بفكر فى حجز الاسبرانزا بس انا ماعنديش خبرة

السلام عليكم
انا عضو جديد فى المنتدى وكنت افكر انى احجز الاسبرنزا وكنت عايز اعرف هى لسه فيها عيوب وكنت عايز اعرف ايه تقريبا اسعار قطع الغيار الرئيسية زى الفوانيس والاكصدام انتو عارفين دلوقتى العربيات بتتخبط وهى واقفة
انا سعيد بوجودى معكم فى هذا المنتدى
على فكرة انا معنديش اى فكرة عن العربيات مع انى معايا عربية 127 فيورا 1985 من حوالى سنتين

أهلا بك عضوا معنا قبل الكلام عن العربيه فيه اجتماع يوم الجمعه القادم معلن عنه فى المنتدى العامو ممكن هناك تركب العربيه و تسوقها بنفسك قبل القرار
بالنسبه للسياره من شهر مارس السياره بتنزل بدون العيوب المعروفه العامه اللى كانت فيها يعنى العفشه صلحوها و التكييف اتظبط و كل الشكاوى القديمه الا تيل الفرامل لسه بيصفر ولكن هذا لا يمنع من وجود بعض المشاكل الفرديه فى بعض السيارات و ده ناتج للعامل المصرى الكفء و عيوب تقفيله لكن المشاكل العامه القديمه انتهت تماما
بالنسبه للاسعاركان فيه قائمه اسعار معلنه بس مش عارف فين حأدور عليها و أعلنها تانى و اتمنى أكون افدنك .....

شوف اللينك ده
http://www.nilemotors.net/Forum/viewtopic.php?t=2198

اولا انا باشكرك على سرعة الرد
ثانيا اشكرك على المعلومات المفيدة الموجودة فى اللينك
بس لو ممكن لو فيه اى اخبار عن اسعار قطع الغيار

اقتباس:

---

على فكرة انا معنديش اى فكرة عن العربيات

---

اركب العربيات قبل ما تقرر

علشان تعرف انهي المناسبة لك واسأل كتير عن كل العربيات ولا تقرر الا بعد الأستخارة بإذن الله

if u are upgrading from 127, it would be a very nice car to u and u'll enjoy it for sure

أحب أضيف بس حاجة يا دكتور إيهاب

بالنسبة للتيل انا عندي مش بيصفر بالإضافة لواحد زميلي هنا بردة استلم في آخر شهر 6 و بردة التيل عنده مش بيصفر، بس الحقيقة هو عنده بعض عيوب التقفيل البسيطة

وحثى في السيارات القديمة التي تم تسليمها قبل هذا التاريخ كثير منها التيل لا يصفر ولا توجد منه اي شكوى :wink:

توكل على الله وإحجز ..
ليه تدفع أكتر لمَا تقدر تدفع أقل

ليه تتعب نفسك وتحرق دمك وتقعد تفكر ازاي تتصرف مع بتوع التوكيل في المشاكل اللي انت ناوي تجبها لنفسك

لما ممكن

تحافظ على نفسك وانت ماشي على الطريق وتريح بالك لأنك مش هتلاقي حاجه في العربيه تفكر تحلها ازاي ولاه تفكر تتعامل مع بتوع التوكيل لأن مفيش اصلا مشكلة لأنك شاري عربيه اسمها زيروا

ملحوظة : هناك فرق بين الزيرو والمستعمل ؟

حد يقدر يجاوب

كلام كل مالكى العربيه كويس و بيشكروا فيها توكل على الله و باذن الله مش حاتندم

• الصراحة وبأمانة ما انصحكش بيها يا استاذى
  
  بعد شكوى الاعضاء من التوكيل اللى بيقدم خدمات سيئة ومشاكله مع العملاء الكثيرة
  
  وكمان عدم جودة خامات تصنيع السيارة والعيوب اللى اشتكى منها مالكى السيارة فلا انصحك بها ولاكن اركب العربية
  
  شوفها وجربها قبل ما تحجزها وربنا يوفقك لما فيه الخير

تحافظ على نفسك وانت ماشي على الطريق وتريح بالك لأنك مش هتلاقي حاجه في العربيه تفكر تحلها ازاي ولاه تفكر تتعامل مع بتوع التوكيل لأن مفيش اصلا مشكلة لأنك شاري عربيه اسمها زيروا
quote]
ارجو من سيادتكم ذكر نوع السيارة الجديدة التي لا توجد بها أي مشاكل على ان يكون الوكيل يقدم جميع الخدمات المطلوبة منه وبدون أي مشاكل ايضاً وبدون أي اعتراض

لأ كتير حضرتك متعدش وده مش تفخيم ولا حاجه

وياريت تجوبني انت ........... ايه الفرق بين الجديد والمستعمل ؟
وليه فيه فرق اصلا ؟


وبعدين انا مش هتكلم عن عربيتي علشان محدش يقول تحييز وبتاع ولكن ممكن اللي معاه عربيه جديده يقول لحضرتك من يوم ما اشترى العربيه راح للتوكيل علشان مشكله فيها كام مره

انا واحد من الناس اللي مرحتش للتوكيل ولا مره علشان مشكلة في العربيه والحمد لله ربنا يديمها نعمه وماشي حوالي 12 الف كيلو لحد الأن وقبل كده في التويوتا برضه نفس الموضوع كانت ماشيه 60 الف ومفيش مشاكل ......... غريبه دي ولا ايه


وعلى فكره توكيل عبداللطيف جميل غير عربيه لواحد كانت شاريه شاريد علشان حاسه ان العربيه بتحدف والتوكيل جرب العربيه وحطها على جهاز الضبط وملقاش حاجه وبرضه صممت ان العربيه بتحدف راحوا مغيرين لها العربيه وده ان دل فبيدل ان الراجل بيحافظ على سمعت عربياته وعلى الاقل العربيات مش بتصفر ومش بتسحب ومش بتعطل وهي لسه مكملتشي الألف كيلو واقرأ كلا أخونا حازم خضر على قريبه اللي لسه مكملشي الألف كيلو والعربيه وقفة منه ............ يا راجل هو ده كلام

وياريت بدل ما تقعد تدافع والموقع كله مشاكل شوف حل ودافع عن نفسك في التوكيل
انتم هنا علشان تشوفوا حلول مش علشان تردوا على اللي بيقول على العربيه مش عارف ايه هيا العربيه مش محتاجه لأن اللي يقرأ الكلام اللي موجود في المنتدى هيعرف ولكن واجب علينا كلنا التوضيح للي ميعرفشي

يا استاذنا المشرف على منتدى اخر
انا مش قاعد ادافع وخلاص ذي ما انت كاتب وانا عندي سياراتت جديدة من ماركات متنوعة مع اخوتي والعمل واصدقائي اذكر على سبيل المثال لا الحصر الفيرنا الأوكتافيا الدايو لانوس و الأكسبلوجان وشاهين والأوبل كورسا واخرى كثير ..............عايز تاني اجيبلك
كل هذه السيارات بدون استثاء بها مشاكل وتم الذهاب بها للتوكيل اكثر من مره ولم يتم حل بعضها وكل هذه السيارات لم تتعدى 10-15 الف كيلومتر وبها كم من المشاكل ومعاملة في غاية السوء من التوكيلات الخاصة بها ما يجعلنا نكره اليوم اللي اشتريناها فية
وبدون تحيز زي ما سيادتك تفضلت وانا مقلتش ان الأسبيرانزا احسن سيارة واحسن توكيل ولا حاجة كل ما احاول توضيحة هو ما يحث بالغعل معي أو مه معارفي أو أصدقائي
انا اقول ما يملية علية ضميري ولا أخذ من ابو الفتوح شيء علشان ادافع عنة أو عن سيارات أو توكيلة

والله يا جماعة انا هنا هاذكر على سبيل المثال لا الحصر بعض المشاكل إللي ظهرت في بعض العربيات إللي شوفتها سواء مع أقاربي أو في العمل

بولو كلاسيك
مع واحد قريبي، بيحكيلي إنه بعد ما استلم العربية (العربية تقفيل ألماني) بيومين لقى الجلد غللي على عصاية الفتيس مافكوك لوحده و كل شوية بيقع علشان الخياطة بتاعته فكت !!!!!!

