الي يحبس حد في قبر ... ويقلك ده هزار ياترى عقوبتوا. أية !!

https://encrypted-tbn3.gstatic.com/i...07T3N0Y4_yu5gg

الي يحبس حد في قبر ... ويقلك ده هزار
ياترى ده عقوبتوا. أية !!

ايام مكنا صغيريين ... بيقلك ان امرءة ً حبست قطة ولم تطعمها ولم تسقها فدخلت النار .... وان رجل رأى كلباً يلهث ويأكل الثرى من شدة العطش فسقاه فدخل الجنة .

ده انا لمن كنت بشوف قطة واجي اخوفها او اجري وراها واعملها دور رعب وكانني هشوتها شلوت في ديلها ابويا كان يضربني ويقلي حرااااام عليك يا ابني ده مخلوق من مخلوقات ربنا .... المهم اني اتعلمت اني حرام اخوف اي مخلوق من مخلوقات رربنا ... فما بالكم بقه. بواحد اهطل يجيب بني ادمين ويجيب ناس ينزلهم قبر تحت الارض ويقوم دفنهم بالحياااااا في غرفة مفهاش اكسجين مفهاش ضوء بالاضافة لتعبان يقرصك بسمو. بالاضافة. لخفافيش. بتطير مع احتمال جنحها يفقع عينك او تلزق في وشك .... وكل ده بغرض المتعة ... يعني انا بدفن انسان في قبر تحت الارض وارعبوا علشان استمتع. وانبسط وادحك وادحك اصحابي عليه ، ياترى لو اتعمل فيك كده هترضى وهتقول هاهاها حلوة تاني والنبي تاني .... وياترى لو انتا بتعمل كده في الناس يببقى. لاي مستوى من الانحطاااط انتا وصلتلوا االانحطاط الاخلاقي .

هل انتا يا سيدي بتنبسط كمشاهد لمن تشوف انسان مدفون تحت الارض حتى ولو كده وكدة
وهل خلاص الدحك شاااححح في السوق ومش لاقين حاجة ندحك عليها ... ومبندحكش غير على بهدلت الناس وتعذيب الناس !!! ثم مفيش اعتبااااار للناس الكبيرة الي بتجبها دي ( فاروق الفيشاوي الي قد ابوك. ولا الفنان خالد عجاج الي سنوا لا يقل عن ٦١ سنة وكان هيموووت فيها ولا نجم النجوم الفنان احمد بدير الي وصل ل ٦٥ سنة. ربنا يديلو الصحة وطولت العمر قادر ياكريم يارب مفيش اعتبار لسن الناس دي ولا حتى اعتبار للحجة الفنانة المتالقة المبدعة المتميزة هيفاء وهبي ... اااااااه يامجررررررررررم روح منك لله يا شيخ .

@@@@@@@@@

وتحياتي

وروى أبو داود عَنْ عَبْدِ الرَّحْمَنِ بْنِ أَبِي لَيْلَى قَالَ : ((حَدَّثَنَا أَصْحَابُ مُحَمَّدٍ صَلَّى اللَّهُ عَلَيْهِ وَسَلَّمَ أَنَّهُمْ كَانُوا يَسِيرُونَ مَعَ النَّبِيِّ صَلَّى اللَّهُ عَلَيْهِ وَسَلَّمَ فَنَامَ رَجُلٌ مِنْهُمْ فَانْطَلَقَ بَعْضُهُمْ إِلَى حَبْلٍ مَعَهُ فَأَخَذَهُ فَفَزِعَ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَحِلُّ لِمُسْلِمٍ أَنْ يُرَوِّعَ مُسْلِمًا))
وروي عن عامر بن ربيعة رضي الله عنه أن رجلاً أخذ نعل رجلٍ فغيَّبها وهو يمزح ، فذكر ذلك لرسول الله صلى الله عليه وسلم فقال عليه الصلاة والسلام : ((لا تروعوا المسلم فإن روعة المسلم ظلمٌ عظيم))

بارك الله فيكي يا اختي. بالفعل جبتي حديثين فعلاً في الصميم
لا وبعدين شوفوا الفرق شوفوا الفرق بين الكميرة الخفية عندنا في مصر ومستواها المنحط
وبين الكميرة الخفية في ألمانياااا مثلاً

[youtube]http://www.youtube.com/watch?v=pVfWBO-FRTk&sns=em[/youtube]
‫كاميرا خفية المانية ٬التلفزيون العجيب ههه‬‎ - YouTube
انصحكم تشوفوه هتدحكو من قلبكم وتندهشو
يعني بجد بجد فرق بين السما والعمى ... عمرنا شفنا شخص الماني بيرعب اخوه الالماني او شب فرنساوي بيتمسخر على اخووه الفرنساوي. استحاله .... وتحياتي

ماهو مادام مفيش فيهم راااااااااااااجل يحافظ علي كرامته ويرفع عليه قضية يلففه هو واللي مشغلينه حولين نفسهم . كل سنة هيقرفونا بقرفهم السخيف ده.

