عرض للطباعة
انا بافكر فى شراء عربية من 40 -50 الف وفكرت فى الأوبل استرا وكنت عاوز اعرف معلومات عن موتور استرا 1200 من ناحية القوة والعزم والأعتمادية وسعر قطع الغيار والأهم موضوع الصيانة سهلة ولا معقدة انا كان معايا كورسا 1000سى سى وبعت علشان الحساسات وهل الموتور ده هو موتور الكورسا 1200 وهل صيانته اسهل ولا صيانة الموديلات اللى بعده اسهل المبلغ ده يجيب موديل 2004 وهو طبعا اقوى لكن اهم نقطة عندى مسألة الصيانة انا متعقد من الحساسات
هى عربيه ممتازة داخلة معايا فى السنة الثالثه وكانت مع اخويا من الزيرو موتورها 1200 اربعه سلندر 2 كامة 16 صباب وده بيخليك متحسش انها 1200 بس والموتور ايكو تيك ثباتها ممتاز وطبعاً انت عارف الاوبل وممكن تجيب بيها لحد 170 وكمان 180 زى الفل وثبات مفيش كده اما الصيانه والحساسات نفس مشكله الكورسا بس اعتقد هى افضل شويه انا شخصيا متعبتنيش مرة قريب لمبه الاعطال نورت ولما كشفت طلع حساس الايه جى ار وتم تنظيفه من شهر وزى الفل وسافرت بيها الساحل ورجعت وزى الفل الحمد لله قطع الغيار موجوده ومفيهاش مشاكل واسعارها ارخص من موديلا 2003 الى 2006 وصيانتها اسهل وعلى فكره موديل 2000 تقفيل المانى و2001 و2002 اسبانى اما 2003 : 2006 برازيلى وبالتوفيق
موتور الاسترا 1200 سي سي موديل 2000 نسخه بالكربون من موتور الكورسا الالف زود سلندر بس بدل ما 3 في الكورسا اربعه في الاسترا
موديل 2001 اللي فيه عداد RPM نفس الموتور لكن البوابه بقت كهرباء و موتور اقوى شويه من موديل 2000
موديل 2000 بتجيب ماف و ايدل اكيد انت عارف زي الكورسا ال 1000
موديل 2001 بتجيب ماف بس
الموتور لو معاك ناس و مشغل تكييف و بتطلع كوبري هتحس انه ضعيف و هتسقط نقله
موديل 2000 موتور x12xe و 75 حصان
موديل 2001 موتور z12xe و على ما اذكر 80 حصان
موتور الكورسا الالف x10xe
معلش موضوع الحصنه والعزم لو في وقت هجيبهملك بالتفصيل ان شاء الله
اشكر الجميع على الرد وانا منتظر موضوع الاحصنة والعزم بالتفصيلاقتباس:
المشاركة الأصلية كتبت بواسطة ashourashour