مقارنة شاملة بين (بروتون ساجا الماليزية و رينو لوجان المغربية)
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
كل عام و اتنم بخير و رمضان كريم
انا انشاء الله هقدم لحضرتكم مقارنة بين الساجا و اللوجان لأنهم فعلا الافضل في فئة دية
انا هبدأ باللوجان
المميزات:
العفشة ناعمة الموتور و الغيارات ناعميين اوي اوي
اتساع داخلي رائع شنطة واسعة جدا جدا جدا جدا جدا الثبات ممتاز التقفيل و خاماتة كويسة بالنسبة للفئة دية العربية عالية عن الارض مبيتحكش خلص هي الوحيدة اللي في الفئة دية بتزل جنوط 15 قطع الغيار غالية شوية و لكن متوفرة في كل مكان
و معمرة العربية 4 ازاز كهربا و دية حاجة جميلة و الكاسيت فيها بلوتوث و USB طبعا دة من بداية شهر 9 مش من دلوقتي
العيوب:
الموتور نوعة قديم 8 صباب و انا مش عارف شركة رينو مصممة علية لية؟
العربية موتورها ضعيف بالنسبة ل1600 سي سي
و لكن فيها حاجات رخامة و غلاسة من الشركة
الازاز في التابلوة
الكلاكس في الدراع و دة بيسبب مشاكل للناس اللي بتسوق بأيد واحدة زيي
ثانيا الساجا
المميزات:
العفشة ناعمة انعم من عفشة الجين 2 الموتور ناعم و الغيارات ناعمة جدا جدا
العربيها موتورها شديد اوي 94 حصان و في ناس بتقول انهم بيوصلوا بيها ل95 حصان واسعة من جوة تشيل خمسة مستريحيين فيها باركينج سينسورز العربية شكلها شبابي بذات الluxury جنوط سبور 14 ثبات ممتاز شنطة واسعة و لكن اصغر من شنطة اللوجان العربية الحاجات اللي فيها طبيعية عكس اللوجان يعني كلاكس في الدركسيون ازاز كهربا في الباب الموتور 16 صباب
قطع الغيار متوفرة و بالنسبة للاسعار اسعار متفوتة يعيني ممكن تكون حاجة غالية هنا و رخيصة في اللوجان و العكس
العيوب: استهلاك البنزين عالي بالنسبة لل1300 سي سي و الصاج بتاعها قوي و لكن اضعف من صاج اللوجان
تمت.............
في النهاية الاختيار ليكم
يعني لو عايز عربية عائلية جدا و لكن شكلها و حش و دة من وجهة نظري الشخصية و الموتور بطة شوية بالنسبة للحجم تبقى اللوجان
لو بدور على عربية شبابي عزمها شديد اتساعها الداخلي كويس اوي يشيل 5 شباب مستريحين
تبقى الساجا