هيفاء اخدت 350 الف جنيه كتعويض.

وكلهم علي فكرة بياخدو فلوس علي انه يعتبر اعلان دعائي واستخدام شهرتهم لترويج السياحة. ووقع بلسانه اللي عايز قطعه في حلقة احمد بدير لما قال فيما معناه ( وطني ايه يااستاذ احمد دنتا اخدت فلوسك كلها قبل ماتتحرك من القاهرة ).

فكلها مصالح في مصالح .

مفيش طريقة نوصل لرامز انه سخيف والمفروض يكبر شوية. محدش قاله انه اتفطم من زماااااااااااااااان ولا ايه.

حرام و الله اللى بيعمله رامز ده هل مجاش فى باله ان فيه ناس عندها القلب و الضغط و السكر
وفيه ناس ممكن لا قدر الله تموت فعلا


انا شوفت ناس علامات الموت كانت خلاص عليهم

انا على ما اسمع ان هيفاء خدت ٩٠.٠٠٠ دولار
يعني بما يعادل ٦٦١ الف جنية مصري تعويض + بالاضافة لحلقة تحسين صورة. لانها سبيتلوا الدين في الحلقة وشعبيتها. قلت جداً عند الشعب المصري وزي ما انتوا عارفين شعب مصر شعب متدين واصيل نتفرج على الهيشك بيشك اه نشوف منظار اااه بس حد يتكلم عن دينا كده ولا كده لأ طبعاً ... نقاطعوا ومنتابعش اعمالوا نهائي مهما عمل. فديدو كليبات .

وبالفعل لو عاوزين نتكلم جد شوية فعلاً فعلاً زي ما قال استاذ يحيا انا برضوا شفت علامات الموت وصلت للناس يعني بجد كل واحد فيهم خلاص هيموت هيموت بجد . فمعقوله اشوف اخويا المسلم يوصل لدرجة الموت علشان انا اموت على نفسي. من الدحك ... باي منطق وباي دين ... ثم الفلوس الي خدتهم الفنانة المتالقة. الامعة هيفاء وهبي. مش مصر وفقراء مصر وايتام مصر ومعاقيين مصر. اولى بيهم. يا اخي لو الفلوس دي حرقينك قوي. شوف اي ارملة سورية او مصرية بتعول يتامى ادهوملها تستر على عيالها واطفالها ... يا اخي بلاش ادهوملي انا استر على عيالي واطفالي هههه ... وتحياتي

اقتباس:

---

المشاركة الأصلية كتبت بواسطة y a r i s

انا على ما اسمع ان هيفاء خدت ٩٠.٠٠٠ دولار
يعني بما يعادل ٦٦١ الف جنية مصري تعويض + بالاضافة لحلقة تحسين صورة. لانها سبيتلوا الدين في الحلقة وشعبيتها. قلت جداً عند الشعب المصري وزي ما انتوا عارفين شعب مصر شعب متدين واصيل نتفرج على الهيشك بيشك اه نشوف منظار اااه بس حد يتكلم عن دينا كده ولا كده لأ طبعاً ... نقاطعوا ومنتابعش اعمالوا نهائي مهما عمل. فديدو كليبات .

وبالفعل لو عاوزين نتكلم جد شوية فعلاً فعلاً زي ما قال استاذ يحيا انا برضوا شفت علامات الموت وصلت للناس يعني بجد كل واحد فيهم خلاص هيموت هيموت بجد . فمعقوله اشوف اخويا المسلم يوصل لدرجة الموت علشان انا اموت على نفسي. من الدحك ... باي منطق وباي دين ... ثم الفلوس الي خدتهم الفنانة المتالقة. الامعة هيفاء وهبي. مش مصر وفقراء مصر وايتام مصر ومعاقيين مصر. اولى بيهم. يا اخي لو الفلوس دي حرقينك قوي. شوف اي ارملة سورية او مصرية بتعول يتامى ادهوملها تستر على عيالها واطفالها ... يا اخي بلاش ادهوملي انا استر على عيالي واطفالي هههه ... وتحياتي

---

لا نتكلم جد اكتر بقي ... ونشوف طريقة فعلية او حملة ايييييييييييييي حاجة نوصل ليه بيها انه مرفوووووووووووووض وكفاية سخافة كدة بقي ياعم رامز واكبر شوية.

