المشاركة الأصلية كتبت بواسطة khaled lanos
ربنا يعوض عليك..كان المفروض أول ما لمبة الزيت تنور تقف على طول او لما لقيت العربية بتطلع دخان ومش مظبوطة تقف بردو..انا لسا جايب متور استيراد ولمبة الزيت نورت ومشيت عليها والمتور اتكسر من جوا.
المهم عشان انا لسا طالع من الحوار دا هديك الخلاصة..
لو على كوستبانات بس..توكل على الله وغيرها وغالبا طرمبة الزيت هتتغير معاها..
يعني لو المتور كله سليم سبايك وبساتم وكامات وكرنك..الخ..ماعدا الكوستبانات والشنبر مثلا..دول تغيرهم أسهل على طول ومش هتتكلف..(هيبقى جوان بـ 55 جنيه) والشنبر (150-200 جنيه تقريبا) كاوتش الصباب (نوع بـ 50 ونوع نضيف بـ 90) وقول مصنعيه 200, غير الكوستبانات والزيت والفلتر قول 700-900
أكتر من كدا تجيب لك البلوكة التحتانية استيراد في حدود 1300 تقريبا في حالة لو الدنيا متدمرة عندك تحت ووش السلندر والكامات سُلام.
شوف كدا وأنا متابع معاك..ولو عايز ميكانيكي كويس قولي بردو.