طلب مشوره بخصوص مرسيدس c180
والله يا شباب انا محتار و محتاج من حضراتكم المشوره
انا حاجز رينو فلوانس الجديده فيس ليفت و اعتقد انى ممكن استلم على شهر 9 تقريبا و العربيه تمنها 155 الف
وانا بفكر جديا انى ادور على مرسيدس سى 180 او سى 200 بدل الرينو انا عارف طبعا انها هتكون ماشيه كتير مقارنه بالرينو لأنها هتكون مستعمله والرينو زيرو بس بردو الواحد بيقول المرسيدس مرسيدس و تمنها فيها و ركوبه تانيه خالص
وانا ممكن اجيب حاجه فى حدود 175 الف بالكتير و دى حدودى
فيا ريت لو حد يتكرم و ينصحنى هل التفكير ده سليم و المبلغ ده ممكن يجيب انهى موديل و اكون شاكر لحضراتكم جدا
و كل عام و انتم بخير ....