فيرنا 2007
لسة جايبين عندنا في الشغل فيرنا مابقالهاش اسبوع، ركنها سواق عندنا في الشركة تحت الشغل و طلع، و بعد ساعتين ثلاثة كنا نازلين إتفاجأنا و بجد والله إتفاجأنا بإن مرآة الصالون اللزق بتاعها فاكك و واقعة في أرضية العربية!!!!!!!!!!!!!!!!، و كل كاوتش البيبان واقع و شكلة كأنة مش ماسك في حاجة في الصاج !!!!!!!!!!!!

و الكثير من الماركات الأخرى، و بجد لا يتسع المجال لذكرها ، لأن مش هدفي هو إظهار ماركات أخرى بشكل سئ، لأن الكمال لله واحدة يا جماعة ، يعني ماحدش يجي يقولي أصل مافيش عربية مافيهاش مشاكل و إنها 100 و كاملة من مجاميعة

اقتباس:

---

المشاركة الأصلية كتبت بواسطة محمد صبري ابراهيم

والله يا جماعة انا هنا هاذكر على سبيل المثال لا الحصر بعض المشاكل إللي ظهرت في بعض العربيات إللي شوفتها سواء مع أقاربي أو في العمل

بولو كلاسيك
مع واحد قريبي، بيحكيلي إنه بعد ما استلم العربية (العربية تقفيل ألماني) بيومين لقى الجلد غللي على عصاية الفتيس مافكوك لوحده و كل شوية بيقع علشان الخياطة بتاعته فكت !!!!!!

---

البولو كلاسيك برازيلى

و الخامات المستخدمة فيها اقل من المستخدمة فى العربيات الاعلى من فولكس زى الباسات , البورا, الجولف, البولو

ده علشان يقللوا التكلفة و العربية تبقى منافسة

التوكيلات الممتازة و اللى كل الناس بتشكر قيها, و العربيات نادرا لما تحصل فيها مشكلة
هذكر بعض منها

1- تويوتا
2- دايهاتسو
3- رينو
4- كيا (الوكيل الجديد)

دى الناس بتقول اشعار فهم

سواء معاملة او سيارات

بفكر فى حجز الاسبرانزا بس انا ماعنديش خبرة
ده عنوان الرساله بتاعتك , و طالما معندكش خبره يبقى اشترى عربيه مضمونه مش كل شويه تلاقى عيوب فيها و انت مش عارف العيب ده ايه و منين ....... و الأسبرانزا كلها عيوب و مشاكل .... و ربنا ينجيك من مشاكلها و عيوبها .

التوكيلات الممتازة و اللى كل الناس بتشكر قيها, و العربيات نادرا لما تحصل فيها مشكلة
هذكر بعض منها

1- تويوتا
2- دايهاتسو
3- رينو
4- كيا (الوكيل الجديد)

دى الناس بتقول اشعار فهم

سواء معاملة او سيارات

ضيف عليهم لوسمحت
لانسر توكيل مصرية فرع مصر الجديدة - جسر السويس - كله 100 100 مفيش مشاكل ناس محترمة جدا مواعيد مظبوطة انجاز فى العمل و هذا أهم شىء بالنسبة لى . نضافة فى الشغل بيحطوا كيس بلاستيك على الكرسى و دواسة أرضية وكيس على الطارة و بتتعامل أكنه متوصى عليك. بالنسبة لفرع قليوب لم أتعامل معه. العربية عاملة دلوقتى معايا 13000 كم أتوماتيك - مصرية - و لا مشاكل حتى الأن و لله الحمد دائما. وتقبلوا خالص مودتى :)

انا عايز بردة أضيف للتوكيلات المحترمة

توكيل هوندا

استاذ معاذ

بس توضيح

البولو الكلاسيك إللي بتكلم عليها هنا ديه موديل 2002 (تقريبا)

إللي هي أول ما نزلوا البولو الكلاسيك و كانت ألماني (حسب كلام قريبي)

يا استاذ e1a2f يا عضو في المننتدي بتاعنا المحترم

مع احترامي لحضرتك انت اللي نقيت العربيات اللي فيها مشاكل
وانا هقولك على عربيه وقولي مين وكام واحد راح التوكيل علشان مشاكل في العربيه وهي عربيه تعتبر ارخض عربيه في بلد الصنع بتاعتها

