انا نازل للميكانيكى النهاردة يارب تكون حاجة بسيطة
عرض للطباعة
انا نازل للميكانيكى النهاردة يارب تكون حاجة بسيطة
لو اللى بيدوس فرامل وبيسمع صوت هوا مضغوط فمحتمل ان الفرامل عايز يتسحب لها الهوا من المواسير الا اذا لما بتدوس فرامل العربية مش بتفرمل ولازم تكارك يبقى ساعتها السيرفو محتاج تغيير
هل لو غيرت الزيت ممكن المشكلة تروح عشان اعتقد ان المشكلة بتظهر مع الشغل على الفرامل انما طول مهى باردة كويسة
العربيه عندك مفهاش اي مشكله في السرفو و الدليل ان الفرامل شغاله تمام لو انت مش دايس دبرياج
المشكله عندك في الدواسات و غالبا هتكون الجلبه اللى بتربط دواسه الدبرياظ بالفرامل دي غالبا بتكون متاكله
http://im32.gulfup.com/60tDD.jpg
هي القطعه رقم 8 في الصوره دي
انا بقى عندي مشكله في التيله اللى بتربط الدبرياج و دايخ عليها
ال 500 مم ب35 جنية والعربية بتاخد 500 مم بظبط و حتحتاج شوية لو سحبت زيت كتير من المواسير وانت بتسحب الهواء حتلاقى قربة زيت الفرامل نقصت شوية !!
الاخ الفاضل يحيى
كل عام وانتم بكامل العافيه والى الله اقرب
صدقنى 95% دسك دبرياج
ليه
لما ديسك الدبرياج بينشف بيصبح عايز قوه اكبر وعزم حتى يتم فصله عن الاسطوانه
سيادتك بتدوس جامد بقدمك مضطر على دواسةالدبرياج فبيحصل تشنيكه جامده لمجموعة الدواسات كلها
عايز تعرف اذا كان كلامى ينطبق على حالتك ولا لا؟
دوس فرامل وسيب والعربيه ماشيه بدون دوس على الدبرياج تلاقى الامر طبيعى
المشكله فقط بتظهر عند الدوس على دواسة الدبرياج
على اى حال سايس امورك لغاية ماالدبرياج يفصل منك فجأه بدون مقدمات او يتعب ويتظبط اكتر من مره وساعتها غير دسك واسطوانه وريح دماغك من الفيلم كله
اسال الله ان اكون قدرت افيدك وتقبل الله منا ومنكم الصيام والقيام وسائر الاعمال
ان شاء الله هغيرو فى اقرب فرصة
شكرا على ردك يابشمهندس العربية فعلا عندى سحبها تقيل جداا وبتاكل بنزين ويارب لو هو دة العيب يجيب اخرو منى بسرعة عشان انا زهقت
المهم الميكانيكى الى يفهم ان دة العيب
ويارب تلاقى الى بتدور علية