هاااااااااااااااااا مين قال انا عندي فكرة وانا داااااااااااااايس معاه.

انا كان نفسي هيفاء تموت ونرتاح منها
ومع اني شايف الاسلوب مستفز الا اني بفرح قوي في ناس معينه بكرهها :)
وده رايي الشخصي

اقتباس:

---

المشاركة الأصلية كتبت بواسطة mr_vampire

لا نتكلم جد اكتر بقي ... ونشوف طريقة فعلية او حملة ايييييييييييييي حاجة نوصل ليه بيها انه مرفوووووووووووووض وكفاية سخافة كدة بقي ياعم رامز واكبر شوية.

هاااااااااااااااااا مين قال انا عندي فكرة وانا داااااااااااااايس معاه.

---

انا اعتقد. ان الموضوع ده لازم يكون نابع من فنانين مصر
والممثلين ذات نفسهم ... انهم يرفضوا اي عيل يخش يستهزء بيهم في الوسط الفني ... يعني مثلاً يحرموه من التواجد معهم في الافلام والمسلسلات ويرفضوا التمثيل معاه او الشغل معاه ... يعملولوا تعليق عضوية في النقابة يرفعوا قضية رد اعتبار ضدو .... بجد بجد الكميرة الخفية. المصرية بقيت سيمجة على الاخرررر .... فين يا اخي كميرة الخفية بتاعت زمان كنا نقعد نستناها بعد الفطار بفارغ الصبر وكانت لزيزة وفيها ادب ... ده في كميرة خفية تانية لواحد مش فاكر اسمو ( تقريباً اسمها الدنيئة ). قال ايه شب وبنات في كافية ويقعد يشتم فيها وهيا تشتم فيه شتايم قذرة وفي النهاية ياخود موبايلها لغايت ما يطلعها عن شعورها وقبل ما يكسروا المطعم. بعد ما كفرها يقولها كنا بنهزر معاكي دي الكميرة الخفية ههههه. يا ام الهيافة انا بصراحة السنة الي فاتت عجبني شوية برنامج مراتي في ورطة كان لزيز وخفيف لحد ما ... اما مش البرنامج بتاع رامز مره يخطفهم في صحرا ويبين حوادث الخطف والنهب في مصر ويخوف العرب انهم يجو مصر ويدمر السياحة ببرنامجوا. السخيف ومره يدفن لي الناس بالحياة في قبر ... يعني واخرتها ايه ياترى السنة الجاية هيرمي الناس في النيل ولا هياخود الفنانين يغطسوا في البحر الاحمر يتفرجو على المرجان ويقوم قاطع عنهم انبوبة الاكسجين والهوى !!

يا جماعة ما تتحمقوش قوى كده هما بيمثلوا الحكاية و كلهم عارفين من قبلها و محدش اتروع و لا حاجة وواخدين فلوسهم و تمام التمام استمتعوا بالرنامج من غير قلبكوا ما يتقطع
ده اصلا لو الترويع ده حقيقى ممكن حد يجيله سكتة قلبية و ابو رامز ينام على البورش

اقتباس:

---

المشاركة الأصلية كتبت بواسطة cameeron

يا جماعة ما تتحمقوش قوى كده هما بيمثلوا الحكاية و كلهم عارفين من قبلها و محدش اتروع و لا حاجة وواخدين فلوسهم و تمام التمام استمتعوا بالرنامج من غير قلبكوا ما يتقطع
ده اصلا لو الترويع ده حقيقى ممكن حد يجيله سكتة قلبية و ابو رامز ينام على البورش

---

كانوا عاملين تقرير فى جريدة الفجر ان البرنامج ده كله تمثيل بدليل ان لما بيجيبوا كاميرا تصوير ليلية وان الغرفه مظلمه
بيبقى فيه ضل للفنان والله اعلم

تفتكرو هيفاء تبقي عارفة انها بتتصور. وتسب كمية السب اللي قالته ده ؟؟؟؟؟؟؟؟؟

هي الفلوس اللي بيخدوها للتصوير مفروغ منها. انما غير كدة لا اعتقد.

اقتباس:

---

المشاركة الأصلية كتبت بواسطة mr_vampire

تفتكرو هيفاء تبقي عارفة انها بتتصور. وتسب كمية السب اللي قالته ده ؟؟؟؟؟؟؟؟؟

هي الفلوس اللي بيخدوها للتصوير مفروغ منها. انما غير كدة لا اعتقد.

---

ياباشا انتو بتحسسوني ان هيفا وهبي دي خضرا الشريفة .. ماكل ده شو واعلان عن فنها الراقي :))

وبعدين الشغل ده كله تمثيل × تمثيل

هو انا لو مكان رامز السخيف التافه ده وجبت ضيف من الضيوف ومستحملش الصدمة دي ومات ياترى هقول لربنا كنت بعمل فيه مقلب؟
ولا حد من اهله هيسيبني؟

كله تمثيل ياجدعان والله

انا مش مقتنع انه مقلب 100*100 على الال بيكونوا قايلين لهم ان في مقلب هيتمل فيكم حتى لو مش قايلين ايه هو المقلب بالظبط بس بيعرفوهم الاول ان في مقلب هيتعمل لكن فجأه كده لا اعتقد ولو واحد قلبه ضعيف ومات يعني ؟

اقتباس:

---

المشاركة الأصلية كتبت بواسطة eng f3lix

ياباشا انتو بتحسسوني ان هيفا وهبي دي خضرا الشريفة .. ماكل ده شو واعلان عن فنها الراقي :))

وبعدين الشغل ده كله تمثيل × تمثيل

هو انا لو مكان رامز السخيف التافه ده وجبت ضيف من الضيوف ومستحملش الصدمة دي ومات ياترى هقول لربنا كنت بعمل فيه مقلب؟
ولا حد من اهله هيسيبني؟

كله تمثيل ياجدعان والله

---

انا بتكلم في جزئية وحضرتك بتتكلم في جزئية تانية.

انا بتكلم في جزئية ان واحدة زي ده باحساسها بنجوميتها وشعبيتها ده كلهاااااااااااااااا عمرها ماهتشتم وتسب وترضي انها تظهر بالصورة ده وهي عاااااااااااااااااارفة انه مقلب.

ممكن تقبل انه يبقي مقلب بس عالاقل مش هتقبل تظهر بالسب واللعن ده كله.

انما جزئية الفلوس فده شيء مفروغ منه.

ماهو ده الي بنقول عليه وعلى فكرة لمن هيفاء وهبي راحت على الكرفان بتعها
وقالها بنهزر معاكي قالتلوا. ابقى قول الكلام ده للمحامي بتاعي .... يبقى منين عارفه انها بتتصور ... انا مش قادر اقتنع. انو ده تمثيل ... بس الي دحكني الواد سعد الصغير لمن شاف تعبان على الحيط قلع فردة الجزمة وراح يضربوا على الحيطة هههههه تقولش بيضرب صورصار ماشي على الحيطة :)

مريض نفسيا رامز ده

البرنامج اساسا مش حقيقي وممكن بعض الحلقات القليلة واحدة او اثنين
والكلام ده عن طريق صديق صاحبه يبقي اخوا الفنانة نشوي مصطفي
علي لسان الاخ بيقول ان المخرج بيكلم نشوي ويقولها في برنامج وكده وحاجة لطيفة مقلب خفيف علشان رمضان
وبيتم الاتفاق علي الاجر وتروح تعمل الحلقة اما بتكون عارفة المقلب او لا معرفش بصراحة
ولو تلاحظوا هتلاقوا نشوي مصطفي وعلاء مرسي علي سبيل المثال فكل المقالب تقريبا كل رمضان
والله اعلم الحقيقة فين ده الي سمعته والي مقتنع بيه
تحياتي يا عمدة ..

حبيبي يا بوحميد احياناً بشك في الموضوع ده
لغايت ما شفت حلقة صابرين. في. رامز قلب الاسد. هيا مثلت عليه انوا اغمى عليها وكده وفي النهاية قالتلوا عليك واحد و انها قريبت محمد الحلو واتربت في السيرك ومتعودة على الاسود وعرفت انك جي تعمل فيا مقلب فعملت انا فيك الملقلب ده

[youtube]http://www.youtube.com/watch?v=ZnV0PYbODW8&sns=em[/youtube]
‫رامز قلب الأسد - صابرين‬‎ - YouTube

حبيبت قلبي صابرين .... مبددعة

اقتباس:

---

المشاركة الأصلية كتبت بواسطة y a r i s

وزي ما انتوا عارفين شعب مصر شعب متدين واصيل نتفرج على الهيشك بيشك اه نشوف منظار اااه بس حد يتكلم عن دينا كده ولا كده لأ طبعاً ... نقاطعوا ومنتابعش اعمالوا نهائي مهما عمل. فديدو كليبات .

