شباب المنتدى موضوع عاجل لا يحتمل التأخير ارجو الرد بخصوص بيع عربتي

**SERGIOOO90** · 29-07-2013 03:55 AM

السلام عليكم
شباب انا هبيع عربية و المفروض نروح بكره الشهر العقاري
هل أعمل عقد بيع
وللا توكيل مسجل
انا عارف إن الاتنين واحدولكن المشتري عايز توكيل عشان يستفيد من المدة المتبقية في االرخصة
فهل في مشاكل أو إجراءات قانونية عليا إذا تم إجراء أي مخالفة و مازلت الرخصة بإسمي
وشكرا

**DXT** · 29-07-2013 04:13 AM

ينفع يتعمل عقد بيع والرخصة تكون سارية بس هوا ميمضيش .. انا مجربتش الموضوع دا وسمعته من واحد لكن عموما اسال برضه

**abb** · 29-07-2013 04:22 AM

المشكله ف التوكيل لو الرخصه باسمك ممكن يجدد الرخصه باسمك زى ما هوا عايز والمخلفات طبعا عليك والعربيه هتكون لسه باسمك ومسئوليتها عليك وعقد البيع هيكمل بيه لغايه التجديد وبعدين لازم يسجل باسمه لو اصر ع التوكيل يبقا الاضمن تاخد عليه اقرار بمسوليته ع العربيه من تاريخ استلمها

**ahmedhilmy** · 29-07-2013 04:40 AM

الأفضل ليك و ليه العقد المسجل لانه طول المده اللي فاضله في الرخصه انت المالك للعربيه حتي جنائيا و لكن بتحرير العقد في الشهر العقاري بتتنقل ملكيه السياره تماما منك للمشتري لو حجته انه عايز يستفيد بالمده اللي فاضله في الرخصه خليه ميمضيش مشتري و بالتالي مش هيكون مضطر انه يرخص باسمه الا مع انتهائها .
لو صمم علي البيع بتوكيل اكتب محضر استلام للعربيه تذكر فيه ميعاد استلامه ليها باليوم و الساعه علشان لا قدر الله في حاله سؤالك عن العربيه لأي سبب يبقي عندك مستند يثبت عدم وجود العربيه في حيازتك و يمضي عليه طبعا برقم بطاقته و شيله معاك.

**ملك فرنا** · 29-07-2013 05:06 AM

لو عاوز توكيل ادهولة بشرط توكيل مقفول ميكتبش فية تجديد و ترخيص هو بيع للنفس و للغير فقط

**sherif moneer** · 29-07-2013 05:37 AM

بص انته ممكن تعمل توكيل بس تلغي منه انه يجدد الرخصه
انا لسه شاري عربيه من فتره قريبه وصاحبها مرضاش يفتحلي حتة التجديد دي
بس التوكيل اسهل وده اللي اعرفه يعني وانا سابع عربيه مثلا اشتريها بعقد ابتدائي وبعد كده في الشهر العقاري يعملي توكيل بالبيع والعقد الابتدائي يتقطع عادي

**إبراهيم المصرى** · 29-07-2013 07:21 AM

زى الاخوه ما قالو توكيل بحق البيع للنفس والغير ولا يذكر فيه التجديد وبكده لما يجى يجدد لازم ينقل الملكيه بأسمه وتتاكد من النص فى العقد الابتدائى على ميعاد التسليم والتسلم والاقرار بالمسئوليه المدنيه والجنائيه من لحظه الاستلام كل ده جميل مفيش مشاكل وفى حالة رضاء المشترى بعمل عقد مسجل يكون اكيد افضل للطرفين لكن متوقفش البيع على ضرورة عمل عقد مسجل

**إبراهيم المصرى** · 29-07-2013 07:25 AM

نصيحه متقطعش العقد الابتدائى احتفظ بيه علشان اقرار الاستلام باليوم والتاريخ والساعة

**Eng.Peter** · 29-07-2013 07:17 PM

زى ما الاخوة ردوا

**beshomilan** · 30-07-2013 11:20 AM

فعلا التوكيل بتلغى منه كلمة التجديد والترخيص وتمن التوكيل 20 جنيه وورقة التوكيل ب 5 جنيه يعنى 25
وممكن عقد بيع وميمضيش مشترى لحد ما الرخصة تخلص وبعد كده ينقل بأسنه بس ده هيكون غالى حسب موديل العربيه