معقوله مفك رفيع يدور العربيه
عرض للطباعة
معقوله مفك رفيع يدور العربيه
الموضوع ده مش المفروض يعدى كدة و المفروض ان ادارة المنتدى تعمل حملة على توكيل منصور مش بغرض التشويه لكن بغرض كشف الاخطاء و اجبار التوكيل على ايجاد الحلول
وحضرتك يا استاذى الفاضل ممكن تروح حماية المستهلك و تعمل محضر تثبت فيه ماحدث ولو فى اى دليل ورقى يثبت كلام مهندس التوكيل هايفيدك اكتر
لا حول ولا قوة إلا بالله.. بجد ناقص ان كل واحد يبقى يشيل البطارية او فردتين كاوتش و هو طالع بيته و خلاص.. -_-
لا حول ولا قوة الا بالله ازاي كده عربية ب 100 الف جنيه مفيهاش ولا اي وسيلة امان بصراحة حاجة غير طبيعية.ولو علشان تجيب عربية فيها وسائل امان تلاقي نفسك بتدفع 200 الف ولا حاجة..يعني تحس 100 الف دول ولا ليهم اي لازمة :( دول 100 الف جنيه يا جدعاااان مش 100 قرش..
انا كنت جايب جهاز بيركب في ولاعة العربية وبيشغلها ب usb flash يعني العربية متشتغلش الا بال usb ده وشغال معايا زي الفل الحمد لله
موضوع السرقة ده منتشر انا لسه الصبح فى العصافرة سبت العربية "كرولا عيون" ساعتين ورجعت ملقتهاش
لا حول ولا قوة الا بالله
الحمد لله على رجوع السيارة وسلامتك
رغم اني معييش اوبترا ولا ركبتها انما مش مقتنع بكلام الأخ بتاع التوكيل ده تماماً وشايفه هرى وكمان مش منطقي بالمره ..
مفك ايه ده الى هيفتح بيه العربية .. ولو هيفتح بيه العربية هيحط المفك فين يعني في قلوب الكوالين زي الأفلام العربي بتاعت زمان ولا ايه ...
بص حضرتك انا عاوزك تعرف ان الحرامي حرامي شغله وعيشته كلها من السرقة وبيطور نفسه وبيفكر في طرق جديده مبتكره لسرقه العربيات (زي حالاتنا كده لما بنبتكر في شغلنا) هو برضه السرقه شغلته وعربيات كتير جداُ ومنها الى فيها ايموبلايزر ومفتاح مشفر والهري ده كله وبيسرقوها برضه يعني من الأخر الى عاوزين يعملوه هيعملوه بس احنا لآزم ناخد بالأسباب ونحاول نأمن عربياتنا كويس اهه حتى نعطله شويه وربنا يقينا شرهم ويشويهم في نار جهنم والف مبروك على رجوع العربيةة وإن شاء الله ترجع زي ماكانت
مش الاوبترا لوحدها انا معايا لانسر 2002 نفس اللي حصل مع الاخ حصل معايا بس اللي عمل كده كان عايز يسرق اي حاجه م العربيه مش العربيه الحمد لله ع كل شيء انا كنت مفكر ان العربيه انا نسيتها مفتوحه بس بعد ما قريت الموضوع ده افتكرت اني كنت منزل القزاز وانا سايق كان باقي تلته مثلا مرفوع والقزاز التاني كان مرفوع خالص اللي جمب السواق لان الوالده كانت قاعده جمبي فلما رجعت لاقيت القزاز بتاع السواق نازل كله والقزاز التاني نازل شويه مش كتير واكمن العربيه كانت مفيمه اظن الحرامي خد وقته هههههههههههههه بس الحمد لله انا مكنتش سايب حاجه ف العربيه وده ن ستر ربنا واللي حصل ده نتيجة الاتي حظي ان الحرامي كان ف المنطقه اللي انا رايح اعمل فيها المصلحه دي ووانا نازل بقي م العربيه ف الحرامي تقريبا شافني وانا باخد الموبايل والمحفظه م العربيه واحطه ف جيبي اتغر بقي ههههههههههههههههه مع انها حاجات متستاهلش يعني فنصيحه قبل ماتنزل م العربيه تكون حاطط موبايلك فلوسك محفظتك ف جيبك وتنزل نيجي بقي للامان احسن حاجه انك تعمل نظام كويس ضد السرقه زي مثلا تقفل دورة البنزين ودي اضمن م الكهرباااا بمراحل وانا عن نفسي هدور ورا الحوار ده انشاء الله بس الغريبه اني كنت مفكر القزاز اتكسر لاقيته سليم بس وحدة الرفع معدتشي شغااااااااله يعني اقفل السنتر تتك تكه والقزاز ميرفعشي ياللا الحمد لله ربنا سترها
وألي حابب يستفسر أكتر ت/ 01221346937
وياريت من الأعضاء ألي يقدر يساعدني أني أتواصل مع المتضررين زيي عشان نجمع جروب نقدر نطلب حقنا