انت كل ده ماشي بالموتور و هو بيرزع !! انت قلبك جامد جدا
عرض للطباعة
لأ الكستبانات بس هية اللى بترزع :Oc_sun1[1]::Oc_sun1[1]:
اما العربية مركونة دلوقتى
مش بتمشى غير 4 ك فى اليوم على السلانسية
والدى بياخدها الشغل وطبعا معندوش فكرة الموتور فية اية
كل مااقولة عايز افك الموتور يقولى الصبر حلو !!!
فكبرت دماغى لما الدنيا تظبت معايا وافكها انا
:coming-soon[1]::coming-soon[1]:
السلام عليكم ياشباب
انهاردة بعد صلاة الجمعة كلمت واحد صاحبى وجبت منة عدة وابتيدت فك
ودى صور بعد مافكيت
http://nileup.com/up/uploads/nilemotors_13784982931.jpg
http://nileup.com/up/uploads/nilemotors_13784982932.jpg
http://nileup.com/up/uploads/nilemotors_13784982933.jpg
http://nileup.com/up/uploads/nilemotors_13784982934.jpg
http://nileup.com/up/uploads/nilemotors_13784982935.jpg
http://nileup.com/up/uploads/nilemotors_13784982936.jpg
http://nileup.com/up/uploads/nilemotors_13784982937.jpg
كدة بعد عذاب مع بلية الكاتينة الثابتة
الحمد لله فكيتها
وفكيت البستم رقم 4 عشان دة ابعد نقطة فى البلوك عن طرومبة الزيت
والحمدلله السبيكة والكرنك سلام جداااا والشميز الحمدلله 100 فل
اللى مخلنيش كملت هية بلية الكاتينة المسمار بتاعها هرش منى واقعد اروح اجيب عدة
وحجات من عند دة ومن عند دة وفى الاخر حليتة ببنسة زرجينة
وكسرت كمان البلية اللى ماشتغلتش 10 الاف
ودى صورتها
http://nileup.com/up/uploads/nilemotors_13784982938.jpg
ان شاء الله بكرة اكمل واغسل الموتور
وابلغكم بالجديد
عشان انهاردة بلية الكاتينة خلتنى قفلت من الشغل
وادعولى بالتوفيق
سلام
ربنا يعينك و يوفقك
البنزينة only...
انت بتفك بنفسك !!!
طيب رقمت البساتم قبل ما تطلعهم ؟
سلام عليكم بعد ماكملت فك امبارح طلع فية بستمين مكسرين
كلمت الاستاذ وليد نجيب (shekoo) وطلع ساكن جنبى فى العمرانية وقالى هسالك على حد جنبى وفعلا سئل على واحد فى العمرانية فى شارع الثلاثين والراجل قالة البستمين عاملين 100 ج وانا على طول سمعت السعر وقولتلة انا جيلك فى الطريق وصلت العمرانية امبارح وانهاردة الصبح الراجل جزاة الله خيرااا اسر انة يجى معايا عند التاجر وروحنا للتاجر ولقتة بيقلب فى بساتم لانوس قولتة ياعم انا عايز البستمين اللى انت قولت للاستاذ وليد عليهم قالى طلعوا امبارح قولتلو طيب شوفلى غيرهم بس بتاع نوبيرا مش لانوس لان الاثنين 1500 قالى فى مكنة اهى نوبيرا هفكلك منهم البيل بالبساتم وانت خدهم على 350 ج قولتنلو لأ انا عايز بستمين بس قالى انا كدة هفكلك دول وهبوظ نص تحتانى ب1500ج فخلصنا فى السعر على 300ج وهو بيفكهم وقلب البلوك الزيت اللى فية نزل وكان مطحن !!! معنا ان الموتور دة كان مدخل مية على الزيت قولت عادى بعد فك الاربع بيلات لقيت واحد سليم والباقى مكسر!!؟؟ لية كدة قالى هتاخدهم بوش سبيكة قلتلو دول مكسرين ومينفع خالص فى اللى انت بتكلم علية قالى خلاص براحتك تجيب 275 وتاخدهم قللتة لا شكر انا جيلك من الفيوم لغاية هنا وفى الاخر تدينى بيلات مكسرة المهم سيبتة ومشيت فالاستاذ وليد قالى فية واحد تانى روحنالة قالنا 200 الاثنين ومن هنا لهنا خلصناهم ب170ج البساتم بابيلات حاليا دلوقتى انا رجعت الفيوم وبعد العشاء ان شاء الله هروح المدينة الصناعية اجيب طقم شنبر وباقى قطع الغيار
انت صبور قوي انا مقدرشي علي القرف ده ابدا
انا برمي العربية عند صنايعي مضمون و اسيبها و امشي اقصي حاجة بشوف مرحلة الفك و التركيب بالعافية
لأ ياباشا انا لازم اعمل الحاجة بنفسى بعيد عنك بقى دة مرض نفسى
انا عندى 3 مكانيكة اصحابى وكلهم هيعملوها ومش هياخد فلوس
بس انا بقى كدة
على العموم انا هقوم ادبها سهرا لغاية ما ادورها باذن الله
ربنة يقويك يا استاذ احمد ، حلو اوي انك تعمل شغلك بنفسك ، انا عندي مشكلة وعاوز نصيحة ، ا نا جبت شورت بلوك للنوبيرا من حوالي سبع شهور استيراد والمكنة طلعت وحشة وفيها طقم شنبر ، ومش عارف دلوقتي اعمل عمرة ولا اجيب شورت بلوك تاني .