اللانســـــــــــــــــــ ــــــــــــــــــــــر


قول بقه والعربيه مغرقه مصر كلها من اولها لآخرها احنا مثلا في المنصورة اللانسر دي عامله زي 128 مش في المضمون طبعا ولكن في الأنتشار

وعمري مشفتها واقفه عطلانه ولا واحد زهقان مع التوكيل ولا ماشيه بتصفر ولا حد اشتكيى من تكييفها ولا اي حاجه والله وبكل أمانه واكيد كل اللي في المنتدى عارفين لأن الموضوع زي الشمس وواضح جدا

اذا كنت انت حضرتك مجربتشي حاجه من اللي مش بيبوظوا فدي مشكلة حضرتك انك بتنقى العربيات المعروف عنها انها فيها مشاكل زي الكورسا والدايو طبعا والفيرنا كمان والأوكتافيا يوجد في بعضها مشاكل كهرباء وده كلام الناس اللي راكبنها في اوروبا في مندتدياتهم

هو احنا ياجماعة مش هننفض من مشاكل الاسبرانزا والكلام عنها ، يا حماعة كل واحد يقول رأية بدون اى خروج عن القواعد العامة للرأى اى بدون تجريح او الدخول فى مشدات لا داعى لها وكلاً منا له رأى يجب ان يحترم وعلينا ان نترك للرجل الاختيار فى النهاية ولسنا اوصياء على احد ، ولست ادرى متى ستنتهى مشكلة المشاكل الاسبرانزا
واشكر كل الاخوة الذين ابدوا رأيهم دون اى تحيز او تقليل من الاخرين او زيادة دون داعى وفق الله الجميع

لا تعليق
لأن مثل هذه الردود هي التي تفخم المواضيع وتكبرها وتعملها حجم وهي ملهاش حجم لن احنا بنتكلم في نطاق المعقول ولا يوجد شئ يوجب ان حضرتك ترد بهذا الكلام فأرجوا الا تضخم ما ليس له هذه الضخامة ................... وبرضه احنا بنتكلم عن عربيات ايه اللي مزعل حضرتك

لأن مثل هذه الردود هي التي تفخم المواضيع وتكبرها وتعملها حجم وهي ملهاش حجم لن احنا بنتكلم في نطاق المعقول ولا يوجد شئ يوجب ان حضرتك ترد بهذا الكلام فأرجوا الا تضخم ما ليس له هذه الضخامة ................... وبرضه احنا بنتكلم عن عربيات ايه اللي مزعل حضرتك( اقتباس )
ياسيد ابو عبد الله
من الملاحظ ان ردك دائما يتسم بالحدة مع الكثير ، ولذا ارجوا منك يا اخى ان تقرأ الموضوع جيداً حتى تستطيع الرد بشكل منطقى فأنا لست فى منافسة معك او مع غيرك
ولست فى خصومة ايضاً مع سعادتكم ، كما انك دائماً ما تستشهد بأيات قرانية واحاديث لذا فأننى اتوسم فيك الرد بأقل حدة وانفعالاً وخذ الامور ببساطتها ولا داعى فى المغالاة هكذا فى الرد وبعدين يا اخى ابو عبد الله اذا كنت بتتكلم فى العربيات امال انا بأتكلم فى اية ؟ ولا انا زعلان ولا حاجة بس كل ما فى الموضوع اننى لاحظت ان المداخلات تمشى فى طريق المشدات ومن الاحسن والتحيز وغيرة
مع تقديرى وشكرى لسعادتكم ولادبكم الجم الذى عاهدنكم عليه

لا تعليق

إلى الأخ صاحب الرسالة الأصلية:

فى اسبرانزا ظاهرة لا تتكرر فى باقى السيارات وهى أن كل سيارة منها لها خصائص وعيوب مختلفة عن باقى أخواتها ..فاللى تلاقيه هنا حلو تلاقيه فى اختها عطلان ، والعيوب فيها منتشرة - وتوجد منها حالات لكن نادرة لا توجد بها عيوب ...انما القاعدة انك لازم هتلاقى حاجة تتعبك وانت وبختك...

وبالنسبة لوجود عيوب صناعة فى الماركات الأخرى فدى حالات نادرة وفردية بعكس كونها ظاهرة شبه عامة فى الاسبرانزا.

