تجمع فطار رمضان 2013 في الرحاب
بنعتذر جدا على تحويلك لقرائة الموضوع لكن عشان الاعضاء بتشتكي جدا انهم مابيشوفوش الموضوعات دي
السلام عليكم ورحمه الله
كل عام وانتم بخير
طبعا كلكم عارفين ان مقابلة الفطار اتلغت عشان اسباب كتير منها احوال البلد
لكن استقبلت رسايل وتليفونات كتير ان الناس عايزة تتجمع
وفي نفس الوقت انا عايز اشوفكم واقعد معاكم
والناس مش عايزة تلتزم بحاجة وتحول فلوس او كدة
فقولت اننا نتجمع مثلا في مكان زي شبراوي ارابياتا الرحاب
وكلنا نوصل قبل الفطار بساعتين ونعمل الاوردر بتاعنا ونقعد مع بعض نستني الاكل وبعد كدة نقعد في اي كافيه في الرحاب
خاصة انها بعيدة تماما عن اي احداث على الساحة دلوقتي
التجمع هايكون يوم الخميس الجاي 1 اغسطس
يا ريت محدش يقول دي بعيدة ما اديكو شايفين اي مكان هايكون صعب عشان مدينة نصر
لكن دي دائري او طريق السويس على طول
تعديل هام
دلوقتي الشبراوي بيستهبل وعامل اوبن بوفيه وجو مش بتاعه خالص :-)
طيب هانعمل ايه
هانكل في الشيف سرحان
مندي وبرياني ولحمه وكدة
وفي حاجات تانية كتير
الاسعار معقولة جدا برضه وهاحطلكم المنيو عشان تتاكدو
بس فيه مشكلة واحدة
لازم اكون عارف العدد قبلها بيوم
يعني بلغني يوم الاربع في الموضوع الاسم وهاتختار وجبه ايه
والنهاردة هايروح زميلنا دكتور احمد عبد الرحمن اللي تاعبينه معانا يحجز 10 مبدئيا
عشان يتحضر الاكل ويتعمل حسابنا
لو سمحتم اللي جاي يكتب الوجبة واسمه في الموضوع لما يكون متاكد انه جاي باذن الله
في الموضوع ده
http://www.nilemotors.net/Nile/370979-2013.html
هاتلاقو فيه المنيو وتكتبو تاكيد الحضور عشان نحجز الوجبات
عشان العدد بيكون مرعب عندهم ولازم الوجبات تكون متحضرة
واللي جاي ممكن يقولنا هنا في الموضوع ان شاء الله
عشان نبقي عارفين العدد تقريبا
نشوفكم باذن الله بالف خير