وهل طقم الشنبر بيحتاج حل الموتور بالكامل
الحمدلله ياشباب دورت المكنة انهاردة الساعة 3.10 قبل الفجر
بس دورت من غير كارتيرة ولا غطا تكهات ولا شكمان ولا خراطيم فاكيوم ولا اى حاجة خالص
يدوب بس اطمن انها دارت وبطلت على طول عشان ابقى نايم مرتاح
وانهاردة على بليل كدة هفنشها خالص
وابتدى اطلعها تشوف الطريق تانى باذن الله
ألف مبروك يا ريس..طمنا بقى النهارده لما تفنشها ان شاء الله :)
طمنا يا احمد ايه الاخبار
الحمدلله دورت العربية وكل حاجة 100 100
بس كان فية رجة على السلانسية وبعد الكشف على حجات كتير كانو سلام
قررت افك وش السليندر واشوف الصبابات
وكانت المفاجئة 3 صبابات بايظين
الصبابات اللى بياظة بتوع كامة البنزين فى كل غرفة صباب واحد بايظ
يعنى ثلاث غرف الحرق فيم وحش وهم اللى عملين الرجة الجامدة اللى على السلانسية
دلوقتى جارى البحث عن الثلاث صبابات
بس انهاردة الجمعة والمحلات هنا قافلة
هحاول كدة واقلكم على اللى حصل
ربنا معاك احسن حاجه انك بتعمل شغلك بنفسك
بسم الله ماشاء الله
اللهم صلى على النبى
احلى حاجه انك شغال بإيدك
ربنا معاك
بس معقوله لو زيت مغشوش هيعمل كل ده
مش ممكن تكون المشكلة بسبب حاجه تانيه غير ظاهره
الحمدلله يارجالة وديت الوش للخراط انهاردة وطلع فية 6 صبابات بايظين غيرهم وقفلت الحمدلله قفلت المكنة المغرب ودورت والحمدلله الموتور ظبط جامد قوى وصوت الموتور بقى ناعم والدنيا زى الفل وطلعت جربت على الطريق والاداء 100 فل قوى
طيب كويس عقبال الباقى بقه وتخلص
سلام عليكم يارجالة
عاملين ايه
بعد ما قفلت الموتور والعربية ظبطت فى الجرى وجبت جركنزيت جديد
هو امارات 5000 هما بتاع المحلات مسمينة كدة
بس هو اسمة بروتك بيرموم ومكتوب علية صنع فى الامارات...
ما علينا هو شكلى اخد عين حلوة
اول امبارح واحد ربنا ينتقم منة قفل عليا
وكسرلى مراية شمال تمنها
وراح مسقطنى فى بلاعة
وكسرت كرتيرة زيت الموتور
والشكمان اطبق وبقى صوت عالى جدااااااا
وطبعا جركن الزيت اللى متهنتش بية راح فى الارض
المهم ربنا كرمنى واشتريت كرتيرة استيراد 140ج
وظبط الطبة بتاعتها عند الخراط 10ج
وحطيط الزيت اللى كنت بلين بية
كدة فاضل الشكمان لازم يتغير من عند الفرن لغاية علبة البيئة
حد عندة فكرة عن اسعارة لانى سئلت هنا فى الفيوم قالى بيعمل 260ج
لا حول ولا قوة إلا بالله
خير الحمد لله
قدر الله وماشاء فعل
فية دلوقت عند واحد بتاع استيراد ماسورة بالسوستة حالة حلوة
بس من عند الفلانشة اللى بتربط فى علبة البيئة ومقطوعة
انا بقى عايز اكمل بالفلانشة بتاععتى لغاية علة النص والغى علبة البيئة خالص
زى نظام الانوس الهاف كدة
كدة كدة علة البيئة فاضة ومعلية والصوت ومخشناه
ربنا يعوض عليك يا أحمد
انا عن نفسي لاغي علبة البيئة وعامل مكانها ماسورة والعربية بقت فايقة عن الأول بس الصوت علي سنة لكن مش مشكلة.
Ahmed Nasser
الله ينور عليك وعلى والديك .... تسلم ايدك على الشغل الجميل جدا وتسلم اوى على رفع صور
وربنا يعينك
:uuuup:
وفى طلب من ادارة المنتدى بتثبيت الموضوع مع تنسيقة
شكرا جزيلا وبالتوفيق
عسي ان تكرهو شئ وهو خير لكم