ساعدونى اشترى دايو ريسر ولا لا ؟؟؟؟؟؟

**Manar Mohamed** · 28-07-2013 06:35 AM

السلام عليكم ورحمه الله وبركاته
انا اول مره اشارك فى المنتدى محتاجاكم تساعدونى انا معروض عليا دايو ريسر
1995 1500 سى سى وصاحبها مغيرلها الموتور ومركب موتور لانوس من حوالى 8 شهور علشان قطع الغيار يلاقيها على طول و عامله حوالى 185.000 كم وهيركبلها فتيس جديد علشان فى مشكله فى القديم بسبب مطب اخده بالليل هى اوتوماتيك وتكييفها كويس وحالتها معقوله محتاجه بعض المصاريف بس من غيرها تشتغل عادى ومحتاجه بعض السمكره فى حدود حوالى 400 جنيه
هى سعرها معروضه عليا على 19000
علما بانى عارفه صاحبها كويس جدا وهو حد محترم وقالى على كل حاجه من قبل ما اشوفها وانا ضامنه كلامه كويس جدا انها كويسه ومش هتعطل بيا وتقف منى (ودى اهم حاجه عندى) بس قلقاااااااااااااااانه جدا من موضوع قطع الغيار لانى سألت قالوا موجوده بس مش كتير وانى مش هلاقيها ولو لقيتها هلاقيها غالية علشان هى نادرة
محتاجه رأيكم فى كل حاجة تخص العربية دى (قطع غيار -كفاءه- تصليح-اى معلومات ) ونصيحتكم ليا اشتريها ولا لا خصوصا انى لسه متعلمه السواقة ودى هتكون اول عربية ليا
ولو مش عاجباكم ايه اللى ممكن اجيبه بنفس السعر ده او 20 مثلا
معلش انا عارفه انى طولت عليكوا بس قلت اشرحلكوا كل حاجه علشان تقدروا تساعدوووونى
وشكرااااااا جدا ليكم :)

**hosspop** · 28-07-2013 08:05 AM

بصى أنا هقولك نصيحة و اللى فية الخير ربنا يوفقك فية (نصيحة من واحد راكب أمريكى )

حاولى أبعدى عن العربيات الغريبة و القليلة لأنها ليها أسلوب تعامل معين

*قطع الغيار عايزة طولة بال و لف كتير
*مش أى ميكانيكى يفهم فيها
*الناس العدية اللى فى الشارع لو لا قدر الله عطلتى مش هيفدوكى
*قصة قلة قطع الغيار دى بتحطك تحت فكرة حاجة أسمها ( الأستيراد ) و دى مش حاجة كويسة
*لسة متعلمة جديد يبقى أركبى حاجة سلسة و سهل التعامل معاها و مع أعطالها
*أنتى بنت فاحوار وقوفك على أيد صنايعية أو لف على قطع غيار هيبقى صعب أو مستحبل ليكى
*العربية ميزتها الراحة و لو عطلت أى حاجة فى نص ساعة أجيب قطعة الغيار من عند البقال و أى ميكانيكى يركبها بكل سهولة و هو مغمض

أسف لو طولت عليكى بس أولا و أخرا القرار ليكى و أنا معرفش العربية دى بس أنا بتكلم من سبيل تجربة مع حالة شبيهة و مش عارف هل المقارنة تنفع ولا لأ بس حبيت أقولق تجربتى

و أحب أقولك تانى أنا معرفش العربية دى و اكيد اللى عندة العربية هيقدر يفديك أكتر منى
و ربنا يكرمك أن شاء الله و اللى فية الخير ربنا يقدمهولك

**el diesel** · 28-07-2013 09:08 AM

المثل بيقول ابعد عن الشر وغنيله
عربية نادرة - موتور مش بتاعها - فتيس اوتو فى الكورى قبل 2010 يبقى بتظلمى نفسك
ومفيش حاجة اسمها عربية ما بتعطلش وقطع غيارها هاتدوخى وراها الا لو اشتريتيها استيراد وده عامل زى البطيخة مش مضمون وكمان حايحطك تحت رحمة الصنايعية وده مش مستحب لأول تجربة ليكى
المبلغ اللى معاكى يجيب
سوزوكى ماروتى تسعينات
فيات 128 اواخر تسعينات وحالة نضيفة
فيات ريتمو 86 1300 سى سى
مازدا 323
فيات ريجاتا 88 /89 وتركبيلها تكييف
عربيات موجودة - قطع غيارها موجودة وببلاش - صنايعية اى حد مش لازم متخصص

**el diesel** · 28-07-2013 12:27 PM

بصى على العربية دى ممتازة و تبع حد من كبار اعضاء المنتدى
http://www.nilemotors.net/Nile/369525-1302.html

**ahmedzizo131** · 28-07-2013 01:52 PM

بسم الله الرحمن الرحيم
كعربية ( فى منتهى الجمال من حيث الكماليات )
كقطع غيار و اعادة بيعها صعب جدا
فنصيحة ابعدى عنها خصوص انها اول عربية ليكي
و بالتوفيق باذن الله

**Amr Elshamy** · 28-07-2013 01:57 PM

الرايسر عربية محترمه جدا وانا معايا اسبيرو وفيه تشابه بينهم وقطع غيارها متوفرة فى بورسعيد معرفش بقي فى القاهرة ايه النظام واي ميكانيكي عندنا بيشتغل فيها وعلى فكره انا كمان اسبيرو وحاطط موتور لانوس 1 كامه ومريحني جدا بفضل الله وع فكره الميزة انها ب 19000 وملاكي .. احنا عندنا ب 17000 ومنطقة حرة يعني انتى كسبانه جدا ومش هتخسري بس المشكلة حاليا فى الفتيس هل هيتم تركيب فتيس " المدفع " ولا هيصلح القديم ومشكلة القديم ايه وانا هفيدك باذن الله ....

