رينو لوجان vs بروتون ساجا
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
كل عام و انتم بخير و رمضان كريم
انا انشاء الله هعمل مقارنة بين الساجا و اللوجان
هنبدأ باللوجان
المميزات:
العربية واسعة اوي من جوة الشنطة كبيرة تكييف كويس التقفيل و خاماتة كويسين العربية عالية عن الارض و دية حاجة كويسة علشان الطرق الجميلة الناعمة اللي عندنا في مصر صاجها ناشف فيها حليات النيكل و دية مخلية شكلها جميل مش زي الشكل القديم بتاع 2009 العفشة ناعمة هي الوحيدة اللي في الفئة الجنوط بتاعتها 15 و بردة هي الوحيدة اللي الكاسيت بلوتوث و USB و دة طبعا من بداية شهر 9 الميكانيكا بتاعتها سهلة جدا جدا الباور لا نقدر نقول علية خفيف مية و لا تقيل زي الادا ولكن بيديها ثبات على السرعات العالية
العيوب
الموتور ضعيف 1600 سي سي 90 حصان و 8 صباب قديم اوي و انا مش عارف رينو مصممة علية لية؟
و في حاجات غلاسة من الشركة الازاز في التابلوة مش في الباب
السحب مع التكييف زي الزفت
ثانيا الساجا:
العربية واسعة من جوة تشيل خمسة مستريحيين التكييف ممتاز افضل من تكييف اللوجان و الأثير على السحب مع التكييف بيبقى بسيط و القفيل و خاماتة نفس الخامات اللي في اللوجان يعني هو هو العربية عالية عن الارض و لكن الصاج ناشف العفشة ناهمة انعم من عفشة الجين 2
هي الوحيدة اللي في الفئة دية فيها باركينجج سينزورز
الميكانيكا سهلة و نفس الباور بتاع اللوجان
العيوب
التوكيل عز العرب زي الزفت
الاستهلاك بتاع البزين عالي بالنسبة لل1300 سي سي
بس كدة
خلاصة الكلام:
الوسع و الشنطة : اللوجان
السحب مع التكييف: الساجا
الشكل : مسئلة اذواق
التكييف:الساجا
الثبات: الاتنين احسن من بعض
العلو عن الرض: اللوجان
الانتشار: اللوجان
التوكيل: اللوجان
الموتور: الساجا طبعا
التقفيل: الاتنين منيليين ولكن الساجا افضل بحاجة بسيطة
الصاج: اللوجان
وضعية القيادة : الساجا
شكرا لكم
:inlove::inlove::inlove::inlove: