يا ريت مساعدة فى تقييم الماتيريا

انا عجبانى جدا الماتيريا وشايف انها عربية عائلية ممتازة عشان كدة انا عايز اشتريها انشاء الله بس و انا بدور على تقييمات ليها على النت فى مواقع زى

http://www.motors.co.uk/cars/reviews/daihatsu-materia

http://fifthgear.five.tv/jsp/5gmain.jsp?mnk=201_1&model=1191&desc=Daihatsu+Mate ria

http://www.parkers.co.uk/cars/reviews/daihatsu/materia-2007.aspx

لقيت ان اكتر حاجة مش عجباهم العفشة الناشفة اوى و عزل العربية الى مخليك تسمع كل حاجة برة العربية وكأنك قاعد فى الشارع!!! انا قريت كل تقييمات الى عملها الشباب هنا فى المنتدى بس كان نفسى حد من ماليكيها يرد على النقطتين دول بالذات وهل هى عربية اعتمادية فعلا وشكرا مقدما

اللى هيقدر يساعد حضرتك هما مالكى السيارة فى المنتدى

ممكن تبعت لهم على الخاص

KeroSirion
ahmedelhamf
todolist
modykh

انا مركبتش ماتيريا و مشيت بيها في الشارع قبل كدة بس مش متخيل إن عزلها وحش!

أصل اما بركبها في معرض بحس إني إنفصلت عن العالم الخارجي تماما و أكني قاعد في أوضة مش عربية
انا مجرب التيريوس و السيريون و هما عزلهم حلو أوي .. معتقدش هتفرق عنهم كتير بس برضه اللي يفيدك أصحاب العربية

شكرا يا شباب و حاحاول ابعت لمالكى العربية على الخاص

بالنسبة لصوت موتور الماتيريا هو غير مسموع
العزل داخل العربية والتكيف شغال بعتبر جيد جيدا و لا يقل عن اي عربية اخري في نفس المستوي
عفشة العربية ناشفة و تخليك تحس بالمطبات بهدوء لكن مافيش رزع و العربية مش بتحك في الارض مع المطبات حتي وهي محملة خمس افراد
الماتيريا عربية مناسبة لاسرة و مساحات الشنطة كبيرة
انا تقيمي ليها 9.5 من 10 :laugh2::laugh2::flirt:
اي استفسار او توضيح تحت امرك

يعني الياريس، عافشتها انعم ؟

اقتباس:

---

المشاركة الأصلية كتبت بواسطة عبد الرحمن اسامه

يعني الياريس، عافشتها انعم ؟

---

اه الياريس انعم

و الكلام ده عن تجربة شخصية للعربيتين, لفترة مش قليلة

انا اشتريت العربية من 15 يوم عملت بيها 700 كيلو وسافرت كمان بيها الساحل الشمالي ... بجد انا سقت اوكتافيا ومرسيدس ... بس بجد العربية دي حلال فيها الفلووووووس وتقييييمي 9.8 من 10 ... العيوب اللي انا شايفها فيها عيوب امكانيات بس يعني كان نفسي يبقى في مسند جنب السواق ودي هركبها إن شاء الله وككمان كان نفسي اركبلها نواكل بس لغاية دلوقتي التجار في الاسككندرية اول مرة يشوفوا العربية دي على حد قولهم ... بس بجد عربية ممتازة جداًً وعملية جدا ... واسعة اوييييييييييييييييييييييي يييي اوعى تفتكرني بقووول كده مجاملة ... مركبتش عربية اوسع ولا اجمل راحة ممن دي ... قاعدة ملوكي وتكيييف جميل ونظام صوتي فيه اوبشنز عالية اوي ... شكلها عاجبني جداً ... حتى الصدمات واحد ريح على العربية بعربيته من قدام فيها اكصدام طري محصلش خدشة واحدة ... بجد جميلة جداً ... وربنا يوفقك في الاختيار

وقريبا هنزل تقيييم شامل للعربية إن شاء الله

اقتباس:

---

المشاركة الأصلية كتبت بواسطة KeroSirion

انا اشتريت العربية من 15 يوم عملت بيها 700 كيلو وسافرت كمان بيها الساحل الشمالي ... بجد انا سقت اوكتافيا ومرسيدس ... بس بجد العربية دي حلال فيها الفلووووووس وتقييييمي 9.8 من 10 ... العيوب اللي انا شايفها فيها عيوب امكانيات بس يعني كان نفسي يبقى في مسند جنب السواق ودي هركبها إن شاء الله وككمان كان نفسي اركبلها نواكل بس لغاية دلوقتي التجار في الاسككندرية اول مرة يشوفوا العربية دي على حد قولهم ... بس بجد عربية ممتازة جداًً وعملية جدا ... واسعة اوييييييييييييييييييييييي يييي اوعى تفتكرني بقووول كده مجاملة ... مركبتش عربية اوسع ولا اجمل راحة ممن دي ... قاعدة ملوكي وتكيييف جميل ونظام صوتي فيه اوبشنز عالية اوي ... شكلها عاجبني جداً ... حتى الصدمات واحد ريح على العربية بعربيته من قدام فيها اكصدام طري محصلش خدشة واحدة ... بجد جميلة جداً ... وربنا يوفقك في الاختيار

وقريبا هنزل تقيييم شامل للعربية إن شاء الله

---

ربنا يباركلك فيها ان شاء الله

وفعلا العربيه فيها وسع جميل

انا عاوز اقول حاجه مهمه

مش شرط ان العربيه تكون اجمل واحلى واقوى من العربيات التانيه علشان اشتريها
ولكن الواحد بيشتري العربيه اللي يحس فيها انها مميزة او تعطيك شئ انت مفتقده في العربيات التانيه ومش فارق معاك الحاجات التانيه زي ده

يعني العربيه دي مثلا بتعطيك المساحه الخياليه من الداخل والشكل المميز جدا من الخارج
فده شئ من الصعب الحصول عليه في العربيات المماثلة لها في السعر

وهو ده مربط الفرس

وفعلا زي ما انا قولت قبل ذلك ان الاكصدامات جميله جدا في مسألة الترييح عليها لأنها طريه

بس يعني كان نفسي يبقى في مسند جنب السواق ودي هركبها إن شاء الله
انا كمان بدور علي مسند يد و مش لاقي لو عرفت مكانه ياريت تقولي شكرا

العربية ممتازة و ما فيهاش عيب غير أن بعض الناس ما بتحبش شكلها لكن بعد شوية بيقعو ا فى حبها زى أخويا و زوجتة إللى إستلامونى تريقة و دلوقتى بيفكروا يجيبوا واحدة

اقتباس:

---

المشاركة الأصلية كتبت بواسطة todolist

العربية ممتازة و ما فيهاش عيب غير أن بعض الناس ما بتحبش شكلها لكن بعد شوية بيقعو ا فى حبها زى أخويا و زوجتة إللى إستلامونى تريقة و دلوقتى بيفكروا يجيبوا واحدة

---

ناس كتير بيحصل معاهم كدة فعلا فى الأول يتريق على العربية و شوية تلاقيه بيسأل عليها وعايز يجيب واحدة :sifone:

وعلى فكرة فى كذا موقع تقييمها أعلى من الماتريكس و رغم كدة الماتريكس بتبيع أكتر منها فى مصر و ده دليل على ان احنا بنحكم على العربية كمصريين بثقافتنا اللى بتقدس أشكال معينة من العربيات بغض النظر عن مدى جودة العربيتين و القيمة السعرية الى أنا شايفها أعلى لصالح الماتيريا

اقتباس:

---

المشاركة الأصلية كتبت بواسطة hobiko

ناس كتير بيحصل معاهم كدة فعلا فى الأول يتريق على العربية و شوية تلاقيه بيسأل عليها وعايز يجيب واحدة :sifone:

وعلى فكرة فى كذا موقع تقييمها أعلى من الماتريكس و رغم كدة الماتريكس بتبيع أكتر منها فى مصر و ده دليل على ان احنا بنحكم على العربية كمصريين بثقافتنا اللى بتقدس أشكال معينة من العربيات بغض النظر عن مدى جودة العربيتين و القيمة السعرية الى أنا شايفها أعلى لصالح الماتيريا

---

ده غير ان بره معمولها هيصه وفيلم كبير
وخصوصا موديلات سيون الأمركية اللي هيا شبيهة لها

ولكن السوق المصري له رأي

بس هيا العربيه مش اي حد يركبها
يعني هيا من العربيات المميزة اللي مش هتلاقي كل الناس تجتمع عليها
حتى هتلاقي ناس معجبين بها جدا ولكن لما هيشتري مش هيشتريها

في موديلات بتبقى كده في العربيات

وقطع غيارها متوفره؟ .انا بفكر اشتريها بس حايف من موضوع قطع الغيار ده خصوصا انها ممكن توقف بعد سنه او سنتين ياريت رأى فى الموضوع ده