وعلشان كده رأيى انك تشوف أى ماركة تانية مع كامل احترامى لمالكيها.

مفيش عربيه كامله :
التويوتا .. عربيه ممتازه فى كل شئ .. ولكن خفيفة مع السرعة وده يعتبر عيب لايمكن إصلاحه .
المتسوبيشى .. فيه منه أشكال وألوان خليجى ناس تقول 100% وناس تقول إبعد عن الخليجى .
فولكس جينتا .. عربيه ضيقه من الداخل رغم كمالياتها العالية .
حتى البى إم وعن تجربة صديق جاب واحده زيرو .. بتاكل زيت .. حاول يرجعها لبسوله الموديل الأكبر وبتاكل زيت برضه ودوخوه فى التوكيل وحاولوا يقنعوه إن ده العادى .. والراجل ربنا يزيده دايماً معاه المرسيدس آخر موديل وقال لهم فى توكيل مرسيدس الحكايه دى طبعاً ضحكوا .
أعتقد إن دى عيوب ملهاش حل .
ياجماعه مفيش شئ كامل إللى الله عز وجل
والناس إختلفوا حتى على الله .. فما بالكم العربيات .

يا استاذ طارق كلامك مظبوط ولكن
ولكن عيوب عن عيوب تفرق

يعني لما اشتري عربيه ضيقه ده مش عيب زي ما اشتري عربيه بتصفر وفراملها مش مظبوطه والتكييف مبكيفشي وكده

موضوع ان العربيه ضيقه او الناس يتقولك ابعد عن الخليجي ده ليس انتقاص من اداء العربيه او تخليني ادفع فيها فلوس علشان صيانتها او تتعبني في وقتي ومجهودي واعصابي علشان اقعد اثبت حقي في تغيير اللي بايظ فيها في الضمان بتاعها ده لو كان فيه ضمان اصلا

وبرضه العيوب اللي حضرتك ذكرتها ليست عيوب اداء وعمر افتراضي وليست مكلفة وليست مجهولة والعربيه مش هتعطل مني على الطريق علشان ضيقة من الداخل

قصدي يا ابو عبد الله بك
انه كثير من السيارات بها عيوب وكما تفضل الأخوة وذكروا بعض عيوب السايرات الأخرى والسايرات التي ذكرتها منتشرة جدا في مصر وارجو ان لا تأخذ الموضوع بالشكل الحاد دة
وفعلا الانسر هي سيارة جميلة وكنت بحبها فعلا ولكن عيب الانسر الذي لا يقاوم انها تزحف على الأرض وعايزة كل ما الواحد يركب فيها ويعدي مطب صناعي ينزل كل الراكبين معه لرفعها حتي تعدي ومع ذلك بتخبط في المطب
وده عن تجربة بردة
اذا اردت ان ترد رد بس بدون انفعال صحتك يا اخي اهم من السيارات التي صنعها الإنسان ولا شيئ كامل من صنع الإنسان ابدا ولايمكن ان يخلو من العيوب

e1a2f كتب :-
وفعلا الانسر هي سيارة جميلة وكنت بحبها فعلا ولكن عيب الانسر الذي لا يقاوم انها تزحف على الأرض وعايزة كل ما الواحد يركب فيها ويعدي مطب صناعي ينزل كل الراكبين معه لرفعها حتي تعدي ومع ذلك بتخبط في المطب
وده عن تجربة بردة

تجربة إيه ديه ؟ أنا معايا الانسر الخليجي وأنا وزني فوق ال 190 كيلو وكان معايا والدتي واختي وولادها وحوالي 3 شنط سفر وبعض المتلقات الأخرى وراجعين من المطار على شارع ناهيا ربنا مايوريكم الشارع ده عامل إزاي مطباته جبال والعربية بسم الله ما شاء الله مالمستش الأرض نهائي يبقى إزاي بتزحف في الأرض يا جماعه خليكوا منطقيين ، هو اللي مايلقاش في الورد عيب يقوله يا أحمر الخدين !!!!!!!!
أنا مش ضد أو مع لكن الواحد لازم يكون منطقي قولي بالله عليك مين شفته اشتكى من الانسر أو منن التويوتا ( سيبك من موضوع الثبات على ال 180 ده ) هو مين هيفضل يجري بيها كده على طول ، لكن كل شويه تيل بيصفر دريكسيون بيدب ببيبان بايظه تكييف مش شغال أبصر إيه مش عارف إيه ، يا راجل بقى ده إسمه كلام ، بقه أنا أشتري عربية زويرو وكل يوم يطلعلي فيها عيب ويتحرق دمي ، لا إله إلا الله .