---

متتصورش يا صديقى البلاتينيوم انا مقتنع بالجملة دى ازاى

ياجدعان اكيد مش عارفين !! يعني هي هيفاء وهبي لو عارفة هتقعد تسب الدين طول الوقت وتقول الالفاظ الزبالة اللى اتقالت !! مظنش يعني !

بالنسبة للاخ رامز .. فهو هيموت موته بشعة :d

تم نشر الموضوع على الفيس بوك
يمكن حد كدة ولا كدة يشوفة ويوصلة للمتخلفين اللى بيعملو البرنامج دة

ماشى ياجماعه اكيد فيه ناس بيبقوا عارفين انه مقلب على الاقل
لكن واحد زى خالد عجاج ده ده كان هايموت بجد ولو انى بردو اشك لان الناس دى بتقنعنا فى افلامها بالشخصيه اللى بتمثلها شم هايعرف يقنعنا بانه بيموت !!!!!!

لكن بجد احنا لو فى دوله محترمه تعرف يعنى ايه حقوق انسان حتى لو الناس عرافه انه مقلب بيتعمل فيها شوف كا طفل ممكن يحاول يعمل كده فى اخوه الصغير ولا حتى فى واحد صاحبه من باب انه بيهزر ماهو شاف رامز بيعمل كده

احنا لو فى دوله محترمه مكانش البرنامج ده خد تصريح بالتصوير او انه يطلع فى التليفزيون اساسا
ولو كان اتعرض كان زمان رامز ده مسجون

اللى هتكلم عليه ويهمنى بخصوص الموضوع ده شئ واحد وهو (القدوة السيئة)...محدش ينكر ان التليفزيون دلوقتى بقى بيشاركك فى تربية عيالك غصب عنك...افرض ياسيدى ان الليلة كلها متفبركة والناس عارفة المقلب وقابضة الثمن برضه مينكرش انها جريمة اخلاقية فى حق الاطفال والنشء ومثال حى لانحطاط الاخلاق فى البلد ولا حول ولا قوة الا بالله

أنا بقول انه تمثيل من أوله لأخره.

حتى التمثيل لازم يكون عليه رقابه
انت لو سبت الناس تعمل الافلام اللى على هواها المجتمع هايزيد سوء وده اللى حاصل دلوقتى

رامز ده انسان تافه اصلا

انتوا بتقولوا فيها انا مره كنت معدي على مدرسة ثناوية اسمها مبارك كول ببص لقيت خناقه والطريق مقفول وعيل قالع الفنيلة وواقف في الشارع وماسك سلسلة في ايد ومطوة في الايد التانية فكرني بفيلم عبدو موته او فيلم بتاع احمد السقا ابراهيم الابيض ...
ده بالفعل كان بيمثل دور ابراهيم الابيض ومستعد يشرح اي حد يوقف قداموا رغم انو مجرد طفل
بس هو جسد نفسوا في دور ابراهيم الابيض البلطجي الصايع وعايش الدور

الاطفال بطبعهم بيقلدوا بالملي .اي حاجة يشوفوها او يسمعوها .. ده حتى الكلمات المصرية القبيحة. الناس اول ما تسمعها في التلفزيون تلاقي الكلمة تتقال لاي حد وفي اي وقت دون وعي لمعناها ...
المهم ماعلينا شوفتوا حلقت النهردة جالكم كلامي اهي مها احمد وقعت من طولها وسورقت. وكانت هتروح فيها لولا ستر ربنا

https://encrypted-tbn0.gstatic.com/i...A0y_gbbxomuqon

سلامتك يا بيضة
بس بالزمة. بالزمة. يعني جوزها لمن يعرف ان واحد بيهزر مع مراتوا وحبسها في قبر تحت الارض
هيعمل فيه ايه ياترى هيضربوا ولا هيدحك ويقول هاهاها راحت عليكي وعليكي واحد !!!

البرنامج مصروف عياه جامد تجهيزات ومعدات واجور ... يا ترى بيلم تمنه منين ؟

يعنى هو جوز مها كان ايه فى رامز قبل كده لما بهدلها فى رامز تعلب الصحراء ولا اسمه مش فاكر

لو كان حد بهدله وعمله فضيحه مكنش بقى موسم ورا موسم