بالفيديو "تويوتا كورولا" تنقلب بسبب حفرة على الطريق !!!

**mm_mohamed** · 28-07-2013 05:41 PM

متهيئلى الظروف كلها مش حفرة بس و هو ضرب فرامل زى ما عمر قال

**scropion71** · 28-07-2013 10:54 PM

ربنا يسترها على كل من يسوق وبعدين الحادث غريب جدااااا وهو جاء فجاء وملحقش حتى يضرب فرامل اعتقد انة فى عيب فى العجل

**2CODE** · 30-07-2013 04:11 PM

المشاركة الأصلية كتبت بواسطة mm_mohamed

متهيئلى الظروف كلها مش حفرة بس و هو ضرب فرامل زى ما عمر قال

ولو يا باشا دي كورولا الشكل الجديد يعني المفروض مهما حصل في الطريق معاك ABS تفرمل على المياه وحفره عادية ياما عندنا بناخد حفر وعلى سرعات والحمد لله بنطلع منها تمام

المفروض الشكل الجديد من الكورولا يكون افضل كثبات وTraction عن الشكل القديم

**mikology** · 30-07-2013 04:57 PM

فى حاجة دخلت تحت العربيه من قدام عند العجله اليمين و خبطت فى المقص و الدوشمه الشمال - مع الفرمله العربيه قفزت لفوق
عيدو الفيديو اكتر من مره وركزو هتشوفوها

**sherif222** · 31-07-2013 12:41 AM

ربنا يسترها معانا ... أنا افتكرتها فى مصر

**medo111** · 01-08-2013 10:33 PM

الحفره تقريبا كبيره والعجله كلها نزلت وممكن تكون اتحشرت ودا الي قلب العربيه مع السرعه

**ahmed_h_g** · 04-08-2013 04:44 AM

حادث عادى جدا" ويحصل مع أى عربية
لكن المشكله الأساسيه فى حادث الكورولا وزنها الخفيف

**Y a r i s** · 04-08-2013 04:58 AM

ألله ألللللله ... ليه كده يا بوحميد
فيديو زي ده المفروض يعدم. لانو فيديو مغرض وفوتوشوب ويثير البلبلة في سوق العربيات ... ثم يا جماعه العيب مش عيب تويوتااااا ... اولاً دي مش حفرة دي بلاعة مفتوحة. وهناك فرق سيدي الرئيس .... يجي واحد يقلي يعني بلاعة تعمل كده في كورولا. اقولوا لا طبعاااااااً
لكن شوف حكمت ربك يا واد يامؤمن .... في الثانية سته كان في وحده بتعدي الشارع. قام الواد بتاع التويوتا عاكسها وفي النهار اي في وضح النهااااار .... بدل ما يركز في الطريق ... اظاهر طلع راسوا من الشباك وقال للولية ( حلالاوتك يا ااااابيض .... اااايييييه جي ولا الدور الي جي ) وادي كانت النتيجة واخرة المشي البطال .

بالنسبة للاعتمادية. ... الواد السواق طبعاً طالع سليم بسم الله مشاء الله ده اول هااام وتاني هاااام العربية بسم الله مشاء الله بسم الله مشاء الله خمسة وخميسة وسته وسديسة حولها وحوليها هينزل الواد السواق ينده على اي كباتن ماشيه في الشارع ويقلهم والنبي ايدكم معايا يا شباب وهيعدلها ويمشي بيها زي الفل :) .... وتحياتي

**dr.hazem** · 04-08-2013 05:28 AM

المشاركة الأصلية كتبت بواسطة mikology

فى حاجة دخلت تحت العربيه من قدام عند العجله اليمين و خبطت فى المقص و الدوشمه الشمال - مع الفرمله العربيه قفزت لفوق
عيدو الفيديو اكتر من مره وركزو هتشوفوها

+1

Sent from my Xperia Arc S using Forum Runner