**Manar Mohamed** · 28-07-2013 03:29 PM

hosspop شكرااااااااااااااا جدا بس بالنسبة لانى كنت محتاجه اعرف رأيكم عن تجربة مش عن كلامى انا يعنى هل فعلا قطع غيارها مش موجوده هتغلبنى ولا ايه بالظبط ؟

el diesel شكرا جدا جدا على مساعدتك بس بصراحة انا مش بحب العربية دى :(

ahmedzizo131 واضح انك بتشكر فيها اهو وحتى لو هبيعها بعد كده وهيبقى صعب مش اهم من انها تفضل معايا فتره اتعلم فيها وتبقى تحت ايدى ولا ايه ؟؟؟

Amr Elshamy كلامك عن العربية طمنى شويه بصراحة هم بيقولوا ان قطع غيارها عندنا مش متوفرة شويه ولو لقيتها هتبقى اغلى شوية من العادى وانا مش عارفة اتأكد من ده وكمان لما ودديتها للميكانيكى اللى جنب البيت قالى اشتغلك فيها بس انتى اللى هترووحى تجيبيلى قطع الغيار
وبالنسبة للفتيس هو هيغيره خالص ويركب واحد جديد كانت مشكلته انه اخ مطب بالليل وسبب مشكلة فى الفتيس وهى انه بيحس بالنقلة متأخره شويه وبس كده وهو هيغيره وهيتكلف حوالى 1700 يا رب اكون قولتلك كل المعلومات

**Mohamed ELOoL** · 28-07-2013 06:45 PM

اوع تتطهور :)
افتكر اني اولتلك بلااش :)

1- قطع الغيار
2- الصنايعية هيعقو فيها
3- مش اعتمادية يعني مش هتعرف تبيعها

دة غير كدة واضح من كلامك انها حلتها مش اوي

**SYD** · 29-07-2013 04:55 AM

المشاركة الأصلية كتبت بواسطة Manar Mohamed

السلام عليكم ورحمه الله وبركاته

وعليكم السلام ورحمة الله وبركاته

انا اول مره اشارك فى المنتدى محتاجاكم تساعدونى انا

في البداية أحب أرحب بيكي في نايل موتورز

معروض عليا دايو ريسر 1995 1500 سى سى وصاحبها مغيرلها الموتور ومركب موتور لانوس من حوالى 8 شهور علشان قطع الغيار يلاقيها على طول و عامله حوالى 185.000 كم

انا من واقع خبرتي مع دايو سيليو (اخت الريسر الشقيقة) والتي تشترك معها في المحرك والكثير من قطع الغيار احب اقولك انها متوفرة جداً كقطع غيار ميكانيكية وعفشة وفرامل وكهرباء
اما عن الخوارج والصاج فهتلاقيها عند سرور في وسط البلد (ناصية شارع شمبيليون)
واساسا حضرتك مركبلها موتور لانوس - يعني قضي الامر الذي فيه تستفتيان

اما عن الكيلو متر فهو لا يعبر عن شئ طالما الموتور متغير - مش هيدل علي اكثر من حالة العربية واعتقد هتبان بالكشف علي السيارة في احد مراكز الخدمة

وهيركبلها فتيس جديد علشان فى مشكله فى القديم بسبب مطب اخده بالليل هى اوتوماتيك

بخصوص الفتيس (بتاع اللانوس)
احب اطمنك انه فتيس اعتمادي جدا بشرط الاهتمام بالتبريد ومواعيد الصيانات

وتكييفها كويس وحالتها معقوله محتاجه بعض المصاريف بس من غيرها تشتغل عادى ومحتاجه بعض السمكره فى حدود حوالى 400 جنيه

هى سعرها معروضه عليا على 19000

سعر مناسب جدا ليها
كانت السنة اللي فاتت واللي قبلها بتعمل فـ حدود ال23
وانصحك تمشي بيها علي حالها لحد لما تتعلمي وتعرفي فيها ايه وبعدين تعمليه علي مهلك

علما بانى عارفه صاحبها كويس جدا وهو حد محترم وقالى على كل حاجه من قبل ما اشوفها وانا ضامنه كلامه كويس جدا انها كويسه ومش هتعطل بيا وتقف منى (ودى اهم حاجه عندى) بس قلقاااااااااااااااانه جدا من موضوع قطع الغيار لانى سألت قالوا موجوده بس مش كتير وانى مش هلاقيها ولو لقيتها هلاقيها غالية علشان هى نادرة

من حيث قطع الغيار الاستهلاكية والميكانيكا والعفشة والفرامل مفيهاش اي مشكلة لأشتراكها مع اللانوس والنوبيرا والفيكترا في الكثير من قطع الغيار
وهحط لحضرتك صور توضح كلامي

محتاجه رأيكم فى كل حاجة تخص العربية دى (قطع غيار -كفاءه- تصليح-اى معلومات ) ونصيحتكم ليا اشتريها ولا لا خصوصا انى لسه متعلمه السواقة ودى هتكون اول عربية ليا
ولو مش عاجباكم ايه اللى ممكن اجيبه بنفس السعر ده او 20 مثلا

ممكن بالسعر دة تركبي فيات اونو بس مش هتبقي اوتوماتيك ولا مكيفة

معلش انا عارفه انى طولت عليكما بس قلت اشرحلكوا كل حاجه علشان تقدروا تساعدوووونى
وشكرااااااا جدا ليكم :)

تحياتي