسي عند اي موان او محل كماليات و في كارفور و سعره 10 ج عبارة عن انبوبتين فيه مواد بتتخلط ببعض بنسبة 1 : 1 يعني الكمية من الانبوبة الاولي اد التانية ع اي حتة ورقة او كارتونة و طبعا كمية ع اد اللحام و تقفل الانبوبتين تاني و هم انبوبة المادة فيها ابيض و الانبوبة التانية اسود و و تخلطهم كويس بالمعلقة الجاية مع الانبوبتين و النتيجة المادة اللي هتلحم بيها لونها رمادي بس لازم بسرعة لانها بتنشف في حدود 2 دقيقتين و معايا مفيش دقيقة و ابتدت تنشف ع الورقة و بعد ما تخلط تمشيها بالمعلقة ع الجزء المراد لحامه بعد ما تنضفه و تتأكد انه مش مبلول اخر مرة لما الريداتير اتخرم اضطرت استني يجي تلت ساعة لحد ما المية فضيت منه عشان اقدر الحم :)
اعتقد انه ايضا من الادوات المهمه بكرة شريط لحام كهرباء لاى ظرف يكون فى سلك عريان يتم لف شريط عليه حتى لا يحدث ماس وينفع فى اشياء اخرى
أحب أزود
1- حبل أو سلك صلب علشان تتقطر او تقطر حد فى أوقات الضرورة القصوى فقط
2- كشاف صغير من اللى بيتشحنوا بينفع قوى فى أوقات كتير