على الأخ السائل أن يأتي إلى أي اجتماع من أجتماعتنا لكي يرى ويجرب بنفسه ويقارن بين مختلف الأنواع والمركات

وإن كانت الظروف لا تسمح لحضورك مقابلاتنا أنصحك أن تقرأ مداخلة الدكتور أحمد جيدا

ألى الأخ السائل
تجد ان هناك 4 -5اشخاص هم المعارضين للسيارة والباقي اما بيشكر فيها واما او على الأقل ساكت يعني لو عندة حاجة وحشة مكنش قال لية؟
وعن التجربة فتمت في السيارات الانسر القديمة مش الجديدة وان لا اتجنى عليها ابدا
وان كانت الجديدة لا يوجد بها هذا العيب فهنيئا لأصحاب الانسر سيارة جميلة وربنا يبارك لكم فيها
والله بدون تعصب

رد بايو احسن رد وكل واحد حر في اختيارة

e1a2f كتب :-

ألى الأخ السائل
تجد ان هناك 4 -5اشخاص هم المعارضين للسيارة والباقي اما بيشكر فيها واما او على الأقل ساكت يعني لو عندة حاجة وحشة مكنش قال لية؟
وعن التجربة فتمت في السيارات الانسر القديمة مش الجديدة وان لا اتجنى عليها ابدا
:?: :?: :?: :?: :?: :?: :?: :?: :?: :?: :?:
اولا :- نشكر حضرتك إنك وضحت إن التجربة كانت في الانسر القديمة مش الجديدة .
ثانيا :- حضرتك نحن لا ناقة لنا ولا جمل اللي يشتري اسبرنزا يشتري ولا مايشتريش هو حر أنا لا هزيد ولا هقل ، بس الواحد بصعب عليه لما كل يوم يسمع شكاوى أصحابها ومش عيب إني أنصح أخي لوجه الله إنه ما يفكرش يجيبها ومابقولوش هات نوع معين السوق مليان عربيات محترمه ومفيهاش مشاكل بالحجم البشع ده اللي تخلي الواحد كل يوم في التوكيل علشان يعدل ويفك ويركب ، يا أستاي الفاضل أنا في حياتي أول مره أسمع عن عربية زيرو زيرو واخد بالك تروح التوكيل علشان تتعدل عليه دريكسيون وتيل بصفر وتكييف مش شغال ساقع علشان لازم تفصل البارد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالمة ده كلام يا ناس .
ثالثا :- كان لي الشرف بتجربة قياده سياره الخ المحترم / جمال أبو شنب الاسبرنزا وأبديت عليها ملاحظاتي كاملة بدون اي تعصب .
رابعا :- أنتم في رابطة الاسبرنزا كل يوم واحد يشتكي من مشكله معينه والتااني يقول المشكلة ديه مش عندي ، يا سيدي الفاضل ديه في حد ذاتها مصيييييييييييييييبة ؟؟؟؟؟
إن كل عربية خارجة من المصنع بمشكلة شكل واعتقد الكلام واضح .
خامسا :- على الأخ صاحب الموضوع ركوب السيارة وتجربتها بنفسه لكي يقرر ما يريد ، وإن كنت أعرف قراره مسبقا .

استاذي الفاضل ا اسلام نشكر سيادتك على الرد
ولو سيادتك اخذت بالك من أخر المشاركة السابقة لي ان كلام ا بايو سيلم بشان تجربة السيارات واتفق معه تماما في اي سيارة سواء الاسبيرانزا اوغيرها وانا مقلتش انه يشتريها بدون مايشوفها ويجربها كمان وما حددتش اي سيارة وبردة كل واحد حر في اختيارة في اي سيارة ويتحمل وحدة مسئولية
وشكرا لسيادتك مرة اخرى
وتحياتي